Wikhikən 19 - Wikhikәn 2014

¹ Toci nit tehc Pilot wikwehlal Sesohsəl omatəhal.

² Səmakənəssək otələskən watəməniya citokepisot minosiye, ocitokepilaniya, moskwən imkwəpehtek wisekənəsot onasehtowaniya.

³ Petapasiniyal, itəmotowək: Kolasikolpən kil kincaməswiyən Leswihsow ikək. Okaski kwehtahawal.

⁴ Pilot apc otəlihan 'tiya: Sakihok, npecipha ewoltcekw kocikcicitoniya nil skat nməskəmowən lahkəmiksowakən ohəkek.

⁵ Nit tehc weckowinotahat Sesohs opəskəmən citokepisot minosiye, naka moskwən imkwəpehtek wisekənəsot, 'tiya: Sakihək skitap.

⁶ Nit tehc kcipahtəliyasək nocik wənkaticik nemihatit, ksikawe westotowək, itəmotowək: Sitakwtəhan! Sitakwtəhan! Pilot 'tiya: Kilowaw wikwehlok sitakwtohok! Ipəcəl nil skat nməskəmowən lahkəmiksowakən ohəkek.

⁷ Leswihsək 'tasitemawal: Potosowakən ntihinen; Nilon ntpaskowakənən elkəmawik cowimecinep; ipəcəl lehləsopən Kelowəsit 'Kwəssəl.

⁸ Nit tehc Pilot notək yot kəlosowakən, opiyemiseksin,

⁹ Apc ksehe kcisakəmawikwamək, 'tiyal Sesohsəl: Tama ktətleyaw? Kenok Sesohs kətama 'tasitemawiyəl.

¹⁰ Toci Pilot 'tiyal: Skat kəloliw? Skat kəcicitowən nil ntin təpeltəmowakən ktasitakwtəholən? Naka ntin təpeltəmowakən kponehlələn?

¹¹ Sesohs asitewtəm: Kil skatəp kteyiywən təpeltəmowakən oci nil, skat ocimilomok spəmək. Nit tehc nekəm nət tan milowet nhək, piyemkikon lahkəmiksowakən eyit.

¹² Nit wecehtakemək Pilot otəkweciponehlal. Kenok Leswihsək kintakwsoltowək itəmotowək: Ponehlət wət skitap, skat kosiwewiwən Sisəl. Tan wen kisepləsit okinceməsowin, onathəmowal Sisələl.

¹³ Nit tehc Pilot notək yohtəl kəlosowakənəl onotephal Sesohsəl oləpehlal tpaskowakən kwotəpot, tan tet liwihtaso Lapsənikən awt, Leswihsowatowemək, Kappata.

¹⁴ Nit kisok olacoltin nankəmihakewe wikhəpaltimək, tamahal paskwe. 'Tiya Leswihs: Sakihək, kinceməsmowah!

¹⁵ Kenok kintakwsoltowək: Ŭlmiphan! Ŭlmiphan! Sitakwtəhan! Pilot 'tiya: ntasitakwtahac kinceməsəmowa? Kcipahtəliyasək 'tasitemawal: Kətama ntiwawin kinceməs tepəkt Sisəl.

¹⁶ Toci nit tehc oponehtowananiyal Sesohsəl opitinowak otasitakw təhasilin. Nekəmaw wikwehlawal Sesohsəl, otəliphawal.

¹⁷ Pəmihkalal ocipiyatkoməl, əlihe nit tan eliwihtasik, Osəkatəp, tan Leswihsowatowemək liwihtaso, Kalkata;

¹⁸ Tan tet etli sitakwtəhatit, nekəm naka sitakwtəhasowək kətəkihi ni so wiciyeyacihi, təhetowikako, Sesohs epahsiw.

¹⁹ Pilot wisowənhaso ewikhək, osasitaskehton cipiyatkək. Lowikhaso: Sesohs Nasaletkew, Leswihsək okinceməsəmowal.

²⁰ Nit tehc yot wisowənhaso ktanakwsowək Leswihsək ekitəmotit, ipəcəl nit etlisitakwtohot kwihiw otenek; əlowikhaso Leswih sowatowewiw, Klikewatowewiw Latənwatowewiw.

²¹ Nit tehc Leswihsək kcipahtəliyasəmowa 'tiyawal Pilotəl: Mo sahk əlowikəmokəc, Leswihsək okinceməsəmowal: əlowikhəmontak: Itəmopən nil Leswihsək okinceməsəmowal.

²² Pilot asitewtəm: Tan kiswikhəm, nkisiwikhəmən.

²³ Toci səmakənəssək kisi sitakwtəhatit Sesohsəl, wikwehtowaniyal ohəlkwotewakənəl onewicpənməniyal, ehtasiw səmakənəss nkocihpət; naka otəpskwəns. Nit pəskonas kətama likwatikəniw, ocimaciyatəkitahasos kwonaskwiw maləməte emeken.

²⁴ Nit tehc yəhotoltowək: Cikaw skat skwoskinehtowəkw, kətotehmawtoltinec tahk wenəc oməcesom. Welaman Kelowəsitwe Wikhikən tan itəmowik əlihe: Osisenmaniyal ntəlkwotewakənəl, okətoteh mawtoltiniya ntəpskwons.

²⁵ Yohtəl kekwsal səmakənəssək elokhətihtitpənil. Kwihiw skəltowək Sesohs ocipiyatkomək, Sesohs wikowasəl, naka Mali Clopəs onisowiticil, naka Mali Matlen.

²⁶ Sesohs nit tehc nemihat wikowasəl naka nit notəkehkimocil tanil mosalacil sehke kwihiw 'tiyal wikowasəl: Ehpit, sakihok kwəss.

²⁷ Toci 'tiyal notəkehkimocil: Sakihok kikowos. Wecehtakemək, nit təpaskotikən nət notəkehkimot otəliphal wikək Sesohs wikowasəl.

²⁸ Nit akimte Sesohs ipəcəl okəcicihton msiw kekwsal təkec nkikahkisehtasin, welaman Kelowəsitwe Wikhikən tan itəmowik kisehtasop, itəm: Nkətowosəm.

²⁹ Nit malikiyesihs nit popsənpe pinikəl; ocipsənpehtoniya sinkəlatikən onasakwhəməniya otəlakw həmowaniya otonək.

³⁰ Sesohs nit tehc kis mesənək pinikəl itəm: Kisehtaso əlahko, ekolamo.

³¹ Nit tehc Leswihsək ipəcəl olacowakəni kiskət nit kiskət, welaman mhəkiyəl skatəp eyiwewl cipiyatkw ikək atəlahsimowikiskwək, ipəcəl nit atəlahsimowikiskwək kcikiskət nit opakowomaniya Pilotəl okatowal təmihtehmo otəpəlcwopliphak.

³² Nit tehc səmakənəssək petapasiniya təmehtowaniyal təmkeweyal okatəl naka kətəkil tanil wici sitakwtohot.

³³ Kenok peciyahtit Sesohsəl nemihatil omecinalin təkec, kətama otemehtoowniyal okatəl.

³⁴ Kenok peskw nit səmakənəssək osaphal epmelwalit təkətikənək, nəkəsayw pəkahkən samakwan wecisakhicowək.

³⁵ Nət tan kisi nəmihtakw kci sinspiwolameh, onəspiwəlamewakən olamewiw, okəcicihton tan itək olame, welaman kilowaw naka kolamsətəm otiniyap.

³⁶ Epəcəl yohtəl kekwsal wecikisehtasikəl welaman tan Kelowəsitewe Wikhikən itəmowik leyo: Peskon oskənisəm skat təmehtasiw.

³⁷ Apih kətək tan ewikhasik Kelowəsitewa Wikhikən ikək, itəmowik: 'Təsakihawalc nekəm tanil saphatitpənil.

³⁸ Akimte yot, Sosep tan 'cey Alimətiyak, tan Sesohs ohəkek wetəkehkimot, kenok kikimiw ipəcəl onəkahla Leswihs, pakowoman. Pilotəl okiseltəmakon omaceptowan Sesohsəl ohək: Pilot kiseltəmowan. Nit tehc pəkəcihe omaceptowan ohək Sesohsəl.

³⁹ Naka Nikotem pəkəciye tan təmk opəkəcihaneyepənil Sesohsəl nipayiw, opecipton [npisonəl] məlalos wawyəkihe tamahal nkotatkw kesitkikon.

⁴⁰ Toci wihkwehtowaniya Sesohsəl ohək, wisekehlawal atolhawekənikək, mawiw yohtəl milipokil: tan Leswihsək ilehlahtit npowinowəl poskənatit.

⁴¹ Nit tan tet etlisitakwtəhotpən npisonkikan iyopən, npisonkikanəkewpən piley poskənikənaləkw, nit tet mesk wen mehc kisi ponawənawihpən.

⁴² Nit tehc nit tet ponatit Sesohsəl oci Leswihsək olaco akəni kiskətəmowa; ipəcəl nit poskənikənaləkw kwihiw iyopən.