Wikhikən 4 - Wĭkheegŭn 1870

¹ Netwāje tan toocheu Uksakŭmamŭn ookŭjeje’toonāpŭn Pălooseŭk ookese‐nootŭmatenea Sāsoosŭl ookesĕhlan ha ookese‐papteisooĕhlan peāme‐ŭkchā’oweu’ noojekĕhkemajĭhĭ skatŭk tĕtpeu Sabadĭs;

² Cheegow’ skat Sāsoos papteisooĕhlooĕkw, kānookŭloo tanĭk wĕtŭkĕhkemoojik oohŭkĕk papteisooĕhlooatooŭk;

³ Oonŭkŭtŭmŭnāpŭn Lĕsweesooakĭk ha ŭlehāpŭn Goolelĕtk.

⁴ Ha chooe‐lesabehāpŭn Samālĭk.

⁵ Netwāje pŭkŭchehĕ oodānĕk Samālĭk tŭlā’lewe’sooweŭ’ Seikŭl, kwĭheu’ k’takŭmikwses tan Sako’p kese melătpŭn ookwŏŏsŭl Soosĕpŭl.

⁶ Nŭt Sakop’ weuhtabĭlmŭset net tĕt eoopŭn. Sāsoos netwāje kŭspŭnāoos ŭnhoolbĕsĭn weuhtăbĭlmŭseelĭt. Ha tamahal’ abaskwe.

⁷ Net Samāleāwĭskw’ pŭkŭchehĕ oonadapelŭm. Sāsoos ootĭhal: Sĭh’mooĭn’.

⁸ Eebŭchŭl ĕgĕhkemătpŭnĭhĭ labasoo’bŭnĭk oodānĕk oonatŭnŏŏhmŭn’ea mechooagŭn.

⁹ Neaga netwāje Samāleāwĭskw’ ootĭhal: Tan ŭlāu kel Lĕsweesooeŭn ĕgwĕjĭm’eŭn ĕlŭsmeŭn nel, nel Samāleāwĭskw’? Eebŭchŭl Lĕsweesŭk ha Samāleāweŭk skat oosewākaltoolte’weuk.

¹⁰ Sāsoos asedāmat ootĭhal: Kŭjeje’tooŭnsŭpŭn Nŭkskam ootŭlĕlmŭgwĕmkāwāyăm, ha neaga ŭkchĭjehŭtsŭbŭn tan wĕn yoo’hoosk Sĭh’mooĭn’, kweloodŭmooŏnāpŭnp, ha ŭkmĭlkoonāpŭnp’ samagwŏn pĕmowhsooĭk.

¹¹ Apet ootĭhal: Sakŭm, toowŏbĭlmŭsoot’ skadama ŭkteuow’, ha weuhtăbĭlmŭset pĭhtălgŭt; netwāje tama tĕt ŭkteĭn yoot samagwŏn pĕmowhsooĭk?

¹² Kel ŭkpeāmespā’ skatŭk kŭmĭhtakwsŭnook’ Sako’p, tanak melĭnmŭkpŭn yoot weutabĭlmŭset, ha wĕjŭsmetpŭn nāgŭm, ha neaga oonejan’, ha neaga ootoohĕm’?

¹³ Asedāmat Sāsoos ha ootĭhal: M’seu wĕn tan wĕjŭs’ŭmĭt yoot samagwŏn, apchŭch kŭdoowŏŏsŭmoo;

¹⁴ Kānookŭloo tan wĕn wĕjŭs’ŭmĭt samagwŏn tan nel melook’ch, skatŭch kŭdoowŏŏsŭmeu askŭmeu’. Kānookŭloo samagwŏn tan melook’ch nel, ootabĭlmŭsĭnch’ oohŭkĕk, lemoos‐kakŭmetĕhāch askŭmowsooa’gŭnŭk.

¹⁵ Abĭt ootĭhal: Sakŭm, melĭn yoot samagwŏn, wĕlaman skatŭch n’kŭdoowŏŏs’ŭmeu, kŭsŭna skatŭch noochkooĭhow nadapeelŭmoo.

¹⁶ Sāsoos ootĭhal: Ulĭh’, ha wĭhkweman’ kooskedapĕm, ha koochkooĭhan yoot.

¹⁷ Asedāmat āpet ha eetŭm: Skadama nooskedapĕmeu. Sāsoos ootĭhal: Koolămāheetŭm, Skadama nooskedapĕmeu:

¹⁸ Eebŭchŭl kel nanoobŭnĭk kooskedăpāmŭk; kānookŭloo ooskedăp tan āuŭt tŭkā’ch, skat nesooweuneu. Ulāu eetŭmŭn.

¹⁹ Apet ootĭhal: Sakŭm, nŭmĭhtoon ŭknekanĭkchĭjetakāweenooĭn.

²⁰ N’metakwsŭnook tŭlyŭmehatoo’bŭnĭk yoot woochŏŏk, kānookŭloo kelooow’ uktetŭmooteba Sāloosălĕmk ĕchooetŭlyŭmehamŭk.

²¹ Sāsoos ootĭhal: Apet, oolămsĭtooĭn tĕbŭnaskooĭhak chkooehĕ tanŭch toocheu skatŭch wĭhwenooamawewa Wĕgwŏŏsĭt Nŭkskam yoot woochŏŏk, kŭsŭna Sāloosălĕmk.

²² Kelooow’ skat kŭchejetoonea tan kākw wĭhwenooŏdŭmĕkw. Neloon nkŭjejĭhan tan wĭhwenooamoo’kŭt; eebŭchŭl kekāwagŭn oochehĕ Lesweesooĭkŏŏk.

²³ Kānookŭloo tĕbŭnaskooĭhak kŭteëgĕhĕ ha tŭkāch’ egĕhĕ, tan toocheu oolămāwagŭne-emehāwenooŭk wĭhwenooamawŏlch’ Wĕgwŏŏselejĭl Nŭkskamŭl ’mchŭchakoo‐ĭkŏŏk, ha oolămāwagŭn ĭkŏŏk. Eebŭchŭl Wĕgwŏŏsĭt Nŭkskam ookwelooŏhŭ wĭhwenoowŏmkoon yŭhŏŏht’.

²⁴ Nŭkskam ’mchŭchakweu, ha tanĭk wĭhwenooamajĭk, ootachooe‐ŭlewĭhwenooamawŏl ’mchŭchakoo ĭkŏŏk, ha oolămāwagŭn ĭkŏŏk.

²⁵ Apet ootĭhal: Nkŭjejĭhtoon tan Mĭmkwānoot chkooĭhĕ, tan ĕlewesĭt Newĕsk. Tan toocheu pŭkŭchehatŭch ’mseuŭch kĕkwsăl ŭktagŭnoodŭm‐agoonĕnooŭl.

²⁶ Sāsoos otĭhal: Nel wĕskooeemŭl, nel nŭt.

²⁷ Net tĕhna oopĕdabaseelĭn tanĭhĭ ĕgĕhkemajĭhĭ, ha asŭgedŭhasooltooŭk ooskooeman āpelejĭl. Kānookŭloo skadama wĕn eetŭmoo, Kākw kwelooŏhtooŭn? kŭsŭna, kĕkwsā’ wĕche‐ooskooeemŭt?

²⁸ Un āpet oonŭkŭlal ootatooŏhpelŭmŭsooteŭl, ha ŭlĭhĕ oodānĕk, ha ootĭha pŭmowsooenoo,

²⁹ Chkooabasĭkw, ha sagĭhook pŭmowsooĭn, tan agŭnoodŭmooĭtpŭn tan ’mseu kĕkwsāăl ĕletakeanpŭnĭl. Skat nŭt tan Mĭmkwĕnoot? Newĕskooĭt?

³⁰ Netwāje noodeabasetĭt oodānĕk, ha pĕdabasooŭk tan āelĭt.

³¹ Net tĕhna tanĭk ĕgĕhkemoojĭk oohŭkĕk wekoodŭmooŏnea Sāsoosŭl ootĭhawŏl: ’Nsakŭma’mŭn, mĭts.

³² Sāsoos ootĭha: N’teĭn mechooagŭn tan meeche, tan kelooow’ skat kĕje’jetoo’ĕkw.

³³ Netwāje nootŭkĕhkemoojĭk yŏŏhoodooltooŭk: Māch wĕn kĕkwsā’ ookesepĕjĭptooŏn tan meecheelĭt?

³⁴ Sāsoos ootĭha: Net neeloo n’tŭlĕhtagan nāgŭm ootooledŭhadŭmooagŭn tan pedŭkemĭtpŭn, ha n’ke’sātoo’ŏn ootlookāwagŭn.

³⁵ Skat ŭktedŭmoopa māch nā’ooŭk kesoosŭk toocheu’ kooŏkwnĭkhŭtĭn? Sagĭhŏŏk, ’ktehoolpa, woonagĕhtŏŏk ŭkseskoo’wŏl ha sagĭhtŏŏk pĕmskoodāgĭl, eebŭchŭl tŭkāch’ wŏtĕptādool ooche kooŏkwoonaasoo; (eebŭchŭl tŭkā’ch wŏbā’uŭl keslĕskwtāādool ooche kooŏkwoonaasoo.)

³⁶ Ha nāgŭm tan tĕmsawĕt oomŭsŭnŭmŭn abĕnkagŭn, ha koowŏkŭneegĕ askŭmowsooagŭn ĭkŏŏk: wĕlaman nāgŭm tan ĕkehkĕt ha nāgŭm tan tĕmsawĕt mowewŏŏledŭhasooŭkch’.

³⁷ Netwāje ŭlĭhak yoot kŭlooswagŭn: Pĕskw kehkĕ, ha kŭtŭk tŭmsawĕ.

³⁸ K’pŭchetakaloopŭn k’tŭmsawŏn tan skat kese segŭlookhŭtŭmooākoopŭn. Kŭtŭkek ooskedăpĕk’ segŭlookhŭtoo’bŭnĭk, ha kelooow’ kŭseabaseneapŭn oosegŭlookāwagŭnooŭk.

³⁹ Ha ŭktanakwsooŭk Samāleākāweŭk yoot oodānĕk tŭlāāyak, oolămsŭtŭmŭn’eal oohŭkĕk ooche āpet ookŭlooswa’gŭnŭk, tan ĕlĭnspeuwŏŏlamĭt, eetŭm: Nāgŭm nŭstoo’magoonŭl ’mseu kĕkwsāăl tanĭl ĕlāta’geanpŭnĭl.

⁴⁰ Netwāje tan toocheu’ Samāleākāweŭk pĕdabaseetĭt āeelĭt, wekoodŭmooŏnea wejāagoo’nea. Ha net tĕt kwŭneheeyoo nesoogŭneu’.

⁴¹ Ha apch peāmĭktanakwsooŭk wĕjeoo-lămsŭtŭmooteetĭt nāgŭm ookŭlooswa’gŭnŭk.

⁴² Ha ootehawŏl āpelejĭl: Tŭkwch noolamsŭtŭmootenĕn’ skatŭk kel ŭkŭlooswa’gŭnŭk, eebŭchŭl neloon’ noodooŏn’ ha ’nkŭje’jĭhan wŏŏt nŭt oolămāwagŭn ĭkŏŏk oonoojekekĕh’ooŏn ooskĭtkŭmĭkw.

⁴³ Un kese nesoogŭnŭkak Sāsoos oochemachĕhĕ yoot tĕt, ha pŭkŭchehĕ Goolelĕtk.

⁴⁴ Eebŭchŭl Sāsoos ĕlĭnspeuwŏŏlămā nekanĭkchĭjetakā’wenoo skat ookeche‐tŭmetŭhamkwŭsseewŭn oomŭtkĭk.

⁴⁵ Netwāje toocheu pŭkŭchehĕ Goolelĕtk Goolelĕtkāweŭk wĭhkwĕhlawŏl, eebŭchŭl kese nŭmĭhtoonea’bŭnĭl ’mseu kĕkwsăl kesātakwpŭnĭl Sāloosălĕmk wĭkhŭpaltemŭk. Eebŭchŭl nāgŭmow pĕdabasoo’bŭnĭk ĕtlewĭkhŭpaltĭmkŭpŭn.

⁴⁶ Neet Sāsoos apch pŭkŭchehĕ Cānāk, Goolelĕtk, tan tĕt ĕtlemĕkwabakātak’wpŭn samagwŏn. Ha tan wĕn ĕspesakŭmowĭt, (spesakŭm) eu, tan ookwŏŏsŭl ĕtlĭksenoo’kalejĭl Cāpŭlneŭmk’.

⁴⁷ Tan toocheu kese noo’tŭmat Sāsoosŭl oopŭkŭchehalĭn Lesweesooakĭk, ha kesoochehalĭn Goolelĕtk, oopŭkŭchanŭl ha wĭhkoodŭmooŏn ootŭle‐pŭnegwĕseelĭn, ha ooke’kŭhan ookwŏŏsŭl; eebŭchŭl kŭtemĕcheeneŭl.

⁴⁸ Sasoos ootĭhal: Skat nŭmĭhtoo’ŭn kenooŏskoodeegŭnŭl ha neaga asŭgedŭhaswa’gŭnŭl, skatŭch koolămsŭtŭmooŭn.

⁴⁹ Spesakŭm ootĭhal: Sakŭm chkooepŭnĕgwĕs’ mĕskw ’nkwŏŏs mĕhcheenĕkw.

⁵⁰ Sāsoos ootĭhal: Machŭha, kwŏŏs pŭmowsoo. Ha ooskedap wĕlamsŭtŭk kŭloosooagŭn tan Sāsoos yŭhat. Ha oomachŭhan.

⁵¹ Net pĕmebŭnĕgwĕsĭt ootasegagoo ooskenoosŭm, ha ootŭleagŭnoodŭmooawŏl, ootĭhawŏl: Kwŏŏs pŭmowsoo.

⁵² Toocheu’ pabĕhcheemat tan toocheu’ oomachĕhwŏŏl‐mŭlsenĕs’. Ootehawŏl: Wŏŏlagoo nĕkwt ăjeehĕ, looegŭnŭkāwā’ paskoodeegŭn, hŭpŭsooaagŭn ĕkwehooht.

⁵³ Netwāje oometakwsŭl ookŭjejetoo’lĭn net temeaoo paskoodeegŭn Sāsoos yŭhatpŭn, Kwŏŏs pŭmowsoo. Ha oolamsŭtŭmŭn nāgŭm, ha neaga ’mseu week ĕlebŭskak.

⁵⁴ Net yoot nesāwā’ kenooŏskoodeegŭn Sāsoos kesĕhtakw, kes kesuchehat Lĕsweesooakĭk, ha pŭkŭchehĕ Goolelĕtk.