Psalmyn 147 - Psalmyn Ghavid 1761 (Metrical)

PSALM CXLVII. PART I.

¹ O moyllee-jee yn Chiarn t’ayns niau, As insh-jee magh e ghoo;

² Son s’mie as stooamey t’eh dy loayrt, Ayns booise da ’ennym noo.

³ Yn cree ta brisht lesh seaghyn trome, Dy leah t’eh jannoo slane;

⁴ As earroo ny rollageyn heose, T’eh coontey dagh unnane.

⁵ S’mooar ta yn Chiarn as s’mooar e niart, E chreenaght as e phooar;

⁶ Ny meen t’eh troggal, agh drogh leih T’eh lhieggal gys yn ooir.

⁷ Gys Jee nyn Jiarn, arraneyn bing Gow-jee lesh ard-choraa,

⁸ Er greïnyn kiaullee, dy creeoil, Coyrt booise as moylley da. Ny sleityn heose as coanyn wass

⁹ T’eh jannoo magh lesh troar; Myr shoh ta dagh cretoor goaill ayrn, Jeh ’vieys as e ’oayr. Son maase as ollagh t’eh kiarail, Nyn veme t’eh cur-my-ner; As eer son eeanlee feïe yn aer, Yn traa t’ad geamagh er. Yn aer t’eh coodagh doo as dowin, Lesh bodjallyn as kay; Laadit lesh fliaghey as lesh druight, Yn ooir dy yannoo meay.

¹⁰ Cha nee er niart yn dooinney trean, Dy chooney lesh t’eh treisht; Ny foast er troshid mooar y niagh, My s’lajer ta yn veisht.

¹¹ Agh graih as kenjallys y Chiarn T’eh soilshaghey dy keiyn; Da’n dooinney imlee, crauee shen Ta firrinagh da hene.

PART II.

¹² Bannee dty Hiarn, Yerusalem, As uss, O Sion, lheïe;

¹³ Ta voish dty ghiattyn geiyrt dty noid, Guard er dty chloan cheu-sthie.

¹⁴ Harrish dty ream t’eh skeayley shee Ga ta dty noidyn troo; Lesh flooyr y churnaght s’miljey neesht Ta Jee dy veaghey oo.

¹⁵ Ta’n ooilley-niartal fockley magh Lesh ard-choraa e phooar; Cha leah t’eh loayrt, cha leah t’eh jeant, Dy tappee er yn ooir.

¹⁶ Myr ollan vane, ta’n sniaghtey gial Cheet neose, as sheebit fo; As myrragh garmad chiow yn ooir, Lesh meeaylys y lieh-rio.

¹⁷ Yn sniaghtey garroo trome as dewil Myr steabyn tilgey chion; Quoi oddys shassoo magh ny ’oï, Ny bydal er y hon?

¹⁸ Agh s’leah ta Jee chyndaa e laue, As fockley magh e ghoo; Thennue as chiass, cheet veih yn jiass, T’ad lheïe as eisht goll mow.

¹⁹ E lattyssyn as oardaghyn Da Jacob t’eh ’r livrey; Da Isr'el e recortyssyn, Dy reayll ad son dy bra.

²⁰ Yn foayr graysoil as myghin shoh, Cha dooar n’ ashoonyn-quaagh; Agh dooinyn t’eh er hoilshaghey Saualtys son dy bragh.