Wikhikən 20 - Wĭkheegŭn 1870

¹ Net ŭmskooŏsāwā’ keesook kese atlasmooekĭskâk, Male Mădlān pŭkŭchehĕ pooskŭnĭgŭnalŭgŏŏk wesŭge‐oospasweu’ chĕl māch pĭskŭtpookŭt, ha nŭmĭhtoon pŭnŏpskw wĕjesāma‐tasĭks pooskŭneegŭnalŭgŏŏk.

² Netwāje kwŏskwhoo ha oopŭkŭchehanŭl Semoo‐Peālŭl ha kŭtŭkĭl noodŭkĕhkemoojĭl tanĭl Sāsoos kĕsĕlmajĭl, ha ootĭha: Oochemăjĭphawow Uksakŭmamŭnooŭl pooskŭneegŭnalŭgŏŏk, ha skat n’kŭjejetoonāwĭn tan tĕt poonatĭts.

³ Netwāje Peāl machĕhĕ ha kŭtŭk noodŭhkĕhkemoot, ha pĕtkaootooŭk pooskŭneegŭnalŭgŏŏk.

⁴ Ha tŭkweu’ kwŏskhooŭk, ha kŭtŭk noodŭkĕkemoot oonŭkŭlal Peālŭl, ha tŭmk pŭkŭchehĕ pookŭneegŭnalŭgŏŏk.

⁵ Ha chetooŏmkwĕssĭt ha oonŭmĭhtoonŭl atoolhawĕg’ŭnool ĕlagwāgĭl, kānokŭloo skadama ŭksĕhāwe.

⁶ Toocheu’ Semoo Peāl oopŭkuchehan oonoosootĕhkooŏl ha ŭksĕhĕ pooskŭneegŭnalŭgŏŏk, ha oonŭmĭhtoonŭl atoolhawĕgŭnool ĕlagwāgĭl.

⁷ Ha kasegŭhoosoot’ tan wĭsătpĕbesĭtpŭn, skat wĭtāwe atoolhawĕgŭn ĭkŏŏk, kāncokŭloo kesangŭnasoo ha chpahtĕ.

⁸ Toocheu’ netwāje kŭtŭk noodŭkĕhkemoot neaga ookŭsahan, tan tŭmk pĕgŭchehatpŭn pooskŭneegŭnalŭgŏŏk, ha oonŭmĭhtoon ha oolamsŭt’ŭmŭn.

⁹ Eebŭchŭl mĕskw oonŭstŭmoonea tan ĕlwĭkhasĭk Nŭkskamāwā Wĭkheegŭnŭk, chŏŏ oochenŭmchĕsoo n’pooa’gŭnŭk.

¹⁰ Netwāje nootŭkĕhkemoojĭk apch machĕhkow‐ootooŭk wegoo‐owĭkooŏk.

¹¹ Ha Male skĕh kwĭheu’ pooskŭneegŭnalŭkŏŏk kwŭchŭmeu’, tŭldāmoo. Ha ăptŭdāmĭt cheetooŏmkwĕssĭt ha oopooteapŭtŭmŭn pooskŭneegŭnalŭgŏŏk.

¹² Ha oonŭmĭha neesoo asāle wŏbĕgŭnŭhmook, ĕbelejĭhĭ pĕskw ĕlkwĕsĭnlĭtpŭn, kŭtŭk ĕlsedĕsĭnlĭtpŭn Sāsoos oohŭk ĕtĕkpŭn.

¹³ Ha asāleŭk ootehawŏl: Apet, kĕkwsā’ wĕtā’meŭn? Ootĭha: Eebŭchŭl majĕphawow’ n’sakŭmam, ha skat nkŭjejeha’weŭk tan tĕt poonĕhlatĭts.

¹⁴ Kese eetŭk yoot wĕswĕgaboowĕssoo ha oonŭmĭhal Sāsoosŭl sĕhkĕlejĭl, skatŭloo ookŭj‐jejeha’weŭl Oosāsooswelĭn.

¹⁵ Sāsoos ootĭhal: Apet, kĕkwsā’ wĕtā’meŭn? Male ledŭhasoo noojĭn‐pesoon‐kekanĭhkĕt, ha ootiĭhal: Sakŭm, kel kese‐majĕphŭtsŭpŭn, n’sŭtoomooĭn tan tĕt poonŭt, ha nelŭch n’majĕpha.

¹⁶ Sāsoos ootĭhal: Male! Male kwŏŏlpega‐boowĕsoo ha ootĭhal [Lĕsweeswŏdooāmŭk] Labone! tan eetŭmooĭk, Noodŭkĕhkegāmĭt!

¹⁷ Sāsoos ootĭhal: Moo sak samĕhleekŭch, eebŭchŭl māch mĕskw noonagĭhow N’mĭhtakwsŭk. Kānookŭloo ŭlĭh’ n’sewĕsŭk āooltetĭt ha k’tĭhan, noonagĭh nel N’mĭhtakwsŭk’ ha kelooow’ K’mĭtakwsooŏk, ha nel Nŭkskamk, ha kelooow’ Kŭnŭkskamooŏk’.

¹⁸ Male Mădlān pŭkŭchehĕ ha pĕjĭptooŏn kŭlooswagŭn noodŭkĕhkemoojĭk net nāgŭm ookesenŭmĭhal Uksakŭmamŭnooŭl, ha yootŭl kĕkwsāăl ookese‐yŭhŏŏchŭl.

¹⁹ Netwāje net keesook wĕlagweewĭk amskooŏsāwā keesook, kese atlase‐mooekĭskak, ha khagŭnŭl k’pahasooŭl ĕtle‐mowe‐hatĭt nootŭhkĕhkemoojĭk eebŭchŭl oonŭgalawŏ Lĕswees, Sāsoos pŭkŭchehĕ ha ābaseu sĕhkĕh, ha ootĭha: Wŏntŭkāooagŭn ëĭch ŭkhŭkāwŏk.

²⁰ Ha keseyŭhat neetŭl kŭlooswa’gŭnŭl oomĕswātooanŭl oopetenŭl ha ĕpmĕlwŏt. Toocheu’ noodŭkĕhkemoojĭk wŏŏledŭhasooltooŭk nĕmehatĭt Uksakŭmamenooŭl.

²¹ Netwāje apch Sāsoos ootĭha: Wŏntŭkāooagŭn ëĭch ŭkhŭkāwŏk. Tan ĕle‐ŭlgemĭtpŭn N’mĭhtakws nel ĕleŭlgĭmlĕkw kelooow’.

²² Kese eetŭk neetŭl oonĕssāmootooŏh, ootĭha: Kŭmŭsŭnawŏ Wĕjeoolenewĕskwĭt.

²³ Tanĭk wĕnĭk ootŭlkŭmĭksooagŭnooŏl ’nhĕltŭmooĕkw, n’hĕltŭmooanŭl: ha tanĭk wĕnĭk ootŭlkŭmĭk‐sooagŭnooŏl skat n’hĕltŭmooākw, skat n’hĕltaseweŭl.

²⁴ Kānookŭloo Tooma tan elewehoot neaga Tŭkwĕs, skat wejāoo‐owĭbŭnĭhĭ tan toocheu’ Sāsoos pĕg’ŭchehat’.

²⁵ Netwāje kŭtŭkĭk nootŭkĕhkemoojĭk ootĭhawŏl: Uksakŭmamŭn kese nŭmehanoo. Kānookŭloo Tooma ootĭha: Skat nŭmĭhtooawŏn’ oopeteenŭk chĭlmeegĭl chĭsŭkheegŭnŭl, ha skat pejĕh’tooŏn (n’tŭlooĭgŭnĭlch) n’pŭskĕlchawŭn chĭlmeegĭl chĭsŭkheegŭnŭl, ha skat poonĕh’tooŏn’ n’peten ĕpmĕlwŏt, skatŭch noolâmsŭtŭmooŭn.

²⁶ Ha kese oogŭmoolchĭn kĕsoogŭnŭkâk noodŭkĕhkemoojĭk apch mowĭh’eyŭk lămĭgwâm’, ha Tooma wejāooŏ, ha Sāsoos pŭkŭchehĕ kha’gŭnŭl k’pahasooŭl, ha ābaseu’ sĕhkĕh, ha eetŭm: Wŏntŭkāooagŭn ëĭch ŭkhŭkāwŏk.

²⁷ Agĭmtĕ ootĭhal Toomahŭl: Chkooĕht ŭkpŭskĕlchowŭn ha sagĭhtooĭn n’petenŭl, ha ch’kooĭnskĕs’ ha poonĕh’t ĕpmĕlwei’: ha moo sak kŭlootŭmookŭch, kănookŭloo woolămsŭtŭmoon’.

²⁸ Tooma asedāmat, ootĭhal: N’sakŭmâm, ha Nŭkskamŭm.

²⁹ Sāsoos ootĭhal: Tooma, eebŭchul kesenŭmĭhĭ kesewŏŏlămsŭtŭmŭn: wŏŏlāooltooŭk tanĭk skat nĕmetootĭkw, ha kese wŏŏlămsŭtŭmŭn’ea.

³⁰ Ha ŭktanagŭtool kŭtŭkĭl kenooŏskoodeegŭnŭl Sāsoos kesātakwpŭnĭl ĕlkwābehalĭt ĕgĕhkematpŭnĭhĭ, tanĭl skat āwĭkhaseenookĭl yoot wĭkheegŭnŭk.

³¹ Kānookŭloo yootŭl wĕjewĭkhaseegĭl wĕlamân kelooow’ koolămsŭtŭmŭnea’p Sāsoos Oonewĕskooĭn, Nŭkskam Ookwŏŏsŭl; ha wĕlamân kteëneap askŭmowsooagŭn ĕleoolămsŭtŭmĕkw.