Wikhikən 20 - Wikhikәn 2014

¹ Nit əmskowasewe kiskət kisi atəlahsimowikiskwək, Mali Matlen pəkəcihe poskənikənaləkok wisəki ospaswiw cel mehc piskətpokət, nəmihton pənapskw weci semahtasiks poskənikənaləkok.

² Nit tehc kwaskwho opəkəcihanəl Simo Piyeləl kətəkil notəkehkimocil tanil Sesohs keselmacil, 'tiya: Cimaciphawaw Ksakəmamowal poskən ikənaləkok, skat nkəcicitonewin tan tet ponatits.

³ Nit tehc Piyel macehe kətək notəhkehkimot, petkaotowək poskənikənaləkək.

⁴ Təkwiw kwaskhowək, kətək notəkehkimot onəkəlal Piyeləl, təmk pəkəcihe pokənikənaləkək.

⁵ Citowamkwessit onəmihtonəl atolhawekənol elakwekil kenok kətama ksehewi.

⁶ Toci Simo Piyel opəkocihan onosotehkowal ksehe poskənikənaləkok, onəmihtonəl atolhawekənol elakwekil.

⁷ Kasikəhosot tan wisatpepisitpən, skat witewi atolhawekən ikək, kenok kisankənaso cpahte.

⁸ Toci nit tehc kətək notəkehkimot naka okəsahan, tan təmk pekəcihatpən poskənikənaləkək, onəmihton olamsətəmən.

⁹ Ipəcəl meskw onəstəmoniya tan elwikhasik Kelowəsitewe Wikhikənək, cəhocinəmceso npowakənək.

¹⁰ Nit tehc notəkehkimocik apc macehkaw otowək wikowawikowak.

¹¹ Mali skeh kwihiw poskənikənaləkok kwəcəmiw, təltemo. Aptətemit cihtowamkwessit optiyapətəmən poskənikənaləkək.

¹² Onəmiya nisowaseli wapekənəhmok, epilicihi pəskw elkwesinlitpən, kətək elsitesinəlitpən Sesohs ohək etekpən.

¹³ 'Tiyawal: Ehpit, kekwse wetemiyən? 'Tiya: Ipəcəl macephawaw Nsakəmam, skat nkəcicihawiyək tan tet ponehlatits.

¹⁴ Kisi itək yot weswekapoweso onəmiyal Sesohsəl sehkelicil, skahəlo okəcicihawiyəl Osesoswilin.

¹⁵ Sesohs 'tiyal: Ehpit, kekwse wetemiyən? Mali litəhaso nocinpisonkikanihket, 'tiyal: Sakəm kil kisi macephətsəpən, nsətomowin tan tet ponət, nil nmacepha.

¹⁶ Sesohs 'tiyal: Mali! Mali kwəlpikapoweso 'tiyal: Laponi! (Leswiswatowemək) Tan itəmowik, Notəkehkikemit!

¹⁷ Sesohs 'tiyal: Mosahk samelihkəc, iləcəl mehc meskw nonakihaw Nmihtakws. Kenok əlih nsiwesək ewoltitit ktihan, nonakih nil Nmihtakwsək kilowaw Kmitakwsowak, nil Kelowəsitk, kilowaw Ki siyolkonowak.

¹⁸ Mali Matlen pəkəcihi peciptowan kəlosowakən notəkehkimocik nit nekəm okisinəmiyal 'Sakəmamowəl, yohtəl kekwseyal okisi iyalhacəl.

¹⁹ Nit tehc nit kiskət welakwiwik amskwahsewe kiskət, kisi atəlahsimowikiskwək, khakənəl kpapasowəl etli mawihatit notəhkehkimocik ipəcəl onəkalawa Leswihs, Sesohs pəkəciye epahsiw sehke, 'tiya: Wantəkewowakən ihic khəkewak.

²⁰ Kosiyəhat nihtəl kəlosowakənəl omeswehtowanəl opitinəl epmelwat. Toci notəkehkimocik wəlitəhasoltowək nemihatit 'Sakəmamowal.

²¹ Nit tehc apc Sesohs 'tiya: Wantəkewowakən ihic khəkewak. Tan iliyəlkimitpən Nmihtakws nil eliyəlkimlekw kilowaw.

²² Kisi itək nihtəl onesemotowah, 'tiya: Kəməsənawa Kehci-niweskwit.

²³ Tanik wenik otəlkəmiksowakənowal nheltəmowekw, nheltənowanəl: tanik wenik otəlkəmiksowakənowal skat nheltəmowekw, skat nheltasiwiyəl.

²⁴ Kenok Toma tan iliwihotnaka Təkwehs, skat wiciyew awipənihi tan toci Sesohs pekəcihat.

²⁵ Nit tehc kətəkik notəkehkimocik 'tiyawal: Ksakəmamowa kisi nəmiyano. Kenok Toma 'tiya: Skat nəmihtowawan opitinək cilmikil cisəkhikənəl; skat picehtowan (ntəlowikənic) npəskelcawən cilmikil cisəkhikənəl, skat ponehtowan npitin epmelwat, skatəc nolamsətəmowən.

²⁶ Kisi okəmolcin kesokənəkak notəkehkimocik apc mawihiyək lamikowam, Toma wiciyewa. Sesohs pəkəcihe khakənəl kpahasowəl, epahsiw sehke, itəm: Wantəkewowakən ihic khəkewak.

²⁷ Akimte 'tiyal Tomahəl: Ckoweht, kpəskelcawən sakihtowin npitinəl, ckowinskes poneht epmelwiy: mosahk kəlotəmokəc, kanokəlo wolamsətəmon.

²⁸ Toma asitewtəm: Nsakəmam, Kelowəsitəm.

²⁹ Sesohs 'tiyal: Toma, ipəcəl kisinəmihi kisiwolamsətəmən. Wəlewoltowək tanik skat nemitotikw kisi olamsətəməniya.

³⁰ Ŭktanakətol kətəkil kinowaskoltikənəl Sesohs kisehtakwpənil elkwepihalit ekehkimatpənihi, tanil skat ewikhasinokil yot wikhikənək.

³¹ Kenok yohtəl weciwikpasikil welaman kilowaw kowaw kolamsətəmənitp Sesohs. Oniweskowin, Kelowəsit 'Kwəssəl; welaman ktiyeniyap askəmawsowakən eliyolamsətəmekw.