Psalmyn 119 - Psalmyn Ghavid 1761 (Metrical)

PSALM CXIX. ALEPH

ALEPH

¹ O maynrey ad ta kinjagh shooyl, Ayns raaidyn jeeragh Yee; Ta streeu dy reayll yn cassan cair, Gyn skyrraghtyn erbee.

² O maynrey ad ta gys e leigh Coyrt biallys creeoil; Lesh jeeanid anmey imlee guee Dy yannoo eh foayroil.

³ Nyn lheid ta kinjagh er nyn dwoaie, Veih caslys olk dy chea; Tastagh dy reayll yn raad ta roue Nagh gaill ad shilley jeh.

PART II

⁴ Dy hoiggal dt’annaghyn reeoil, Ta’n sarey ayd’s, O Yee,

^5-6 As ad dy reayll nyn gurrym ard Lesh jeeanid smoo nyn gree. Oh eisht dy beagh eh dt’aigney mie Trooid ooilley coorse my vea; Dy hoiagh roym cre’n aght nee’m shooyl, Uss my haualtagh bra.

^7-8 Lesh dunnallys bee eisht my chree Ec fea ayns slane treishteil, Ayns gerjagh smoo dy vel my vea, Rish dt’annaghyn coardail.

BETH

BETH

⁹ Cre’n aght yiow’n dooinney aeg yn skhleï Dy kiart e vea ’leeideil?

¹⁰ Lesh jannoo kinjagh dt’annaghyn E sca veih broid yn ’eill.

¹¹ Lesh arryltys my chree ta soit, Dy yeeaghyn er dty hon;

¹² Veih dt’annaghyn ny lhig dou, Hiarn, Chyndaa er-shaghyryn.

¹³ Dowin ayns my chree dty ghoo ta soit My stoyr nagh jean failleil;

¹⁴ Nee cooney lhiam dy reayll fo chosh Mee-viallys yn eill.

¹⁵ My annym booisal, myr shoh reilt, Dy kinjagh ver dhyt gloyr;

¹⁶ Veih’n traa shoh magh, lhig da my vea Ve coadit lesh dty phooar.

HE

HE

³³ Ynsee mee ayns dty leigh’yn, Hiarn, Dty raaidyn soilshee dou; Ooilley my laghyn eiyr-yms daue, Cha jem er-shaghryn voue.

³⁴ My nee uss creenaght y chur dou Yn chreenaght flaunyssagh; Nee’m goaill dty leigh’yn gys my chree, As freill-ym ad dy bragh.

³⁵ Jean uss ayns cassan rea dty ghoo My immeeaght kiart leeideil; Ny lhig da’n caslys sloo dy olk, M’y chummal fo e reill. Orrym’s fo kiangley dty harvaant Cur soilshey gennal dt’oaie; Dy hoiggal as dy reayll dty ghoo Lesh jeeanid lhieen my chree.

LAMED

LAMED

⁸⁹ Dy bragh, O Hiarn, as son dy bragh, Dty stayd cha bee ec kione; Trooid ooilley’n aer t’ou cummal seose

⁹⁰ Dy chooilley chruinnyd t’ayn. Veih eash gys eash ta dt’ynrickys Gyn scughey shassoo beayn; Ta’n ooir myrgeddin shickyr soit, Lesh dty phooar niartal hene. Ta dagh nhee t’ayn cur lhieu nyn goorse, Myr ren oo daue pointeil;

⁹¹ T’ad ooilley bial da dty phooar, Sharvaantyn fo dty reill. Hee’m dy bee jerrey er dagh nhee, Nagh var ad son dy bra, Agh lheead dty leighyn’s goll rhyt hene, Cha jean dy bragh caghlaa.