Psalmyn 146 - Psalmyn Ghavid 1761 (Metrical)

PSALM CXLVI.

¹ O m’annym, eeck da’n Chiarn e cheesh Dy voylley ard dy bra;

² As gow arrane jeh mieys Yee Ta coadey oo gagh laa.

³ Ny cur dty hreisht ayns Prince erbee Ny foast ayns niart yn eïll; Son s’moal y chooney t’ayns nyn laue Voish seaghyn dy endeil.

⁴ Spooilt jeh nyn ennal t’ad goll mow, T’ad tuittym reesht ayns joan; Ayns loauys eajee coayl nyn mree, Nyn niart as stayd ec kione.

⁵ Eisht s’maynrey t’eh ta ’varrant soit, Son coadey er e Yee; Ta goaill Jee Yacob son e niart, T’eh ceau e hraa ayns shee.

⁶ Son Jee ren niau, yn ooir, as keayn, As dagh nhee ayndoo ta: E ghialdinys t’eh cummal seose, As niartal son dy bra.

^7-9 Yn boght cha lhig eh ve gyn cour, Tra huittys eh ayns feme; Ny accryssee t’eh jannoo magh, As clashtyn rish nyn eam. Yn joarree as yn chloan gyn-ayr, Ta ard-chiarailys Yee; Dy veaghey lesh y palchey smoo Yn traa t’ad huggey roie. Trimshey’n ven-treoghe tra t’ee ayns feme Ta Jee coyrt tastey da; Agh raaidyn olk mee-viallee, T’eh bun-ry-skyn chyndaa.

^10-12 Ta’n ooilley-niartal Chiarn ny ree, Dy bragh ayns Sion reïll; Veih eash dy eash ta ’phooar goll magh As roshtyn er y theihll.