Wikhikən 5 - Wĭkheegŭn 1870

¹ Net kes kesĭtpehak yootŭl kekwsāăl wĭkwhŭpaltenāāpŭn Lĕsweesoo ĭkŏŏk, ha Sāsoos ŭlĭtkwakwĕhāpŭn Sāloosălĕmk’.

² Net Sāloosălĕmk’ pĕgootābāāgĕk ëu kwĭheu’ ŭsepĭkhagŭnĕhteegŭnŭk lewesweu’ Lĕswesooădooāmŭk, Bĕtĕsda, (K’tŭmagĕl‐kāweekwŏm,) nanŭnool tŏŏhsanŭl.

³ Ha ŭktanakwsoobunĭk ĕlakwāchĭk ŭksenookāwenooŭk yootŭl tŏŏhsanŭl, ’nkabooltoobŭnĭk, ha askasooltooŭk, ha tanĭk nĕ booĭkpŭnĭl oopete’nooŏl ha ookadooŏl, ootŭt-laskooŏhtooneapŭn, matpĕgātasoo samagwŏn.

⁴ Eebŭchŭl asāl’ pŭnĕhgwĕsoopŭn kenooweu’ chooŏhpĕsoopŭn pĕgootĕbāāgĕk ha mătpĕgātoonāpŭn samagwŏn. Netwāje tan wĕn tŭmk chāupĕsĭtpŭn kese mătpĕgā’tasĭk samagwŏn, nŭt kekŭhootpŭn tan kĕkwsā kĕsenookatpŭn.

⁵ Ha ooskedape ëu’bŭnŏk net tĕt tanâk’ kĕsenookatpŭnŏk n’sĭnsk kĕseegŭtŭn chĕl oogŭmoolchĭn.

⁶ Sāsoos nŭmĭhat ootlŭsĭnlĭn, ha kŭjejĭhal ootŭlāeelin net kespĭhchĕ’, ooteha’pŭnĭl: Koole’dŭha’dŭmŭn kekŭhoogĕn?

⁷ Tan kĕsenookat ootasedāmal: Sakŭm, skadama wĕn n’tëuaoo n’choopĕhlŭkoon pĕgootābāāgĕk tan toocheu samagwŏn mătpĕgātaasĭk: kānookŭloo kwāne‐lehac tŭmk kŭtŭk nekane‐chooŏhpĕsoo.

⁸ Sāsoos ootĭhal: Oonagĕs! oonagĕh’t koo‐oot’, ha pŭmoosĕn!

⁹ Ha nŭkŭsaeu ooskedap’ oolāu, ha oonagĕhtoon ookoo‐oot’, ha pŭmoosĕh. Ha net keesook atlasemooekeesook.

¹⁰ Netwāje Lĕsweesŭk ootĭhawŏl: Atlasemooekeesook yoot: skat kooche‐kesĕltŭmagāāwŭn ŭlgetŭmooa’gŭnŭk ŭkpŭmĭptoon koo‐oot’.

¹¹ Ooskedăp ootĭha: Nāgŭm tan keekĭhĭt n’teehŭkw, Oonagĕht koo‐oot’, ha pŭmoosĕn’, (pŭmĭh.)

¹² Netwāje pabĕhchematĭt: Wĕn ëa’ nŭt ooskeedăp tan yoohoosk’, Oonagĕht koo‐oot’ ha pŭmowsooĭn? (pŭmĭh?)

¹³ Kānookŭloo tan kekŏŏhoot’ skat ookŭjejehow’eŭl tan wĕnĭl: eebŭchŭl Sāsoos sĕmasŏŏp’ŭn, eebŭchŭl kŭtanakwsoobŭnĭk āooltĭtpŭnĭk net tĕt.

¹⁴ Agĭmtĕ Sāsoos ootŭtlĭmskoowŏl k’che-hemeāwekwamŭk, ha ootĭhal: Sagĭh’t kekŭhook’; moosa’k patawĕhkasekŭch ăpch: skat ăjemŭtooā‐yenookĭch egahak ŭkhŭkĕk.

¹⁵ Ooskedăp machĕhĕ ha ootĭha Lĕswees Sāsoos nŭt tan kekŭhatpŭn.

¹⁶ Ha netwāje Lĕsweesŭk ootŭbloomawŏl Sāsoosŭl, ha ootŭkwājenāpahawŏl, eebŭchŭl yootŭl ĕlookājĭl atlasemooekeesook.

¹⁷ Kānookŭloo Sāsoos ootŭleasedāma: N’mĭhtakws pĕmlookĕt malŭmŭtĕ tŭkāch’ ha nel n’tŭlook’.

¹⁸ Netwāje Lĕsweesŭk peāmekwāche‐nāpahawŏl, eebŭchŭl skat tĕpŏŏk’t oosŭgwŏŏ-skĕhtooŭn atlasemooekeesook, kānookŭloo māch ăpch etŭmoo’pŭn Nŭkskamŭl Oometakwsĭn, ha lĕhlŭsoopŭn ootĕtpowoote’nea Nŭkskamŭl.

¹⁹ Netwāje ootŭleasedāma, ootĭha: Ulāu, ŭlāu, tan yŏŏhoolĕkw, Wĕmĭtakwsĭt skatŭk kĕkw kese ŭnkoodŏŏkalĕhtagāoo’; tĕpŏŏkt nŭmĭhat’ Wĕgwŏŏselejĭl ĕlā’tagālĭt eebŭchŭl tānĭl Nāgŭm ĕlātagĕt, neetŭl ëaga Wĕmĭtakwsĭt tŭhaloo ĕlelĕhtagĕt.

²⁰ Wĕgwŏŏsĭt oomoosalal Wĕmĭtakwselejĭl, ha ootŭgĕhkemanŭl ’mseu kĕkwsāă! tanĭl ĕlātagĕt. Ha oomŭsooātooŏnŭlch’ ăjenŭkŭmkĭkoonool’ skatŭk yootŭl, wĕlaman koocheasŭgedŭha‐soolteneach’.

²¹ Eebŭchŭl stŭkā’ Wĕgwŏŏsĭt abăjĭphat n’poo’enoo ha pŭmowsooĕtahsĭt, net pĕskoon Wĕmĭtakwsit pŭmowsooĕtahsĭt tan ĕle‐ooledŭhadŭk.

²² Eebŭchŭl Wĕgwŏŏsĭt skat ootŭbloomoweyŭl wĕnĭl, kānookŭloo ’mseu ŭtploodŭmooagŭn oomeetan Wĕmĭtakwselejĭl.

²³ Wĕlaman ’mseu wānĭk ookeche‐tŭmetŭhamawŏl Wĕmĭtakwselejĭl stŭkā’ ĕle‐keche-tŭhamatĭt Wĕgwŏŏsilĭjĭl. Tan wŏŏt skat kechetŭme‐tŭhamak’w Wĕmĭtakwselejĭl skat nāgŭm ookeche‐tŭme‐tŭhamow’eŭl Wegwŏŏselejĭl tanĭl pĕtŭkĭmtŭpŭnĭl.

²⁴ Ulāu, ŭlāu, yŏŏhoolĕkw, tan wĕn noo’tŭk ’nkŭlooswagŭn, ha wĕlamsŭtŭk oohŭkĕk tan pŭtŭkĭmĭtpŭn, ooteeĭn askŭmowsooagŭn, ha skatŭch eegehāoo wŏŏnmăjĭtploodŭmooagŭn ĭkŏŏk; kānookŭloo ookeseuchenoodĕhĕ n’pooa’gŭnŭk agĭmtĕ pŭmowsooa’gŭnŭk.

²⁵ Ulāu, ŭlāu, yŏŏhoolĕk’w, tĕbŭnaskooĭhak kŭte‐egĕhĕ, ha tŭkāch’ kese‐egĕhĕ, tan toocheu’ n’pooenooŭk oonoodŭmootenea’ch Nŭkskam Ookwŏŏsŭl ookŭlooswagŭn; ha tanĭk oonoodŭmootenea’ch pŭmowsooltooŭkch.

²⁶ Eebŭchŭl stŭkā’ Wĕgwŏŏsĭt āĭt pŭmowsooagŭn oohŭkĕk, net ĕlemeelat Wĕmĭtakwselejĭl oote‐eelĭn pŭmowsooagŭn oohŭkĕk.

²⁷ Ha oomelanāpŭn pĕltŭmooagŭn ootŭbloodŭmŭlĭn, eebŭchŭl nāgŭm pŭmowsooĭn Ookwŏŏsŭl.

²⁸ Moo sak’ asŭksŭtŭmookĕkw yoo’tŭl. Eebŭchŭl tĕbŭnaskooĭhak egĕhĕ tan toocheu ’mseu wānĭk tanĭk āooltejĭk pooskŭnegŭn-alkwĭkŏŏk oonoodŭmootenea’ch ookŭlooswagŭn;

²⁹ Ha ooche‐mooska‐basooŭkch, tanĭk kese wŏŏlātakhŭtĭtpŭnĭk, pŭmowsooagŭnā’ abĭjebĕmkāwā’ ĭkŏŏk; ha tanĭk patawĕk-asooltĭtpŭnĭk, wŏŏnmăjĭtploodŭmooagŭnā’ abĭjebĕmkāwā’ ĭkook.

³⁰ Skat kĕkw n’kesĭnkwŏŏtoogŭtŭmoo. Tan ĕlenoo’dŭm net ĕlĭtploo’dŭm; ha n’tŭploodŭmooagŭn keakwĭhĕ. Eebŭchŭl skat ’nkwelooŏtoo’ŭn nel nooledŭhadŭmooagŭn; kānookŭloo n’kwelooŏhtooŏn’ Wĕgwŏŏsĭt ooledŭhadŭmooagŭn tan pĕtŭkemĭtpŭn.

³¹ N’speuwŏŏlamāuseân’ nŭspeuwŏŏlamāwagŭn skat ŭlehāu.

³² Kŭtŭk ëu tan nĕspeuwŏŏlamāwĭt, ak n’kŭjejĭhtoon oonŭspeuwŏŏlâmāwagŭn ŭlĭhĕ, tan ĕlĭnspeuwŏŏlămāwĭt.

³³ Kelooow’ ŭktŭlgegĕsĭneaapŭn Sabadĭsk’, ha nāgŭm lĭnspeuwŏŏlămāāpŭn oolămāwa’gŭnŭk.

³⁴ Kānookŭloo nel skat noochewekwĕhtoo’ŭn n’speuwoolămawagŭn pŭmowsooenoo ĭkŏŏk. Kānookŭloo yootŭl kĕkwsāăl etŭmanĭl wĕla nan koochekekateneap’.

³⁵ Nāgŭm (Sabadĭs) pŭsakwhāpŭn tŭlămkŭlāpŭn ha ŭksahtooāpŭn, ha kelooow’ kooledŭhadŭm‐ŭneapŭn makeāoo kooledŭhasooltenea oopŭsakwhĕgŭm ĭkŏŏk.

³⁶ Kānookŭloo peāme nŭgŭmkĭkwŏŏn n’speuwŏŏlămāwagŭn n’teĭn skatŭk Sabadis oonŭspeuwŏŏlămāwagŭn; eebŭchŭl lookāwa’gŭnŭl tanĭl Wĕgwŏŏsĭt melĭtpŭnĭl n’kesātoon, yootŭl lookāwa’gŭnŭl tanĭl ĕlookeanĭl, nŭspeuwŏŏlămāookoonŭl, Wĕgwŏŏsĭt n’pĕtŭkĭmkoon.

³⁷ Ha N’mĭhtakws tan pĕtŭkemĭtpŭn n’kespeuwŏŏlamāookoopŭn. Kelooow’ skat k’noodŭmooowŭneaweepŭn ĕltakwsĭt, kŭsŭna skat k’nŭmehoweuwaapŭn tan ĕleegĭt.

³⁸ Ha ookŭlooswakŭn skat ŭktemooowwŏŏnea mĕjĭmtāwe ŭkhŭkāwĭkooŏk. Eebŭchŭl tanĭl pĕtŭkĭmatpŭnĭl, skat koolămsŭtooaweewa.

³⁹ Wŏŏle‐pabĕh‐kesagĭhtŏŏk Nŭkskamāwāyăl Awĭkhăsegĭl, eebŭchŭl ŭktŭledŭhasoolteeba net tĕt ŭkte‐e’nea askŭmowsooagŭn, ha yŏŏtŭl netŭl wĕjĭnspeuwŏŏlămāweekĭl nel.

⁴⁰ Ha skat kooledŭhadŭmooneaweepŭn koochkoowehe‐e’nea nel, ŭkte‐eneăp’ pŭmowsooagŭn.

⁴¹ Skat noojĭmsŭnŭmoo’ŭn kechetŭmetŭham‐koosooagŭn pŭmowsooenoo ĭkŏŏk.

⁴² Kānookŭloo kŭjejehoolpa skat ŭkteoolteoonea Nŭkskam ookŭsĕlŭmooksooagŭn ŭkhŭkāwĭkooŏk.

⁴³ N’pŭk’ŭche N’mĭhtakws wesooŭnŭk, ha skat ŭkwekwĕhlebahkwŏŏpŭn. Apch kŭtŭk pŭkŭchehat’ nāgŭm ŭtā wesooŭnŭk, koowekwĕhlawŏch’ nāgŭm.

⁴⁴ Tan ŭktĭle‐kese‐oolam‐sŭtŭmoote’nea? kelooow’ kŭmŭsŭnŭmowtool‐te’nea k’chetŭmetŭham‐koosooagŭn, ha skat kwelooŏhtoone’a net k’chetŭmetŭhamkoosooagŭn tan wĕjehak’ tĕpŏŏkt Nŭkskam ooĭkŏŏk.

⁴⁵ Moo saak ŭledŭhasooltekĕkwk’mŭsĭmlŭbach’ N’mĭhtakwsŭk. Eu tan wĕn mĕsĭmŭlakw, nŭt Mooes’, tan oohŭkĕk ĕledŭhasoolteĕkw.

⁴⁶ Eebŭchŭl woolămsŭtooĕk’w Mooes, koolămsŭtooeebapŭnp nel. Eebŭchŭl Mooes oochewĭkhegāpŭn ooche nel ’nhŭk.

⁴⁷ Kānookŭloo skat wŏŏlămsŭtŭmooā’kw ĕlooĭkheegĕtpŭn nāgŭm, tanŭch ŭktŭleoolămsŭtŭmŭn’ea nel ’nkŭlooswa’gŭnŭl?