Wikhikən 21 - Wĭkheegŭn 1870

¹ Agĭmtĕ yootŭl kĕkwsāăl Sāsoos ăpch lemĕsooĕlŭsoo nootŭkĕhkemajĭhĭ kwĭheu’ Teibeleŭs oosoobākoom. Ha yoot ĕlemĕsooĕlŭsĭt.

² Moweooltooŭk Semoo Peāl, ha Tooma tan lewesoo Tŭkwĕs’, ha Nataneāl Cānāk Goolelĕtk tŭlā, ha Sĕbŭde neesoo ookwŏŏs’, ha neesoo kŭtŭkĭhĭ noodŭkĕhkemajĭhĭ.

³ Semoo Peāl ootĭha: Năjenŭmĕsŏŏk’. Ootĭhawŏl: Ha neloon na wejāoolŭbŭn. Unoomaje‐abase’nea, ha tĕbĕsooltooŭk sloopŭk, ha net pĕmĭtpookak skadama kĕkw nāpatoo’eŭk.

⁴ Kānookŭloo ĕhchĕhkwŏk Sāsoos sĕhkĕh pĕmamkĭkak; kānookŭloo nootŭkĕhkemoojĭk skat ookŭjejehawewŏl Oosāsoosweelĭn.

⁵ Netwāje Sāsoos ootĭha: Wasestŏŏk, ŭkteënea kĕkwsā’ mechasĭk? Ootasedĕmawŏl, Skadama.

⁶ Ootĭha: Lejooŏhpĕhlook aap enakadook sloopŭk, ha k’mŭskŭmŭnea’ch. Netwāje chooŏhpĕlatĭt, ha tŭkāch ootalooetĕbĕh‐lawŏl kĕsĭptŭhoogĕt nŭmĕs.

⁷ Netwāje nŭt noodŭkĕhkemoot tan Sāsoos kĕsĕlmajĭl ootĭhal Peālŭl: Uksakŭmamŭn nŭt. Netwāje Semoo Peāl noo’tŭmat Uksakŭmâmenooŭl, oonasātoon ootŭpskwŭns, eebŭchŭl ĕmĕsŭkāu, ha chooŏpĕlŭsoo soobāāgŏŏk.

⁸ Ha kŭtŭkĭk nootŭkĕhkemoojĭk hŭkwa’heyŭk ŭpŭsoolgwah’mŏŏk, eebŭchŭl skat oopĭhchĕhkatŭmoonea kŭtakŭmĭkw, tamaha’l nesâtkw’ wŏŏskwŏŏnŭk, oopĕje‐sowpĕkhoolawŏl a’peŭl p’sŭnpooŭl nŭmĕsŭk.

⁹ Netwāje kese natŭkeiabaseetĭt oonŭmĭhtoo’nea skwŏŏt loosākŭt’eŭl, ha nŭmĕs tĕsakweu ŭlŭsĭn, ha hŭpân.

¹⁰ Sāsoos ootĭha: Ch’kooĭphook ankwŏŏch nŭmĕsŭk tanĭk tŭkā’ch nāāpŭhāāgwĭk.

¹¹ Semoo Peāl tĕbĕsoo ha ookapŭteiăchkwemal apeeŭl, p’sŭnpooŭl k’chenŭmĕs’, n’koodatkw’ chĕl nanĭnsk chĕl nĭhĭ; ha kĕsĭtpŭn skadama sŭgwŏŏskĕseu’ aap.

¹² Sāsoos ootĭha: Ch’kooabasĭkw, ha spasĭhpooltĭkw. Ha skadama wĕn nĭkt nootŭkĕhkeemoojĭk oopĕjekenapëe’uŭn oopabĕhcheman ootĭhan, Wĕn kel? eebŭchŭl ookŭjejehawŏl Uksakŭmamŭnooeelĭn.

¹³ Sāsoos pŭkŭchehĕ ha wekwĕhlal hŭpanŭl ha oomelân, ha neaga nŭmĕsā’.

¹⁴ Yoot tŭkā’ch noohooāwā’ ĕlemĕsooĕlŭsĭt Sāsoos tanĭhĭ wĕtŭkĕhkemajĭhĭ oohŭkā’wŏk, keseuchenŭmchĕsĭt n’pooa’gŭnŭk, kese abĭjeebĕt.

¹⁵ Netwāje kesepoolteetĭt Sāsoos ootĭhal Semoo Peālŭl: Semoo, Sona ookwŏŏsŭl, ŭkpeĕmĭksĕlme skatŭk yooktŭk? Ootĭhal: Aahŭ, N’sakŭmâm, ŭkŭjejĭhtoon kŭmoosalŭn. Ootĭhal: Sŭmân’ n’tŭseepeesŭmŭk.

¹⁶ Apch ootĭhal nesāwā’: Semoo, Sona ookwŏŏsŭl, kŭsĕlme? Ootĭhal: Aahŭ, N’sakŭmâm, ŭkŭjejĭhtoon kŭmoosalŭn. Ootĭhal: Ankāooan’ n’tŭseepŭmŭk.

¹⁷ Noohooāwā’ otĭhal: Semoo, Sona ookwŏŏsŭl, kŭsĕlme? Peāl oosegĕltŭm eebŭchŭl ootehoogoon noohooāwā’ Kŭsĕlme? ha ootĭhal: N’sakŭm, kŭnŭkachejetoonŭl m’seu’ kĕkwsăl; ŭkŭjejĭhtoon kŭmoosalŭn. Sāsoos ootĭhal: sŭmân’ n’tŭsepeesŭmŭk.

¹⁸ Ulĭhĕ, ŭlĭhĕ, yŭhool’, āwasesweŭn, kŭspĭlseepŭn ha ŭkpŭmehapŭn tan ĕleooledŭha’dŭmŭn. Kānookŭloo k’cheuskĭjenoowehayŭn, ŭksooĭptenĕsŭch, ha kŭtŭk’ch kŭspeelŭkw, ha tŭlĭphŭkwch tan skatŭch wĕledŭhadŭmooŭn.

¹⁹ Ha yoot wĕje‐eetŭkŭpŭn oonŭstŏŏhmŭn tan ĕleegŭk n’pooagŭn Peāl kĕde‐oochĭk‐chetŭm‐etŭhamat Nŭkskamŭl. Ha kese‐eetŭk yoot ootĭhal: Noosookoowĭn!

²⁰ Peāl kwĕlpegăboo‐wĕsĭt oonŭmĭhal neetŭl nootŭkĕhkemoojĭl tanŭl Sāsoos moosalajĭl, oonoosookoowŏl, tanĭl neaga wĕlagwĭhpooltĭmk ĕsĭtkwĕsĭkpŭnĭl oopŭskoonŭk, ha eetŭmoopŭn, N’sakŭmam, tan woot nŭt tan kĕdooe‐kenooĕhlŭsk?

²¹ Peāl nĕmĭhat ootĭhal Sāsoosŭl: N’sakŭmâm, ha kĕkwsāŭch woot ooskedap ŭlookĕ?

²² Sāsoos ootĭhal: Nel ŭlewŏŏledŭhadŭman’ ooteĭn tŭkeu’ pŭkŭche’hayan’, tama koo‐owche‐hoogoon kel? Kel noosookooĭn nel.

²³ Netwāje yoot kŭlooswagŭn wĕje‐machĕsĭsahak wĭjegedooltejĭk oohŭkāwŏk nŭt nootŭkĕhkemoot skatŭp oomĕchenawŭn. Ha Sāsoos skat ootĭha‐we’pŭnĭl skat oomĕchenawŭn; kānookŭloo: Ulewŏŏledŭhadŭman’ ooteeĭn tŭkeu’ pŭkŭche’hayan’, tama’ koo‐owchehoogoon kel?

²⁴ Woot nŭt nootŭkĕhkemoot tan nĕspeuwŏŏlamatŭk yootŭl kĕkwsăl, ha ookeswĭkhŭmŭnĕpŭnĭl yootŭl’ kĕkwsăl, ha n’kŭjejĭhtoonān’ oonŭspeuwŏŏlămāwagŭn ŭlĭhĕ.

²⁵ Ha neaga ŭktanagŭtool kŭtŭkĭl kĕkwsăl tanĭl Sāsoos kesātakwpŭnĭl; ha wĭkhasegŭp’ ā’daseu’, n’tŭledŭhad’ŭmŭn ooskĭtkŭmĭkw chālŭp skat oonŭkanŭmoonŭl wĭkheegŭnŭl tanĭl āwĭkhasegĭlp’. Amen.