Wikhikən 6 - Wĭkheegŭn 1870

¹ Agĭmtĕ yootŭl kĕkwsāăl Sāsoos kwŏŏsŭl asoopŭn Goolelĕtk tŭlā’ soo’bĕkw tan Teibeleŭs oosoobĕkwŭm.

² Ha ŭktanakwsooŭk pŭmowsooenooŭk oonoosookwawŏbŭnĭl, eebŭchŭl oonŭmĭhtooneabŭnĭl kenooŏskoodeegŭnŭl tanĭl kesetagwĭl kĕsenookŭtejĭk oohŭkā’wĭkoo’ŏk.

³ Ha Sāsoos tkwakwāhāāpŭn woochŏŏk, ha net tĕt oomowoopĭh’anĕbŭnĭhĭ tanĭhĭ ĕgĕhkematpŭnĭhĭ.

⁴ Net nankŭmehamkāwā’ wĭkoobalteemŭk kŭte‐egĕhĕ: net Lĕsweesŭk wĭkoobaltĭmkāwāŭmooŏk.

⁵ Netwāje Sāsoos āwābeu labĕsoopŭn ha oonŭmĭha kĕselĭt pŭmowsoo’enoo wĕchkooabaselejĭhĭ tan nāgŭm āĭt, toocheu ootĭha’bŭnĭl Pelĭpŭl: Tamapa’l kesutŭn’ooha’n hŭpan tanĭlp’ kese mŭhatejĭl yoohooh’t?

⁶ Wĕjeyŭhat net ootookwĕtsskŏŏhlal: eebŭchŭl Sāsoos ookŭjejĭhtoon tanŭch ĕlātagĕch.

⁷ Pelĭp ootasedāma’bŭnĭl ootĭhal: Nesa’tkw denāleŭl, (man net tana’p n’koodĭnsk kĕsĭtkegoon,) ĕlaootĭt hŭpan skatŭp māmehāoo chegaoo ā’taseu wekwĕhlat ăpsŭgĭlsŭswŏŏl.

⁸ Pĕskooŭl yoohoo’ht pĕmŭkĕhkemajĭhĭ, Atŭlā’, Semoo Peāl’ wĭjegetetejĭl, ootĭhal Sāsoosŭl:

⁹ Ooskenooses ëuloo tan ā’ooŏt nanoo baleāwāya ŭpkwāseegŭn; ha neaga nesoo ŭpsŭgĭlsŭselejĭhĭ nŭmĕse’s. Kākw pal nĭkt ŭleoolāta’geŭk kĕsĭt pŭmowsooĭn?

¹⁰ Sāsoos eetŭm: Kesātoowŏŏk’ pŭmowsooenooŭk oolagwŏnea. Ha net woolaskekĕ. Net nŭ oolagwŏn’ea ooskedăpeŭk, tamaha’l nanam’kwakŭs’ooŭk.

¹¹ Ha Sāsoos wekwĕhlan yoohooh’t ŭpkwāse’gŭn, ha kese oolasooĕltŭk oosesĕnmooŏn nĭhĭht ĕlagwĕlejĭhĭ. Ha neaga nŭm’ĕsā tan kĕsepawŏtŭmootĭt.

¹² Tan toocheu’ māmĭhpooltetĭt, Sāsoos ootĭha tanĭhĭ ĕgĕhkemajĭhĭ: Magweiyāootŏŏk peĕhpŭnāgool; wĕlaman skat kĕkw ŭksĭhkāhāoo.

¹³ Netwāje mawāootootĭt, ha wĕje ŭpsŭnātooteejĭl nesankoodool pŭsŭnoo’teŭl peĕhpŭnāgool, tanĭl wĕje‐peāmehagĭl wĕhkĕtkŭk nanook baleāwāyak ŭpkwĕseegŭnŭk tanĭk kesepooltĭtpŭnĭk.

¹⁴ Netwāje pŭmowsooenooŭk tanek’ nĕmĭhtoo’tĭtpŭn kenooŏskoodeegŭn tan Sāsoos ĕlekesātakwpŭn, etŭmootoo’bŭnĭk: Oolămāwagŭn ĭkŏŏk woot nŭt neganedŭhasooeen tan kādepŭkŭchehatpŭn ooskĭt’kŭmĭkw.

¹⁵ Netwāje tan toocheu’ kĕjejĭhat Sāsoos ookŭtepĕdabaselĭn oonăjĭt‐kwŏŏnkŏŏn ha oonăjekinchāmŭs‐wĕhlŭkoon, apch oomajĭhan, tkwakwĕhĕ wŏŏchŏŏk ’nkwŏŏtookwaeu’.

¹⁶ Un wĕlagwewĭk tanĭk wĕdŭhkĕhkemoojĭk oohŭkĕk mŭtabea’baselĭn sŭnoocheu’.

¹⁷ Noo ootĕba’base’nea ŭpŭso’lŭkŏŏk ha kwŏŏsŭkaha’nea soobĕkw, lĭmtŭtŭka’heyŭk Cāpŭlneŭmk. Ha agĭs pĭskĭtpookŭt, ha māch mĕskw Sāsoos pŭkŭchehawŭn āoolteelĭt.

¹⁸ Ha asoolbĕkw ŭksatkwĭn ĕlĭkslămsŭk.

¹⁹ Netwāje kes ĕleĕljenaskwĕsoolteetĭt tamaha’l nŭhooŭk meiālŭk, kŭsŭnaha’l nŭhooŭk meiālŭk chĕl ābahseu, oonŭmehawŏl Sāsoosŭl pĕmehalejĭl ooskĭtpāmŭk, ha chkooechŭse’hehŭl ŭpŭso’lŭkŏŏk, ha sĕksooltooŭk.

²⁰ Kānookŭloo Sāsoos ootĭha: Ekwesĕksooltikw! Nel net.

²¹ Toocheu ooledŭha‐sooĭm‐sŭnawŏl ŭpso’lŭkŏŏk; ha net tĕhna ŭpsolŭkw ŭkwĕhĕ tan ĕlehatĭtpŭn.

²² Ehchĕhkwewĭk ā’taeu’kesook, tan toocheu’ pŭmowsooenooŭk tanĭk sĕkŭltejĭk kameu’ soobāgŏŏk oonŭmetoo’nea skadama kŭtŭk ŭpŭsolŭkw ëeu nĕt tĕpook’t pĕskoon, ha Sāsoos skat wejāwowebŭnĭhĭ tanĭhĭ ĕgĕhkemajĭhĭ ŭpŭso’lŭkŏŏk’; kānookŭloo tanĭk wĕtŭkĕhkemoo’bŭnĭk oohŭkĕk majāheoo’bŭnĭk n’kwootŏŏkookayoo;

²³ Kānookŭloo kes ooche‐kwŭhādoo’bŭnĭl kŭtŭkĭl ŭpŭso’lŭkool Teibeleŭsk, ha ŭkwŭhādoo’bŭnĭl kwĭheu’ tan tĕt ĕtle‐mejoolte‐tĭtpŭn ŭpkwāseegŭn, kese oolasooĕltŭkpŭn K’sakŭmamŭn.

²⁴ Netwāje kesenŭmetootĭt ŭkwtanakwsejĭk mowehamŭk Sāsoosŭl skat ooteëlewŭn net, ha tĕhna tanĭk wĕtŭkĕhkemoojĭk oohŭkĕk, nāgŭmow nŭ tĕbĕsooltooŭk ŭpŭso’lŭg-wĭkŏŏk, ha ŭkkwahlŭtooŭk Cāpŭlneŭmk oopĕjekwelooŏhawŏl Sāsoosŭl.

²⁵ Ha kesĭmskooalĭt kamŭk, ootĭhawŏl: N’sakŭmamŭn, tanwĕk’ ŭkpŭkŭcheha’ps yoot?

²⁶ Sāsoos ootasedāma, ha eetŭm: Ulĭhĕ ŭlĭhĕ, yŏŏhoolĕkw, kwelooeheepa, skat eebŭch ŭl k’nŭmĭhtoonea’bŭnĭl kenooŏskoodeegŭnŭl; kānookŭloo eebŭchŭl kŭmahawa’bŭnĭk ŭpkwāseegŭnŭk, ha neaga kŭmāme‐pooltepapŭn.

²⁷ Moo saak oocheloo’kŭtekĕk’w net mechooagŭn ĭkŏŏk tan pĕmĭksekahak: oolamĭsta’k oochelookŭtĭkw net mechooagŭn ĭkŏŏk, tan chĕnĕsĭk askŭmowsooagŭn ĭkook, tan pŭmowsooĭn Ookwŏŏsŭ lkŭmĭlkoonea’ch. Eebŭchŭl Wāgwŏŏsĭt Nŭkskam kese kenooŏskoolal netŭl.

²⁸ Netwāje yŭhahtĭt: Tanŭch’n’tŭlātakhŭtenĕn lookadŭmoo‐ook’t Nŭkskam ootŭlookāwa’gŭnŭl?

²⁹ Sāsoos asedāmat ha ootĭha: Yoot Nŭkskam ootŭlookāwagŭn, koolamsŭtŭmoote’nea nāgŭm oohŭk, tanĭl Nŭkskam kese lŭkemajĭl.

³⁰ Netwāje ootehawŏl: Kĕkwsā’ kenooŏskoodeegŭn ĕloo’keŭn? wĕlaman kesenŭmĭhtoonānŭp, ha wĕlaman koolămsŭtoolpŭn? Kākw ĕlooka’dŭmŭn?

³¹ Kŭmĭtakwsŭnook’ mĭjoolte’tĭtpŭnĭk’ mana pĕnāgwĭk’pŭnĕkw bakatakŭmeekw. Stŭkā’ tan ĕlooĭkhasĭkpŭn: Wĕjemelat’pŭnĕk’ hŭpan spŭmkek, mejool’tĭlĭts’.

³² Netwāje Sāsoos ootĭha: Ulau, ŭlāu, yŏŏhoolĕkw, Mooes skat kŭmĭlkoone‐awĭb’ŭnĭl hŭpan spŭmkek tŭlāyaoo: kānookŭloo N’mĭhtakws kŭmĭlkoonea’l oolămāwā’ hŭpanŭl spŭmkeek tŭlāyaoo.

³³ Eebŭchŭl Nŭkskam ootŭpa’nŭmŭl net nŭt tan wĕje‐pŭnāgwĕsĭt spŭmkek, ha oomelooŏn pŭmowsooagŭn ooskĭt’kŭmĭkw.

³⁴ Netwāje ootĭhawŏl: Sakum, mā’jemeu’ melene woot hŭpan.

³⁵ Sāsoos ootĭha: Nel net pŭmowsooagŭnā’ hŭpan. Nāgŭm tan egŭhat n’hŭkĕk skatŭch kŭtoopeu; ha nāgŭm tan wĕlamsŭtŭk ’nhŭkĕk skatŭch kŭtoowŏŏsmeu’ askŭmeu’.

³⁶ Kānookŭloo ŭktehooloopapŭn, kese nŭmĭhepapŭn, ha skat koolamsŭtŭmooteba.

³⁷ M’seu wĕn tan N’mĭhtakws melet pŭkŭchehĕch n’hŭkĕk. Ha tanŭch wĕn nāgŭm egŭhat n’hŭkĕk skatŭch nootā’gemow kwŭch’ŭmŭk.

³⁸ Eebŭchŭl wĕje‐bŭnĕgwĕseŭnpŭn spŭmkek skat n’tŭlookawŭn tan nel ĕlëooleedŭhadŭm; kānookŭloo ’ntŭlook tan nāgŭm eleooledŭhadŭk tan pĕtŭkemĭtpŭn.

³⁹ Eebŭchŭl yoot N’mĭhtakws ooledŭhadŭmooagŭn, ’mseu wĕn tan nĕmĭhat Wĕmĭtakwselejĭl, hatĕhnaoolamsŭtŭmŭnŭl oohŭkĕk, ooteĭnp askŭmowsooagŭn. Ha nel noonagĕhlach ’mchŭsŭlāwā’ kesook.

⁴⁰ Ha yoot nāgŭm ooledŭhadŭmooagŭn tan pĕtŭkemĭtpŭn, ’mseu tan melĭtpŭn, skatŭp ’nkŭskatooŭn kĕkwsā, kānookŭch noonagĕhtoon ’mchŭsŭlāwā’ keesook.

⁴¹ Netwāje Lĕsweesŭk mamsĕlāwĕstooteetĭt nāgŭm ooche, eebŭchŭl eetŭm, Nel hŭpan tan wĕje‐bĕnegwĕsĭtpŭn spŭmkek.

⁴² Ha etŭmootooŭk: Skat yoot Sāsoos, Soosĕp’ ookwŏŏsŭl? tan oonekekoo kŭjejeetooŏnānoo? Netwāje tan ootŭlekese‐eetŭmŭn, Nel wĕje‐bĕnegwĕse‐yanpŭn spŭmkek?

⁴³ Sāsoos asedāmat, ootĭha: Ekwemamsĕletooltĭkw.

⁴⁴ Skat wĕn kese‐egŭhāoo ’nhŭkĕk N’mĭhtakws tan pĕtŭkĭmĭtpŭn skat wĭhkwŏŏnakw: ha noonagĕhlach ’mchŭsŭlāwā’ keesook.

⁴⁵ Net tĕlooĭkhasĭk negane‐dŭhasooenooŭk ootooĭkheegŭnoo‐owikŏŏk: Ha ’mseuŭch kĕhkĭm‐kwŭsooltooŭk Nŭkskam ooĭkŏŏk. M’seu wĕn tan wĕjenootŭkŭbŭn Wegwŏŏsĭt Nŭkskam ooĭkŏŏk ha wĕtŭhkĕhkĭmkoosĭtpŭn oohŭkĕk, ’npĕtĕhkakw.

⁴⁶ Skatama wĕn oonŭmĭhaëŭl Wĕgwŏŏselejĭl Nŭkskamŭl, tĕpŏŏkt nāgŭm tan wĕjeatpŭn Nŭkskam ooikŏŏk, nāgŭm kese nŭmĭha’bŭnĭl Wĕgwŏŏselejil Nŭkskamŭl.

⁴⁷ Ulĭhĕ, ŭlĭhĕ, tan yŏŏhoolĕkw, tan wĕlamsŭtŭk n’hŭkĕk, ooteĭn askŭmowsooagŭn.

⁴⁸ Nel pŭmowsooagŭnā’ hŭpan.

⁴⁹ Kŭmĭhtakwsoo‐owk oomĭjoolteneapŭn mana pĕnĕgwĭkpŭn, ha mĕchĭnhŭtoobŭnĭk.

⁵⁰ Woot nŭt hŭpan tan wĕjepŭnĕgwĕsĭt spŭmkĕk, wĕlaman wĕn mahatp ha skatŭch mĕchĭnāwŭp.

⁵¹ Nel n’hŭk woot hŭpan pĕmowsĭt net, tan wĕje‐pŭnegwĕsĭtpŭn spŭmkek: tan wĕn wĕjemahat yootŭl hŭpanŭl askŭmowsooch’. Chŏŏ kĕtŭlal’ hŭpanŭch tan nel melooĭh, nel nooeoosŭm, tan nel melooa’nch ooche ooskĭt’kŭmĭkw oopŭmowsooagŭn.

⁵² Netwāje Lĕsweesŭk kwĕjewākwa‐mowtoolteetĭt, yŏŏhoodooltooŭk: Tanŭpa’l wŏŏt ooskedap tŭle‐kese‐mĭlkoonā’n oohŭk kŭmĭj-emoo’ŏnān’?

⁵³ Netwāje Sāsoos ootĭha: Ulău, ŭlāu, yŏŏhoolĕkw, skat mechewĕkw’ pŭmowsooĭn Ookwŏŏsŭl oohŭk, ha oopŭkŭnoom’ skat kŭdoosŭmoolteewĕkw’, pŭmowsooagŭn skatama ŭkteu’nea ŭkhŭkāwĭkooŏk.

⁵⁴ Tan mechĭt ’nhŭk, ha kedoo’sŭmĭt ’npŭkŭnoom, ooteĭn askŭmowsooagŭn; ha noonagĕhlâch’ m’chŭsŭlāwā’ keesook.

⁵⁵ Eebŭchŭl nel ’nhŭk oolamāwe‐mechooagŭn net, ha ’npŭkŭnoom oolămāwe‐kŭtoosŭmooagŭn net.

⁵⁶ Tan mejĭt ’nhŭk ha kĕdoosŭmĭt’ ’npŭkŭnoom, oomājĭmka’dŭmŭn n’hŭkĕk, ha nel nŭnmājĭmkala oohŭkĕk.

⁵⁷ Stŭkā’ N’mĭhtakws pĕmowsĭt pĕtŭkĭmĭtpŭn, ha wĕjepŭmowsĭ N’mĭhtakws oohŭkĕk, net ĕlāĭk tan mĭhĭt oochepŭmowsoo n’hŭkĕk.

⁵⁸ Net woot hŭpan tan wĕje pŭnĕgwĕsĭtpŭn spŭmkek. Skat tĕtpeu kŭmĭtakwsooŏ ootŭle‐mejetĭtpŭn mana pĕnĕgwĭkpŭn bakŭtakŭmeekw, ha tŭle‐mĕjĭnhŭtoo’pŭnĭk. Nāgŭm tan mejĭt ’nhŭk askŭmowsooch’.

⁵⁹ Sāsoos oonŭstŏŏh’mŭnŭl netŭl kĕkwsāăl hemeāwĭgwamŭk, toocheu’ tan ĕtlekĕhkekāmĭt Cāpŭlneŭmk.

⁶⁰ Netwāje ŭktanakwsooŭk tanĭk kese-kĕhkemoojĭk oohŭkĕk, tan toocheu’ noodŭmooteetĭt netŭl, kĕloosooa’gŭnŭl, etŭmootooŭk: Mŭdooāu kĕloosooagŭn net: Wĕnŭpa’l kese-jĭksŭtŭk?

⁶¹ Kānookŭloo Sāsoos wĕjĭkchejĭhtowk oohŭkĕk tanĭk wĕjekese‐kĕhkemoojĭk oohŭkĕk ootŭlemamsĕlāwĕstoote’nea ooche yoot kŭloosooagŭn, ootĭha: Net net wĕje‐nabĭskwahmateĕkw?

⁶² Tanŭpŭloo nŭmehā’kw pŭmowsooĭn Ookwŏŏsŭl ootŭle‐woonagĭhan tan tŭmk āyĭtpŭn?

⁶³ ’Mchŭchakw nŭt tan pĕmowsooĭh’ooĕt. M’hŭk skat wĭjookĕgĕmweu’. Netŭl kŭlooswagŭnŭl tanĭl yŏŏhoolāgwĭl, netŭl tŭkĕh’ wāŏŏchŭchakwe’gĭl, ha tĕhna pŭmowsoowewŭl.

⁶⁴ Kānookŭloo kelooow’ ankwŏŏch’ skatama koolamsŭtŭmoone’al. Eebŭchŭl Sāsoos ookoojeje’a amskooŏsĕtā wĕjātagāmŭk tan yoohoot’ skat wĕlamsŭtŭmoo‐te’lekwĭhĭ, ha tĕhna ëu’ tanĭlch’ ĕhkĭnoowĕhlĭhjĭl.

⁶⁵ Ha ootĭha: Ha net tĕhna wĕjehoolĕkwpŭn: Skatŭch wĕn kese‐egŭhāoo n’hŭkĕk skat oochelĕlmookseekw N’mĭhtakwsŭk.

⁶⁶ Agĭmtĕ net wĕsooe’‐abase‐dĭtpŭn ŭktanakwsedĭtpŭn, tanĭk wĕje‐kesŭkĕkemoojĭk oohŭkĕk, ha skadama agwamŭk tŭlŭme‐wĭjaŏŏwawewŏl.

⁶⁷ Netwāje Sāsoos yŭhat’ nesankoosoo wĕswewĕskajĭhĭ: Kelooow’ nŭ kŭte‐maje‐abaseba?

⁶⁸ Semoo Peāl ootasedāmal: N’sakŭmamŭn, wĕnŭchaloo oohŭkĕk ĕlabaseĕk? kel āyĭn kŭloosooa’gŭnŭl askŭmowsooa’gŭnāyăl.

⁶⁹ Ha tĕhna neloon’ noolămsŭtŭmootenān’ ha ’nkŭjejetoonĕnān’ kel Nŭkskam wāwĕsenoomŭl.

⁷⁰ Sāsoos ootasedāma: Skat nel kesĭmkŭnŭloobapŭs kelooow’ nesankooseĕkw’? Ha kelooow’ pĕskw mŭchŭhant’.

⁷¹ Noo ooskooeman Soodahŭl Iskaleotŭl, Semoo ookwŏŏsŭl, tanŭch’ wŏŏt ĕhkenooĕhlat; wŏŏt nŭt pĕskw nesankoosejĭk wĕse’wĕskajĭhĭ.