Wikhikən 2 - Wĭkheegŭn 1870

¹ Ha noohooāwā’ keesook nebooöwagŭn egĕhāpŭn Cānāk, Goolelĕtk, ha Sāsoos wegooŭsŭl net eoobŭnĭl.

² Ha neaga Sāsoos ha neaga tanĭk wĕdŭkĕhkemootpŭnĭk oohŭkĕk wekwemabŭnĭk nebooöwa’gŭnŭk.

³ Ha tan mĕchehak mĕkwabak Sāsoos wegooŭsŭl ootehapŭnĭl Sāsoosŭl: Skadama oomĕkwabakŭme’weyŭk.

⁴ Sāsoos ootĭhal: Apĭt’ wowchehool? n’tĕbŭnaskooe‐hagŭm mĕskw egŭhāoo.

⁵ Wegooŭsŭl ootĭha lookā’wenoo: Tan Sāsoos yŭhoolakw, net ŭlookhŭtĭkw.

⁶ Net ŭpooltooŭk net kamachĭn samagwŏnāyak pŭnŏpskwāŭk katkookŭk, Lĕsweesŭk etŭlewŏkŭmālŭtĭmkāwāamooŏ ĭkŏŏk; lebŭskasooltooŭk hal nesĭnsk galonŭk.

⁷ Sāsoos ootĭha: P’sŭnpĕhlook samagwŏnāyak katkookŭk samagwŏn. Ha oopŭsŭnŭpĕhlawŏ, ha tĕtpŭpĕhlawŏ.

⁸ Ha ootĭha: Oochesoogatook tŭkā’ch ha lapelŭmoowŏŏk’ ĕtlesakŭmowĭt wĭkŭpaltemŭk. Neaga ootŭlăpelŭmooŏn’ea.

⁹ Tan toocheu ĕtlesakŭmowĭt wĭkŭpaltemŭk kese kwĕtŭk samagwŏn, tan mĕkwapakĕhtasĭk, ha skat ookŭjejetooŭn tama’ tŭlā’, kānookŭloo lookāwenooŭk tanĭk soogatagwĭk samagwŏn ookŭjejetoo’nea, ĕtlesakŭmowĭt wĭkŭpaltemŭk wĭhkwemal moosemăleāool,

¹⁰ Ha ootĭhal: ’Mseu wĕn tŭmk poonĕhtakw mĕkwabak kĕlooŏk, ha ookese‐mŭkĕsŭmooltetĭt, toocheu tan skat ĕdooche‐kŭlooŭtoonook. Kānookŭloo kel kese ’nkĕhtoon kĕlooŏk mĕkwabak malŭmŭtā tŭkāch’.

¹¹ Net yoot tŭmkāwā kenooŏskoodeegŭn Sāsoos kesetakwpŭn Cānāk, Goolelĕtk, ha oomĕsooādoonāpŭn ookechetŭmetŭhadŭmooagŭn, ha tanĭk wĕtŭkĕhkemootpŭnĭk oohŭkĕk ootŭle‐wŏŏlămsŭtŭm‐ooteneapŭn oohŭkĕk.

¹² Net agĭmtĕ Sāsoos lebŭnĕhgwĕsoopŭn Cāpŭlneŭmk’, nāgŭm ha wegoo’ŭsŭl, ha wĭjegemajĭhĭ ooskedape, ha neaga tanĭk wĕtŭhkĕhkemoojĭk oohŭkĕk, ha yoot tĕt skat oosĭpkeyool‐teuneaweepŭn.

¹³ Net kāga Lĕsweesŭk oonankŭmĭhakāwāa’mooŏ, ha Sāsoos ŭtkwakwĕhĕ Sāloosălĕmk’.

¹⁴ Ha ootŭtlĭmskooŏh K’chehemeāwĭgwamŭk nĭkt tanĭk ĕtlankoohŭtelejĭhĭ koo‐oosoo, ha ŭseep, ha plĕs, ha noocheĕswŏŏngĭk man ŭpooltŏŏ.

¹⁵ Ha ooche‐kesĕhtoon ebĕs’ ababŭsees’ ĭkŏŏk, ’mseu oochenoodĕpow’oola K’chehemeāwĭgwamŭk, ha koo‐oosoo, ha ŭseep, ha oosoogeiakan nooje‐ĕswŏŏngĭk oomanĭm’ooŏh, ha ookŭtkwādooanŭl ootatooe’‐pooteewŏl.

¹⁶ Ha ootĭha tanĭhĭ ankooĕkhatejĭhĭ plĕs: Sĕmatŏŏk netŭl: Moo sak malsanĭgwŏmādooakĕkw N’mĭhtakws week.

¹⁷ Ha tanĭk wĕtŭkĕhkemoojĭk oohŭkĕk oomĭkwetŭhadŭmŭnea ootŭlwĭkhasĭn: Ookŭsĕlmŭkwsoot kel kegŭk tŭlā’, nŭhkahlŭkoon.

¹⁸ Netwāje Lĕsweesŭk asedĕmatĭt Sāsoosŭl, ootĭhawŏl: Kĕkwsā’ kenooŏskoodeegŭn mĕsooĕhtooeĕk koojelĕhtoon netŭl?

¹⁹ Sāsoos asedāmat, ootĭha: N’kekaskwŏŏskātŏŏk yoot K’chehemeāwĭgwŏm, ha n’soogŭnŭk’ n’kesetoonch’.

²⁰ Netwāje Lĕsweesŭk eetŭmootĭt: Nāooĭnsk kĕseegŭtŭn chĕl kamachĭn kwŭnetasoopŭn yoot k’chehemeāwĭgwŏm, ha kelŭch’ kesetoon’ch n’soo’gŭnŭk?

²¹ Kānookŭloo Sāsoos wĕskoo’ootŭk oohŭk ookechehemeāwĭgwŏmĭn.

²² Netwāje keseabĭjebĕt’, tanĭk wĕtŭkĕhkemoojĭk oohŭkĕk omĭkwedŭhadŭmŭlĭn nāgŭm ookese‐yoohoogoon‐ea’bŭnĭl yootŭl. Ha oolămsŭtŭmŭn’ea tan ĕlwikhasĭk [K’che-wĭkheegŭnŭk,] ha neaga kŭlooswagŭn tan Sāsoos kese‐yŭhatpŭn.

²³ Na tan toocheu Sāsoos āĭt Sāloosălĕmk wĭkhŭpaltemŭk nankŭmĭhakāwā, wĭkhŭpaltooekeesookŭk, ŭktanowksooŭk wĕlamsŭtŭmootĭt wesooŭnŭk, tan toocheu nĕmetooteejĭl kenooŏskoodeegŭnŭl tanŭl keselĕhtakājĭl.

²⁴ Kānookŭloo Sāsoos skat ootŭle‐oolamsŭt‐ooawŭn oohŭkāwŏk; eebŭchŭl ’mseu wĕnĭhĭ ookŭjejeha;

²⁵ Ha skat ootŭmetŭhamoweŭl wĕnĭl oonŭspeuwoolamāwŏn ooskĭjenooŭl; eebŭchŭl oonŭkanŭnŭm’ŭnŭl tanĭl kĕkwsăl āekĭl pŭmowsooenooŭk.