Psalmyn 135 - Psalmyn Ghavid 1761 (Metrical)

PSALM CXXXV.

^1-3 O cur-jee moylley ard da’n Chiarn, Jeh ’ennym sheer gimraa, As jean-jee shiuish, shirveishee ’n Chiarn, Ard voylley feeu ’chur da. O moyll-jee eh shiuish ta tendeil E hie lesh jeeanid cree; Marish y vooinjer t’ec y voard, Coyrt moylley cooie da’n Ree. Ta’n Chiarn graysoil, gow-jee arrane Lesh boggey flaunyssagh; Dy eeck nyn geesh dy voylley cair, Cre ta cha eunyssagh?