Wikhikən 8 - Wĭkheegŭn 1870

¹ Sāsoos ŭlĭhĕ wŏŏchook tan lewesoo Olebeā.

² Ha ĕhchĕhkwak, oospasweu’ apch pŭkŭchehĕ k’chehemeāwĭgwamŭk: ha m’seu pŭmowsooenooŭk pĕdabaseneal; ha Sāsoos hŭpĕssoo, ha ootŭkĕhkema.

³ Ha noodooĭkhĭkhŭteejĭk ha neaga Pălooseŭk ootŭlĭphawŏl āpelejĭl tan āeelĭt, tanĭl lewĭhkwĕhla wŏbŭlŭlookāwa’kŭnŭk, toocheu’ oosahkĕlanea ābahseu.

⁴ Ootehawŏl: Noodŭhkĕhkekāāmĭt, wŏŏt āpet kesewĭhkwĕhla wŏbŭlŭlookāwagŭn ĭkŏŏk; lĭmskooŏh ootapchelookan.

⁵ Net Mooes tŭlĭtploomkoonoopŭn ŭtploodŭmooakŭn ĭkŏŏk nĭkt net ĕlāooltejĭk pŭnŏpskwahapŭnĭk’p: kānookŭloo kel kĕkw‐teetŭm?

⁶ Wāje net etŭmootĭt ootookwĕtskoolawŏl, wetaman ooleënea’ch kĕkwsā’ wĕjekesĭmsehatĭt. Kānookŭloo Sāsoos chetooŏmkwĕsoo, ha ootŭlooĭgŭnĭlch āwĭkhegŭhtakw k’takŭmeegook.

⁷ Ha ĕlĭnkooche‐pabĕhchematĭt pĕhkahkwe‐kapooĕsoo, ootĭha: Nŭt kelooow tan skat lakŭmĭksooagŭn āeekw, nŭt tŭmkāwā’ pŭnŏpskw tŭkŭmach!

⁸ Toocheu’ apch Sāsoos chetooŏmkwĕsoo, ha āwĭkhegŭhtakw k’takŭmeegook.

⁹ Ha nāgŭmow noodŭmootĭt ha wĕjeoonmăjĭt‐ploo’moot oomŭshŏŏnoo‐wawĭkooŏk, noote‐aba’sooŭk, ëankooche‐noote‐aba’sooŭk tan ĕlekŭtŭnhŭteetĭt; ha Sāsoos ŭnkekanŭkŭla, ha neaga āpet sĕhkĕ ābaseu’.

¹⁰ Toocheu’ Sāsoos pĕhkahkwekapooĕssĭt, skatama wĕnĭl oonŭmehoweŭl tĕpŏŏk’t āpelejĭl; toocheu’ ootĭhal: Apet, tan ootŭlĕsoolte’nea wĕhkĕtkŭk mĕsĭmskŭbŭnĭk’? Skatama wĕn koonmăjĭtploomkŏŏ’?

¹¹ Apet eetŭm: Skatama wĕn, Sakŭm. Sāsoos ootĭhal: Nelna skat koonmăjĭtpŭloomŭloo. Machŭhŭ, ha moo sak apch patahwĕhkaseekŭch.

¹² Ha netwāje Sāsoos apch ookŭloo’lah pŭmowsoo’ĭnoo, eetŭm: Nel pŭsakwhĕkŭm ooskĭtkŭmĭkw. Nāgŭm tan noosŏŏkooĭt skat pŭmehāooch pĭskatĕk; kānookŭloo ooteĭnch pŭmowsooagŭnā’ pŭsakwhĕk.

¹³ Netwāje Păloo’seŭk ootĭhawŏl: Kel knŭspeuwŏŏlamāoos: k’nŭspeuwŏŏlamāwagŭn skat ŭlāeu’.

¹⁴ Sāsoos asedāmat ha ootĭha: Cheegow nel n’speuwŏŏlamāoosea’n nŭspeuwŏŏlămāwagŭn ŭlĭhĕ. Eebŭchŭl n’kŭjejĭhtoon wĕjehayanpŭn, ha tan ā’lehaë. Kānookŭloo kelooow’ skat ŭkŭjejĭhtoonea tan wĕjehayanpŭn, kŭsŭna tan ā’lehae.

¹⁵ Kelooow’ wĕjĭtplootŭmooteĕkw ’mhŭkĕk; nel skat n’tŭpŭloomow wĕn:

¹⁶ Ha tŭpŭlootŭmanŭp n’tŭplootŭmooagŭn oolamāweu’. Eebŭchŭl skat n’pĕskooweu’, kānookŭloo nel n’te ha neaga N’mĭhtakws tan pĕdŭkemĭtpŭn n’wĭjāakw.

¹⁷ Ha ĕloowĭkhasoo ŭktŭpŭlootŭmooägŭnooŏk: Neesooŭk pŭmowsooenooŭk oonŭspeuwŏŏlamāwagŭnoowŏl ŭlĭhĕ.

¹⁸ Nel nŭspeuwŏŏlămāoos’, ha neaga N’mĭhtakws tan pĕtŭkemĭtpŭn nŭspeŭwŏŏlamāwŭk’w.

¹⁹ Netwāje ootehawŏl: K’mĭta’kws tama ëu? Sāsoos asedāmat: Kelooow’ skatama kŭjejeheepa nel kŭsŭna skat kŭjejehaweewâ N’mĭhtakws. Kŭjejeyĕkwsŭpŭn nel, kŭjejehawŏpŭnŭ N’mĭhtakws.

²⁰ Ha Sāsoos ĕtle‐eetŭkĭl neetŭl kĕkwsāăl manekwamŭk; ĕtlekĕhkeekĕmĭt k’chehemeāwĭgwamŭk; kānookŭloo skat wĕn ootakwoonoweŭl; eebŭchŭl ootĕbŭnaskooehagāwāăm māch mĕskw eegĕhāoo.

²¹ Netwāje Sāsoos apch ootĭha: Nel n’machŭhŭ, ha kwelooeheba’ch, kānookŭloo ŭklakŭmĭksoo‐agŭnemĕhchĭn‐hŭteba’ch; tan tĕt ĕlehäe skatŭch’ kese‐petaba’sëoone’a.

²² Netwāje Lĕsweesŭk eetŭmootoo’ŭk: Napŭhoosoo’ch? eebŭchŭl eetŭm, Tan tĕt ĕlehäe skatŭch’ kese‐petaba’seoone’a.

²³ Sāsoos ootĭha: Kelooow’ ŭktŭtlāowoolteba ĕmĕkāoo. Nel spŭmŭk n’tŭtlāow. Kelooow’ ooskĭt’kŭmĭkw ŭktŭtlāowoolteeba. Nel skat ooskĭt’kŭmĭkw ntŭtlāyaweu.

²⁴ Netwāje yŏŏhoo’lĕkw ŭklakŭmĭksooagŭne‐mĕhchĭn‐hŭteba’ch. Eebŭchŭl skat wŏŏlamsŭtŭmooā’kw nel nŭt, ŭklakŭmĭksooagŭnemĕhchĭnhŭteba’ch.

²⁵ Netwāje ootĭhawŏl: Wĕn ëa’ kel? Ha Sāsoos ootĭha: Net tan amskooŏs’ machahak’ yŏŏhoolĕkwpŭn.

²⁶ Uktana’gŭtool kĕkwsāăl āëanĭl ĕlâgŭnĭmlāgwĭl, ha ŭktŭbŭloo‐mŭlŭn’ea; kānookŭloo Nāgŭm tan pĕtŭkemĭtpŭn wĕlamāwa’gŭnĭt, ha tanĭl wĕje‐nootŭmanĭl oohŭhĕk, netŭl ĕtle‐eetŭmanĭl ooskĭt’kŭmĭkw.

²⁷ Nāgŭmow skat oonŭstŭmoonea ootăgŭnootŭmakoonea ooche Wĕgwŏŏselejĭl Nŭkskamŭl.

²⁸ Netwāje Sāsoos ootĭha: Tan toocheu’ kese oonagālāgooch pŭmowsooĭn Ookwŏŏsŭl kŭjejetoonea’ch nel nŭt, ha skat kĕkw noojekesātoo’ŭn nel n’hŭkĕk; kānookŭloo N’mĭhtakws ĕlkĕhkemĭtpŭn net ĕlāwĕstooanĭl yootŭl kĕkwsāăl.

²⁹ Ha Nāgŭm tan pĕtŭkemĭtpŭn nesāowteepŭn. Nel N’mĭhtakws skat nŭkŭlŭkoo n’kŏŏtŏŏkaeu’, eebŭchŭl mājemeu’ n’tŭlookanŭl tanĭl ĕllooletŭhatŭkĭl.

³⁰ Tan toocheu Sāsoos eetŭk yootŭl kĕkwsāăl ŭktanakwsooŭk wŏŏlâmsŭtŭmootooŭk oohŭkĕk.

³¹ Nĕtwāje Sāsoos ootĭha Lĕswees tanĭhĭ woolâmsŭtŭmootelejĭhĭ oohŭkĕk: Kelooow’ n’kĕsoolteā’kw n’kŭlooswagŭn ĭkŏŏk, oolâmāwagŭn ĭkŏŏk kootŭkĕhkĭmkwŏŏs‐soolteba’ch n’hŭkĕk.

³² Ha kŭjejetoonea’ch oolamāwagŭn, ha oolamāwagŭn ŭktŭlĕhlŭgoonea’ch ŭktŭpĕlmŭs‐oolteeba.

³³ Ootasedĕmawŏl: Neloon’ Ablaha’mk oonejan’, ha māch mĕskw nooje‐wĕhkanwŏŏltepŭn tan wĕn: kekwsā’ wĕje‐eetŭmŭn, Uktŭpĕlmŭsoolteba’ch?

³⁴ Sāsoos ootasedāma: Ulĭhĕ, ŭlĭhĕ, yŏŏhoolĕkw, m’seu’ wĕn tan lakŭmĭksooagŭn ĕlookĕt, net lakŭmĭksooagŭne‐nootlookĕt.

³⁵ Ha nŏŏtlookĕt skat eëu wĕnoochĭgwamŭk mājemeu’; kānookŭloo tan wĕn ookwŏŏsŭl mājemeu’ ënŭl.

³⁶ Netwāje Wĕmĭtakwsĭt ŭktŭpĕlmŭsooltenea’ch, koolămāwĭtpĕl‐ŭmŭsool‐teba’ch.

³⁷ Kŭjejehoolpa koodabĕkseepa Ablaha’mk; kānookŭloo ŭktŭkwāje‐nāāpeheepa, eebŭchŭl n’kŭlooswagŭn skat eëu ŭkhŭkāwŏk.

³⁸ Nooskoo‐oo’tŭmŭn tan kĕkwsā’ wĕjenŭmĭhetooŏnpŭn N’mĭhtakwsŭk; ha neaga kelooow’ nŭ k’tŭlātakhŭte’nea tan ele‐noodŭmĕkwpŭn k’mĭhtakwsooŏh.

³⁹ Asedĕmatĭt ha ootehawŏl: Neloon Ablaham n’mĭhtakwsŭn. Sāsoos ootĭha: Ablaham oomĭtakwsëĕk’w, Ablaham ootŭlookāwa’gŭnŭl k’tŭlookhŭteneapŭnĭlp.

⁴⁰ Kānookŭloo tŭkā’ch k’tŭkwājenāāpeheepa, ooskedap tan yŏŏhoolakwpŭn oolămāwagŭn. Ablaham skatama tŭlookownāweepŭn net.

⁴¹ Kelooow’ k’tŭlookhŭte’nea k’mĭhtakwsooŏ ootŭlookāwa’gŭnŭl. Nāgŭmow yŭhaatĭt, oetehawŏl: Skat n’sĕkāweuh‐skejenoo‐oolteepŭn. Peskooweu’ n’mĭhtakwsŭn, Nŭkskam nŭt.

⁴² Sāsoos ootĭha: Nŭkskam oomĭhtakwseĕkw kŭsĕlmepa’p. Eebŭchŭl nooje‐haapŭn Nukskam‐ooĭkŏŏk, ha n’pŭkŭchehaapŭn, ha nel skat n’pĕdŭkĭmseu, kānookŭloo Nŭkskam pĕdŭkemĭtpŭn.

⁴³ Kĕkw wāje skat n’sŭtŭmoo’ĕkw n’kŭlooswagŭn? eebŭchŭl skat k’noodŭmoonea tan n’teetŭm.

⁴⁴ Kelooow’ ŭktŭlāoolteeba k’mĭhtakwsooŏ’h mŭchŭha’nt‐ŏŏk’, ha neaga k’mĭhtakwsooŏk ootloogāwa’gŭnŭl koole‐tŭhadŭmŭn’ea k’tŭlātakhŭte’nea. Wĕchātakamŭk amskooŏsŭtā’ machŭha’k nāpatĕgāwenooewoos’, ha skatŭna mājemeëeu oolămā‐wa’gŭnŭk, eebŭchŭl oolămāwagŭn skat eëeu oohŭkĕk. Kĕlooskĭt oomŭshoonŭk oochekŭloosoo; eebŭchŭl wegekŭlooskoo ha nāgŭm oometakwsŭl kŭlooskooagŭn.

⁴⁵ Ha eebŭchŭl noolămāwĕst’, skat koolămsŭtŭweepa.

⁴⁶ Wĕnŭloo’ kelooow’ keseoolămĭhĭt n’patatagan? wŏŏlămāwĕstooŏn’, kĕkw wāje skat woolămsŭtoowewĕkw?

⁴⁷ Nāgŭm tan ĕtŭlāowĭt Nŭkskam oohŭkĕk, oojĭksŭtŭmŭnŭl Nŭkskamŭl ookŭlooswa’gŭnŭl. Netwāje kelooow’ skat wĕjejĭksŭtŭmoo‐teewĕkw, eebŭchŭl skat ŭktŭtlāowooltihpa Nŭkskam oohŭkĕk.

⁴⁸ Lĕsweesŭk asedāmatĭt ha ootehawŏl: Skat ëa’ noolëeetŭmoopŭn ŭksamāleakāoo, ha neaga ŭkte’uŏn mŭchŭha’nt ŭkhŭkĕk.

⁴⁹ Sāsoos asedāmat: Mŭchŭha’nt skat n’tëuaoo n’hŭkĕk; kānookŭloo n’kechetŭmetŭhama N’mĭhtakws, ha kelooow’ kŭnsketŭhameepa nel.

⁵⁰ Ha skat n’kwelooŏhtoo’ŭn nel n’kechetŭmetŭ‐hamkoosooagŭn. Kānookŭloo wĕn ëu tan kwelooŏhtakw, ha tan tĕbloo’mooĕt.

⁵¹ Ulĭhĕ, ŭlĭhĕ, tan yŏŏhoolĕkw, tan wĕn kĕlnŭk n’kŭloosooagŭn, n’pooakŭn skatŭch oonŭmĭhtoo’ŭn mājemeu’.

⁵² Lĕsweesŭk ootehawŏl: Tŭkāch’ n’kŭjejetoonā’n ŭkte’uŏn mŭchŭha’nt ŭkhŭkĕk. Ablaham mĕchenāāsŭb’ŭnŏk ha neaga nekanĭkchĭje‐takāweenook’, kānookŭloo kel ŭkteetŭm, Tan wĕn kĕlnŭk n’kŭlooswagŭn, skatŭch oomŭspŭtŭmooŭn n’pooakŭn mājemeu’.

⁵³ Kel ëa’ peāmekŭpmā’ skatŭk k’mĭhtakwsŭnoo Ablaham? tanŏk mĕchenĕtsŭbŭnŏk? ha neaga nekanĭkchĭjetakāwenŏŏk’ mĕchĭnhŭtĕtsŭb’ŭnĭk. Tan ëa’ kel ŭktŭlālŭsĭn?

⁵⁴ Sāsoos asedāmat, eetŭm: K’chetŭmetŭhamsean’, n’k’chetŭmetŭhamsoot’ skatŭch kĕkwsāaweu. N’mĭhtakws tan kechetŭmetŭhamĭt, tan kelooow’ eetŭmĕkw nāgŭm kŭnŭkskamooŏ.

⁵⁵ Ha kelooow’ skat kŭjejehaweewa; kānookŭloo nel n’kŭjejĭha. Etŭman’ skat n’kŭjejehaoo n’tŭlekŭloockape’hp stŭkā’ kelooow’. Kānookŭloo n’kŭjejĭha, ha ookŭlooswagŭn n’kŭlnŭm’ooŏn.

⁵⁶ Ablaham kŭmĭtakwsooaoo ooleduha’soobŭnŏk’ oonŭmĭhtoon n’keeskoom; ha oonŭmĭhtoonāāpŭn, ha oole’dŭhasoopŭn.

⁵⁷ Netwāje Lĕsweesŭk ootehawŏl: Kel māch mĕskw nanĭnsk kĕs’egŭtŭn’āoo, ha k’nŭmehasŭbŭnŏk’ Ablaham?

⁵⁸ Sāsoos ootĭha: Ulĭhĕ, ŭlĭhĕ, yŏŏhoolĕkw, mĕskw Ablaham āeekw nel n’te’.

⁵⁹ Netwāje nāgŭmow wĭl kwĕhtoo’neal pŭnŏpskool ootŭkŭma’nea. Kānookŭloo Sāsoos kalsoo, ha oochenootĕhĕ k’chehemeāwĭgwamŭk.