Wikhikən 9 - Wĭkheegŭn 1870

¹ Ha pāmĭhat oonŭmĭhal ooskedăp’eŭl nĕhkapĕlejĭl tanĭl nĕkapelĭtsŭb’ŭnĭl nĕmekooselĭhtĕ.

² Ha tanĭk wĕtŭkĕhkemoojĭk oohŭkĕk oopabĕhchemawŏl Sāsoosŭl, eetŭmook: N’sakŭmamŭn, wĕn pahtahwĕhkasĭts? wŏŏt ooskedap, kŭsŭna oonekekoo, ootŭle‐nŭme‐koosĭn oonĕhkapĭn?

³ Sāsoos asedāmat: Oot ooskedap skat pahtahwĕhkasewĭs’, kŭsŭna oonekekoo: kānookŭloo Nŭkskam ootŭlookāwa’gŭnŭl lemooskĕhtasoo oohŭkĕk.

⁴ N’tachooe‐ŭlook’ ootlookāwagŭnŭl tan pĕtŭkemĭtpŭn, tan kwĕnejĕhkwŏŏk. Ne’baeu’ wĕchkooĭhhak tan toocheu skat wĕn keslookĕkw.

⁵ Tan kwĕne‐heye ooskĭt’kŭmĭkw nel oopŭshakwhĕkŭm ooskĭtkŭmĭkw.

⁶ Kese eetŭk netŭl ŭsoomskwĕ kŭtakŭmeegook, ha ooche’toon kwŏkwloonskw oosŭsookoo ĭkŏŏk, ha oosoonĕhtooŏn nĕkapelejĭl ooseeskook kwŏkwloonskool.

⁷ Ha ootĭhal: Ulĭh’, kŭsegwĕns’ pĕgoodābāāgĕk Seilo’mk, tan kwĕlpewĭktasĭk eetŭmooweu’, Elkeemoot. Netwāje majŭhat ha ŭksŭsegwĕnsoo; toocheu abăjehat, nŭmĭhta.

⁸ Netwāje mowegāmajĭhĭ, ha tanĭk nĕmĭhatpŭnĭk tŭmk ootŭtlepagooŭseelĭn, eetŭmook: Skat ëa’ wŏŏt nŭt tan ābĭt ha pagooŭsĭt?

⁹ Ankwooch eetŭmook: Nŭt nāgŭm. Kŭtŭkĭk etŭmook: Ootŭlgwenâkwsĭn. Nāgŭm eetŭm: Nel nŭt.

^10-11 Netwāje ootĭhawŏl: Tan‐nŭle kese pantĕhtasoo ŭkseeskool? Nāgŭm asedāmat: Ooskedap lewĭha Sāsoos ookesehal kwŏkwloonskool, ha ŭnsoonāta‐goonā’pŭnĭl n’seeskook, ha n’tehoogoon, ŭlĭ pĕgoodābāāgĕk Seilomk ha kŭsegwĕns’. Toocheu’ n’tŭlehanāāpŭn, n’kŭsegwĕnseepŭn, ha nŭmĭhtaapŭn.

¹² Nāgŭmow ootehawŏl: Tama ëu nāgŭm? Eetŭm: Skatama n’kŭje’jehaoo.

¹³ Oopĕjĭphawŏl Paloose āooltelĭt tanŭl nĕkapelĭtpŭnĭl.

¹⁴ Ha atlasemooe‐kesook‐wewoo’pŭn tan toocheu Sāsoos keseha’t kwŏkwloonskool ha pantā’tooŏt’ ooseskool.

¹⁵ Netwāje Pālooseŭk apch pabĕhchematĭt tan ootŭlĭmsŭnŭmŭlĭn ĕlenŭmĭhtalĭt. Ootĭba: Oopoonĕhla’pŭnĭl kwŏkwloon skool n’seeskook, ha n’kŭsegwĕnseepŭn, ha nŭmĭht’.

¹⁶ Netwāje ankwŭch Paloo’seŭk etŭmootooŭk: Wŏŏt ooskedap skat oochā’aweu Nŭkskam ĭkŏŏk, eebŭchŭl atlasemooekeesook skat ookŭlnŭmooŭn. Ankwŭch etŭmootooŭk: Tanŭp ootŭlekesātoon net tĕlĭkŭl kenooŏskoodeegŭnŭl ooskedap pahtahwĕhkasooe’nooĭt? Ha sesĕhlootooagŭn egĕhĕ oohŭkāwĭkhooŏk.

¹⁷ Ootehawŏl apch nĕkabĭlĭtpŭnĭl: Keloo kĕkw ŭktŭleema, eebŭchŭl pantĕhtagoonŭl ŭkseskool? Eetŭm: Asŭgĭntatooĭn.

¹⁸ Kānookŭloo Lĕsweesŭk skat oolamsŭtŭmoonea oonĕkapelenĕs’ ha oomŭsŭnŭmŭlĭn oonŭmetalĭn, agĭmte wekwemawŏ oonekekoo tan oomŭsŭnŭmŭlĭn oonŭmetalĭn.

¹⁹ Ha pabĕhchemawŏ eetŭmook: Wŏŏt kelooow’ ŭkwŏŏsooŏ tan eetŭmĕkw n’kapoo’s nĕmeekwoosĭt? Netŭloo’ tan ootŭle‐kesenŭmĭhtan tŭkāch’?

²⁰ Oonekekoo ootasedĕmawŏ ha eetŭmook: Nkŭjejĭhtoonĕn’ nookwŏŏsenĕn wŏŏt, ha ŭnkapoopŭn nĕmeekwoosĭt;

²¹ Kānookŭloo tan ootŭle‐kese‐nŭmĭhtan tŭkā’ch skat n’kŭjejetoo’nāwĭn, kŭsŭna wĕn pantehtooŏt ooseskool skat n’kŭjejehawĭn. Nāgŭm kesegoo; pabĕhchemook nāgŭm: nāgŭm kŭloosĭtŭmooāusooch’.

²² Yootŭl kŭlooswa’gŭnŭl etŭmooteejĭl oonekekoo, eebŭchŭl oonŭkalawŏ Lĕswees. Eebŭchŭl Lĕsweesŭk ookesloodŭmŭnea tan tĕpŏŏkt wĕn sapagŭnootŭk Sāsoos Oonewĕskooĭn, oochenootĕpha’p hemeāwĭgwamŭk.

²³ Netwāje oonekekoo eetŭmook: Nāgŭm kesegoo, nāgŭm pabĕhchemŏŏk.

²⁴ Netwāje net nesāwā wĭhkwematĭt ooskedapeŭl tanĭl nĕhkapĭlĭtpŭnĭl, ootehawŏl: Nŭkskam mela’n ŭkchetŭme‐tŭham‐koosooagun: n’kŭjejĭhtoonā’n wŏŏt ooskedap lakŭmĭksooenooweu.

²⁵ Netwāje asedāmat, eetŭm: Skat n’kŭjejehaoo ootŭlakŭmĭksooenooĭn. Pĕskoonŭloo kĕjejĭhtoo: nel nĕkapeepŭn; kānookŭloo tŭkāch’ nŭmĭht.

²⁶ Toocheu apch ootchawŏl: Tan k’tŭlĕhloogoonĕs? tan ŭktŭle‐kesepantĕh‐tagoonĕs’ ŭkseeskool?

²⁷ Asedāmat, ootĭha: Kes kese yŭhoolneapŭn, ha skat k’nootŭmooteebakoopŭn. Tanŭp apch k’tŭlejĭksĕtŭmŭn’ea? k’pawŏtŭmŭn’ea k’tŭkĕhkĭmkoo’nea?

²⁸ Unootalmema’nea ha eetŭmook: Kel ŭktŭkĕhkeemŭkw; kānookŭloo Mooes n’tŭkĕhkĭmkoon neloon?

²⁹ Nkŭjejĭhtoonān Nŭkskam ooskoocma’pŭnĭl Mooesŭl; kānookŭloo wŏŏt ooskedap skat n’kŭjejehawĭn tan tĕt ĕtlāowĭt, (wĕchāyawĭt).

³⁰ Nŭt ooskedap asedāmat, eetŭm: Asŭgenagwŏŏt skat kelooow’ ŭkŭjĭjetoo’nea tan wĕchāyawĭt, ha n’pantĕhtagoonŭl n’seeskool.

³¹ Kŭjeje’toonā’n Nŭkskam skat oojĭksŭtooawe lakŭmĭksooenoo; kānookŭloo tan wĕn wekooaje‐wĭhwenooamat Nŭkskamŭl, ha ŭlĕhtagĕt ooledŭhadŭmooagŭn, nāgŭm Nŭkskam oojĭksŭtooŏl.

³² Tanāk’ kesetasĭkpŭn ooskĭtkŭmĭkw māch mĕskw noodŭmawŭn wĕn pantĕdooŏn wĕn ooseeskool tanĭl net ĕlenŭmeekwŏŏseelĭt oonĕhkapeelĭn.

³³ Skat nāgŭm oochehakoosŭbŭn Nŭkskamooĭkŏŏk, skatŭp kĕkwsā’ keselĕhtagawŭp.

³⁴ Nāgŭmow ootasedāmawŏl, ootĭhawŏl. Kel nĕkaoochenŭmekoose‐yŭnpŭn lakŭmĭksooagŭn ĭkŏŏk, ha ŭktŭkĕhkemeepŭn neloon? Toocheu oonoodeâka’neăl.

³⁵ Sāsoos noodŭmat oonoodeâka’nea’l, ha mĕskooŏt, ootĭhal: Koolamsŭt’ŭmŭn Nŭkskam Ookwŏŏsŭl oohŭkĕk?

³⁶ Ooskedap asedāmat, eetŭm: Wĕn ëa’ nāgŭm, Sakŭm, noolamsŭtŭmŭn oohŭkĕk?

³⁷ Sasoos ootĭhal: K’nŭmehapŭn, ha nŭt nāgŭm wĕskooeemŭsk.

³⁸ Ha eetŭm: N’sakŭmam, noolamsŭtŭmŭn: Ha wĭhwenooamal.

³⁹ Ha Sāsoos eetŭm: Utploodŭmooagŭn wĕje‐pŭkŭchehae ooskĭtkŭmĭkw, wĕlaman tanĭk skat nĕmĭhtatekwĭk oonŭmĭhta’nea; ha tanĭk nĕmĭhtateejĭk oonŭka‐peegwĕhtasoolte’nea.

⁴⁰ Ha ankwŭch Palooseŭk tanĭk wejāooajĭk noodŭmŭn’eăl yootŭl kŭlooswa’gŭnŭl, ha ootĭhawŏl: Neloon nŭ nĕhkapoolteepŭn?

⁴¹ Sāsoos ootĭha: N’kapoolteā’kw, skatŭp lakŭmĭksooagŭn ŭktëulteuneal. Kānookŭloo tŭkāch k’tetŭmooteepa nŭmĭhtateepŭn. Netwāje ŭktŭlkŭmĭk‐sooagŭnoowŏl ŭngĕsĭk.