Psalmyn 145 - Psalmyn Ghavid 1761 (Metrical)

PSALM CXLV.

¹ Ard-voylley dhyt, O Hiarn my ree, Ard-ooashley dhyt dy bra;

² Dy choyrt dhyt booise choud as vee’m bio My churrym kainlt gagh-laa.

³ Dty ghloyr, O Hiarn, cha vod my ghlare ’Chur magh lesh ooashley feeu;

⁴ Dty ooashley t’eh erskyn my phooar, Dy chormal lesh my ghoo.

⁵ Dty obbraghyn bee cooinaght jeu Gys earishyn gyn kione;

⁶ Ooashley dty ghloyr ta soilshit magh Ayns firrinys dty ghoan.

⁷ Tra vees dty voylley as dty gloyr Ayns bingys soilshit magh; Lhig dagh sheeloghe lesh un arrane Goaill ayrn ’sy chiaulleeaght.

⁸ Dty ghraih hymmoil as surranse liauyr T’ad gerjaghey sheelnaue;

⁹ Dty vyghin veigh dy bragh er skyn Eer obbraghyn dty laue.

¹⁰ Dty obbraghyn t’ad fockley magh Dty voylley as dty ghloyr;

¹¹ Dty nooghyn taggloo jeh dty niart, Dty vieys as dty phooar.

¹² Dty stoyl reeoil ayns stayd te soit Te stoamit magh dy lhean,

¹³ Reill dty reeriaght te farraghtyn, As rish dty phooar co-beayn.

^14-15 T’ou sheeyney magh dty laue, O Hiarn, As troggal seose y boght;

^16-20 T’ou cooney lesh dagh ymmyrchagh Ta ceau e hraa gyn loght.

²¹ Lesh rere my phooar nee’m goaill arrane Dy voylley hoods, O Hiarn, As lhig dy chooilley eill cur booise Choud as vees seihll er-mayrn.