Psalmyn 143 - Psalmyn Ghavid 1761 (Metrical)

PSALM CXLIII.

¹ Eaisht rish my ghuee, Hiarn, as gys m’eam Cur cleaysh as bee foayroil; As lurg dty ghialdyn firrinagh, Cur dou ansoor graysoil.

^2-4 Ec stoyl dty vriwnys dy ve try't, Ny briwnys mee dy geyre; Son ayns dty hilley dooinney bio Cha vel veih peccah seyr.

⁵ Smooin-ym er laghyn foddey ceaut, As yindyssyn dty laue; Er cre cha mennick ta dty phooar, Er my livrey ayns gaue.

⁶ Lesh padjer imlee sheeyn-ym hood Dy jeean my laueyn magh; My chree ort geam, myr thalloo losht Feme fliaghey ymmyrchagh.

⁷ Eaisht rhym dy leah, ta mee failleil, Voym, Hiarn, ny chyndaa dt’oaie, Nagh bee’m goll roo ta gyn treishteil, Hees dowin nyn lhie ’syn oaie.

^8-9 Dty aigney graihagh soilshee dou, Son ta my varrant ort; Jeeagh dou yn raad ayn lhisin shooyl Hood dy vod m’annym troailt.

¹⁰ Uss, uss, my Yee, gys dt’aigney mie, Ynsee dou biallys; Lhig da dty Spyrryd my leeideil Ayns raad ny ynrickys.