Wikhikən 15 - Wikhikәn 2014

¹ Nil nolamewi alakwiminaksowi, Nmihtakws notkikewin.

² Msiw psketkwonol nhəkek tan skat miniwok, osematon: msiw psketkwənol tan minik, omosikehton, welaman aciminkaso.

³ Təkec weci pehkikoltiyekw kəlosowakən ikək tan kisi yəholekw.

⁴ Nkesoltikw nil nhəkek, nil kilowaw khəkewak. Tahalo psketkwon skatəc kisiminkasiw skat cikəlminok alakwiminasik, kilowaw na skat nkesoltiwehkw nhəkek [skatəc kisi wəlehtakətipa.]

⁵ Nil alakwiminaks; kilowaw psketkwonol. Tan wen enkesit nhəkek naka nil na, ntənkess ohəkek, nekəm wəleminkaso: Ipəcəl nil skat eyiwan ktəcelesoltipac.

⁶ Tan wen skat enkesihkw nhəkek, lisemaləkwso tahalo psketkwən, kispahsahsik, mawewotasowəl kcəsiyewotasowəl, pskwəlehtasowəl.

⁷ Nkesoltiyekw nhəkek, nkəlosowakənəl nkesowəl khəkewak, wikotəməniyap tan eliwəli təhatəmekw təlokewkeniyac.

⁸ Nit Nmihtakws wecikcitənitəhamkosit kitanakwi minkasiniya; naka kilowaw kotəhkehkimkosipayih nhəkek.

⁹ Tahalo tan Nmihtakws elikselmitpən nil nit kilowaw elikselməlekw: nkesoltikw nkəsetəmowakənək.

¹⁰ Saktəmekw ntəlkitəmowakənəl ktənkesoltipahih nkəseltəmowakənək. Tahalo nil elihimowokpən Nmihtakws otəlkitəmowakənəl, ntənkess okəseltəmowakənək.

¹¹ Yohtəl kekwsal kisi yəholekwil welaman nolitəhasowakən iyo khəkewak, naka welaman kolitəhasowakənowal ocipsənehtaso.

¹² Yot ntəlkitəmowakən, kilowaw kəseltotoltiniya; tahalo elikisikselməlekw, nit na kilowaw əlikseltoltikw.

¹³ Skat wen akwamk likisikselmowew təhalo wət tan eliponik opəmawsowakən ociyosiwi.

¹⁴ Kilowaw nsiwiyək əlokhətiyekw tan elkimlekw.

¹⁵ Skat akwamk ktəlmi liwiholopa notlokehtəmək; ipəcəl notloket skat okəcicitowən tan tepeltəməlicil tan elokelit: kenok ktliwiholpa nsiwiyək, ipəcil msiw kekwsal tanil wecinotəmanil Nmihtakws ktahkinowehtolniyapənil.

¹⁶ Kilowaw skat kəməkənipakopən, kenok kilowaw nil kəməkənəlopapən, elohikalekwpən, welaman ktəliwltiniya, naka kminkasiniya, tan eliminkasiyekw omecimiyənkeso. Wilaman msiw kekwsal owihi wikotəmek Nmihtakws nnowisowənək kəmilkoniyac.

¹⁷ Yohtəl kekwsal elkimlekwil welaman kəseltoltipa.

¹⁸ Oskitkəmikw akwitəhamlakw, kəcicitoniya ntakwitəhamkonepən nil meskw kilowaw akwitəhamlowakw.

¹⁹ Oskitkəmikw 'ceyawoltiyekw, skitkəmikop okəsiltəmənp tan yot nekəm. Kenokəlo skitkəmikw skat kceyawoltipa, kenok nil kocimkənlopapən skitkəmikw nit tehc skitkəmikw ktakwitəhamkoniya.

²⁰ Mikwitəhatəmok yəholekwpən: Notloket skat piyemitpəsiw skatək tanil tepeltəməlicil: Nil kisiwehkanhitit kilowaw cənaktowehkan hokowakc. Saktəmotitsəpən nkəlosowakən, naka saktəm akonəlc kilowaw kəlosowakənowal.

²¹ Kenok msiw yohtəl kekwsal tlehləkoniyalc owihi nowisowənək, cipəcəl skat onənawawiwəl tanil petəkimtpənil.

²² Nil skat pəkəcihawansəpən kəlolawansəpən, skatəp oteyiwniya lahkəmiksowakən. Kenok təkec kətama oteyiwniya tan weci kisi asowahmotit otəlkəmiksowakənowal.

²³ Tan wət akwitəhamit nil, Nmihtakwsəl na otakwitəhamal.

²⁴ Skat əlokewansəpən ohəkewak lohkewakənəl tanil meskw wen elokehkwil, skatəp oteyiwniya lahkəmiksowakən ohəkewak. Kenok təkec nəmihokonen naka ntakwitəhamkonen təkwiw nil Nmihtakwsəl.

²⁵ Kenok nil əlihe welaman kəlosowakən tan ilowikhasik otpaskowakən ikək əlihe: Ntakwitəhamkopənik ocipisowiw.

²⁶ Kenok tan toci Nociwolehlowet pəkəciyat, tan wetəkimokc Nmihtakws. Kehci-niweskwit olamewakəne tan wecimacəhat Nmihtakws. Nekəm nəspiwolamewəkw.

²⁷ Naka kilowaw cəna knəspiwolamhətipac, ipəcəl wiciyewipa wecehtakeməkəte amskwahs macəhak.