Wikhikən 7 - Wĭkheegŭn 1870

¹ Agĭmtĕ keskăjehĕ netŭl kĕkwsāăl, Sāsoos yalĭhĕ Goolelĕtk, eebŭchŭl skat ooledŭhadŭmooŭn ootaalĭhan Lĕsweesooakĭk, eebŭchŭl Lĕsweesŭk ookwāje‐nāpahawŏl.

² Net Lĕsweesŭk wekooŏmwā’ oowĭkoopaltĭmkāwāŭmooŏh kŭte‐egĕhĕ.

³ Netwāje Sāsoos wejegemajĭhĭ ooskeda’peŭk ootehawŏl: Oochemajŭhŭ yoot, Lĕsweesoakĭk ŭlĭh: wĕlaman tanĭk ĕgĕhkĭmchĭk oonŭmetoo’nea k’tŭloogāwa’gŭnŭl tanĭl kesātoonŭl.

⁴ Eebŭchŭl skat wĕn kegemeu’ kĕkwsā’ ke’sātoo tan toocheu kwelooŏta’kw oohŭk ëu mĕsooweu’. Ulookeŭn yootŭl, ŭlemesoo’ĕlŭs ooskĭt’kŭmĭkw.

⁵ Eebŭchŭl chĕl māch wejegemajĭhĭ skat oolamsŭtŭmoote’weŭk oohŭkĕk.

⁶ Netwāje Sāsoos ootĭha: Ntĕbŭnaskooehagāwāăm skat māch egĕhāoo. Kelooow’ ŭktĕbŭnaskooe‐hagāwā‐ŭmooŏh mājemeu’ kesajooweu’.

⁷ Ooskĭt’kŭmĭkw skat ŭkeseakwe‐dŭhamkoonea kelooow’: kānookŭloo nel n’takwedŭhamkoon: eebŭchŭl n’tĕtlĭnspeuwoolam‐ădŭmŭnŭl ootlookāwa’gŭnŭl mŭcheegŭnool.

⁸ Kelooow’ lĭtkwakwe‐abasĭk’w yoot wĭkhŭpalteemŭk. Nel skat n’tŭlĭtkwa‐kwŭhawŭn yoot wikhŭpaltemŭk, eebŭchŭl n’tĕbŭnaskooe‐hagāwāăm mĕskw kesăjooweu’.

⁹ Net keseyahat netŭl kĕkwsal māch chŭnĕsoo Goolelĕtk.

¹⁰ Kānookŭloo kes wejegemamajĭhĭ kese lĭtkwakwe‐abaselĭt, Sāsoos ŭna ootŭlĭtkwakwŭhŭn: kānookŭloo skat mĕsooweu’, kānookŭloo‐ka’l kegemeu’.

¹¹ Netwāje Lĕsweesŭk kwelooŭhatĭt Sāsoosŭl wĭkhŭpaltemŭk, ha elŭmootooŭk: Tama ya ëu?

¹² Ha nŭgŭmkĭhkoon mamsĕlāwĕstooagŭn egŭhak ŭktanakwsooŭk pŭmowsooenooŭk mawehajĭk oohŭkāwĭhooŏk ooche nāgŭm. Ankooch etŭmootoo’ŭk: Nāgŭm wŏŏleuskedăp’āweu. Ankooch etŭmootoo’ŭk: Skadama, kānookŭloo wĕgĭnpagŭtooâ pŭmowsooenoo.

¹³ Kānookŭloo skat wĕn oomesoo‐weuskooe‐moweyŭl, eebŭchŭl oonŭgalawâ Lĕswees.

¹⁴ Net tamaha’l abase‐wĭkhŭpal‐temŭk Sāsoos lĭtkwakwĕhĕ k’che‐hemeā‐wĭgwamŭk ha kĕhkekāmoo.

¹⁵ Ha Lĕsweesŭk asŭgetŭhasooltooŭk etŭmootoo’ŭk: Tan wŏŏt ooskedap’ ootŭlenŭn’ŭmŭn wĭkheegŭn? tan mĕskw ĕgĕhkemamookoopŭn?

¹⁶ Netwāje Sāsoos ootŭleasedāma: N’tŭkĕhkĭmsoot’ skat net nel: kānookŭloo net Nāgŭm tan pĕdŭkemĭtpŭn.

¹⁷ Tan wĕn wŏŏledŭhadŭk ootŭlŏŏkkan Nŭkskam ooledŭhadŭm‐ooaagŭn, nāgŭmch’ ookŭjejetoo’nch kĕhkedooagŭn oochehĕ Nŭkskam‐ooĭkŏŏk, kŭsŭna noochekŭloosĭn ’nhŭkĕk.

¹⁸ Tan wĕn wĕchekŭloosĭt oohŭkĕk, nāgŭm ookechetŭmetŭham‐koosooagŭn kwelooŏhtakw: kānookŭloo tan wŏŏt nāgŭm kwelooŏhtakw ookeche‐tŭmetŭ‐hamkoosooagŭn tanĭl pĕdŭkĭmchĭl, nāgŭm oolămāwagŭneu’, ha ’npagŭtasoot skadama eëu oohŭkĕk.

¹⁹ Skat ya Mooes kŭmĭlkooneaweepŭn ŭtploodŭmooagŭn? ha māch kelooow’ skadama wĕn oosaktŭmooŭn ŭtploodŭmooagŭn. Kĕkwsā’ wāje‐kwāje‐nābaheyĕkw?

²⁰ Mowehamŭk ootasedĕmawŏl, ootĭhawŏl: Mŭchŭha’nt ŭkte’uŏ: wĕn ĕgwĕjenāboohoosk?

²¹ Sāsoos asedāmat ha ootĭha: Pĕskoon lookāwaagŭn n’kesātoonāāpŭn, ha m’seu tan kĕs’eyĕkw ŭktasŭge‐tŭha‐soolteeba.

²² Netwāje Mooes k’mĭlkooneapŭn weunŭsasĭmkāwā’: skat eebŭchŭl oochehāoo Mooĭsk, kānookŭloo oochehĕ kŭmoosoomsŭnŏŏk, kelooow’ atlasmooekeesŏŏkŭk kŭhweunŭsawŏh ooskedap.

²³ Ooskedap weunŭsootŭp’ atlasmooekeesŏŏkŭk wĕlaman Mooes ootŭploodŭmooagŭn skat skwŏŏskādaseu’, kelooow’ kookeiyĭtooweeba nel, eebŭchŭl nel nŭkakekŭhahpŭn ooskedap atlasmooëkesookŭk.

²⁴ Moo sak oochĭtploodŭmoo’kĕkw tan kĕkw ĕlenagwŏk; kānookŭloo keakwĭt‐ploodŭm‐ootĭkw.

²⁵ Toocheu’ ankwooch Sāloosălĕmkāweŭk etŭmootoo’ŭk: Skat ea’ wŏŏt nŭt ĕkwĕje‐nāpahatejĭk?

²⁶ Ha sagĭhook, chetŭme‐kŭloosoo, ha mĕskw wĕn kĕkw yŭhakw. Ookŭjejehawŏl ŭtploodŭmooenooŭk nāgŭm chŏŏ Oonewĕskooĭn?

²⁷ Kānookŭloo kŭjejehan nŭt ooskedap tan ĕtlāyowĭt: kānookŭloo tan toocheu Newĕskooĭt pŭkŭcheha’t, skatŭch wĕn ookŭjejĭhoweŭlch’ tan tĕt ĕtlāyowelĭt.

²⁸ Netwāje Sāsoos ĕtlekĕhkegāmĭt, ŭksĭkowwāwĕstoo, eetŭm: Kelooow’ kŭjejĭheeba, ha neaga ŭkŭjejitoo’nea tan tĕt ĕtlāyowĭ; ha skat noochepŭkŭchehow nel ’nhŭkĕk; kānookŭloo Nāgŭm tan pĕdŭkemĭtpŭn wĕlămāwagŭnĭt, tan kelooow’ skat kŭjejĭhawe’wa.

²⁹ Nel n’kŭjejĭha, eebŭchŭl nooche nel oohŭkĕk, ha Nāgŭm pĕdŭkemĭtpŭn.

³⁰ Netwāje ootŭkwĕjĭpkegalawŏl; kānookŭloo skat wĕn oopoonĕhtoonŭl oopetenŭl oohŭkĕk, eebŭchŭl ootĕbŭnaskooehagāwāăm mĕskw māch eegĕhāoo.

³¹ Kānookŭloo ŭktanakwsooŭk mowehāwa’gŭnŭk wŏŏlamsŭtŭmootooŭk oohŭkĕk, ha eetŭmootoo’ŭk: Newĕskw tan toocheu’ pŭkŭcheha’t, ăjenŭgŭmkĭkwŭnoo’lch kenooŏskoodeegŭnŭl kesātagwĭlch, skatŭk yootŭl tanĭl wŏŏt ooskedap kesātakwpŭnĭl?

³² Pălooseŭk oonoodŭma’nea mowehāwa’gŭnŭk ootŭlemamsĕlāwĕstoote’nea ooche Sāsoosŭl, toocheu Pălooseŭk ha neaga k’chepatŭleasŭk ootŭlgemawŏh noojĭtkwŏŏnkatelejĭhĭ ootakwoona’nea.

³³ Toocheu’ Sāsoos yŭhat: M’chŭsŭl kĕgĕsk koowejāyoolpa, toocheu’ n’tŭlĭhan tan pĕdŭkĭmĭtpŭn āët.

³⁴ Kelooow’ kwelooeheba’ch, ha skatŭch kŭmŭskooepah; ha tan āë skatŭch kesepĕdabasepa.

³⁵ Netwāje Lĕsweesŭk yŭhoodooltooŭk: Tama tĕt kŭtelĭhĕ wŏŏt ooskedap? tan tĕt keloon skat ĕtlĭmskooawŭkwch? Ootŭlehanŭch‐al’ yŭhooht tanĭk etlesesāloojĭk kŭt’ŭkĭk kessookŭmĭkseetĭt woweŭkĭhyŭk, ha ootŭkĕhkema’ch kŭtŭkĭk kĕsookŭmĭkseelĭt?

³⁶ Kĕkwsā’ yoot kŭloosooagŭn yŭhoolŭkw? Kwelooeba’ch ha skatŭch kŭmŭskooeba? ha, Tan tĕt āe skatŭch kese pĕtabaseepa?

³⁷ Net keesook m’chŭsŭlāwā’ k’chekeesook wĭkwhŭpaltemŭk Sāsoos sĕhkĕ ha ŭksekawāwĕstoo, eetŭm: Wĕn kŭtoowŏŏs’sŭmĭt’, ch’kooĭhach nel, ha kŭtŏŏhsŭmĭch!

³⁸ Tan wĕn nŭt tan wĕlamsŭtŭk ’nhŭkĕk stŭkā’ Nŭkskamwā’ Wĭkheegŭn eetŭmooĭk, sebooŭl pĕmowsooeegĭl samagwanŭl oochenoodĕjwoonool’ch ootlamhŭkĕk.

³⁹ Ha agŭnemajĭl Wāoochŭjakwelejĭl (net tŭna Wĕje‐oole‐newĕskwelejĭl) tanĭl nāgŭmow tanĭk wĕlamsŭtŭmootejĭk oohŭkĕk ookŭdĭmsŭnawŏl. Eebŭchŭl Wĕjeoole‐newĕskwĭt māch mĕskw melooawŭn; eebŭchŭl Sāsoos māch mĕskw k’chetŭmetŭham‐kwŭseu.

⁴⁰ Netwāje ŭktanakwsooŭk tanĭk mowehajĭk noodŭmootĭt yoot kŭloosooagŭn, ankwooch etŭmootoo’ŭk: Choodĕhloo wŏŏt net nekanĭkchĭje‐takāwĭn nŭt.

⁴¹ Kŭtŭkĭk eetŭmootoo’ŭk: Wŏŏt Newĕskw nŭt, [tan Mĭmkwānoot]. Kŭtŭkĭk eetŭmootooŭk: Newĕskw oochehĕ Goolelĕtk?

⁴² Skat ea’ Nŭkskamwā’ Wĭkheegŭn etŭmoowewoopŭn Newĕskw oochehā’ch Dabĭtk wĕdabĕksĭt? ha Bĕtlĕmk’, Dabĭd ootoodānĕk, tan āĭtpŭn Dabĭd?

⁴³ Ha chŭchābĕhlŭtooagŭn egĕhĕ pŭmowsooenoo ĭkŏŏk ooche nāgŭm.

⁴⁴ Ha ankwŏŏch’ nāgŭmow kŭtĭtkwoonawŏl; kānookŭloo skat wĕn oopoonĕhtoo’nŭl oopeteenŭl oohŭkĕk.

⁴⁵ Netwāje noojĭtkwŏŏnkatejĭk abadabasooŭk tan tĕt k’chepatŭleasŭk ha neaga Pălooseŭk āoolteelĭt. Nāgŭmow’ ootehawŏ: Kĕkwsā’ wĕche skat pĕjĭphawĕkw?

⁴⁶ Noojĭtkwŏŏnkatejĭk asedāmatĭt [etŭmootooŭk]: Mĕskw pŭmowsooĭn ootŭlāwĕstooŭn stŭkā’ wŏŏt pŭmowsooĭn.

⁴⁷ Pălooseŭk ootasedāmawŏ, [ootehawŏ,] Kelooow’ ŏŏnŭ kesĭnpagŭtakāba tŭhaloo [kŭtŭkĭk?]

⁴⁸ Māchëŭ wĕnĭk noojĭtploodŭmooenooŭk, kŭsŭna Pălooseŭk kese woolamsŭtŭmŭn’ea oohŭkĕk?

⁴⁹ Kānookŭloo nĭhkt pŭmowsooenooŭk tanĭk skat kĕjejedoo’gwĭk bootoosooagŭn, wŏŏnmăjĭtploomak.

⁵⁰ Nĭkoodĕm ootĭha, nāgŭm tan pĕgŭchehat’pŭn Sāsoosŭl āelĭt nebaeu, ’pĕskooŭk nĭkt nŭt nāgŭm,

⁵¹ Ukbootoosooagŭnŭn oonmajĭtploomal ëa’ wĕnĭl mĕskw noodooŏkw tan ĕlātagālĭt?

⁵² Asedāmatĭt ha ootĭhawa’bŭnĭl: Kel ea’ ŭktŭtlāyow’ Goolelĕtk? Kwelooŏht, ha sagĭht, eebŭchŭl skat nekanĭk‐chĭje‐takāwĭn oochehāwĭ Goolelĕtk.

⁵³ Toocheu’ m’seu wĕn ŭlmĭhe weegŭk.