Wikhikən 18 - Wĭkheegŭn 1870

¹ Tanĕk Sāsoos kese‐eetŭkŭpŭn yootŭl kŭlooswa’gŭnŭl ŭlehāāpŭn maweu’ tanĭhĭ ĕgĕhkemajĭhĭ ŭkamŭk sebooses Kĕdlŭnk, tan tĕt āĭkpŭn ’npesoonkekân, tan nāgŭm kĕsŭhhâtpŭn ha neaga tanĭhĭ ĕgĕhkemajĭhĭ.

² Ha Sooda tan ĕhke’nooĕhlatpŭn ookŭjejetoonāpŭn yoot kŭtakŭmĭkwses, eebŭchŭl Sāsoos mĕskeu’ ootŭlehanāāpŭn ha maweu’ tanĭk wĕtŭkĕhkemoojĭk oohŭkĕk.

³ Netwāje Sooda kese wekwĕhla oomawŏŏhkân ooskedape ha neaga Pălooseŭk ha k’chepatŭleasŭk ooskenoosŭmooŏ, pĕdabasoo’bŭnĭk net tĕt pĕdasĕnŭmatoo’bŭnĭk ha pŭsakwhĕnmagŭnoohooltoo’bŭnĭk, ha n’sakoosooŭnhooltoo’bŭnĭk.

⁴ Netwāje Sāsoos ookŭjejetoonāāpŭnĭl m’seu kĕkwsăl tanĭl kĕdeegŭhagĭl oohŭkĕk, ha ootŭle‐hanābŭnĭhĭ ootehabŭnĭhĭ: Wĕn kwelooĕhĕkw?

⁵ Ootasedāmawa’bŭnĭl: Sāsoos Nasālĕtkāoo. Sāsoos ootĭha: Nel nŭt nāgŭm: Ha neaga Sooda tan ĕkenooĕhlatpŭn oomowegaboo‐ĭnĕbŭnĭhĭ.

⁶ Netwāje kese yŭhâtpŭn, Nel nŭt nāgŭm sĕteiabasoo’bŭnĭk ha m’sakŭna‐tĕsool‐too’bŭnĭk, k’takŭmeegook.

⁷ Netwāje apch oopabĕh‐chemabŭnĭhĭ: Wĕn kwelooĕhĕkw? Ha etŭmootoo’bŭnĭk: Sāsoos Nasālĕtkāoo.

⁸ Sāsoos asedamat: K’tehooloobapŭn nel nŭt nāgŭm: netwāje kwelooŏhyākw kesĕltŭmwŏŏk nektŭk oomăjeabase’nea.

⁹ Welamân kŭlooswagŭn ŭlĭhĕ tan eetŭmŭnpŭn’ Nĭktŭk tanĭk meleŭnpŭnĭk skatama wĕn n’kŭskahlaoo.

¹⁰ Net Semoo Peāl tŭmookĕhtŭheegŭn ooteĭn ha oonâlkwakātoon, ha ootŭkŭmal ’kchepatŭl’eas ooskenoo’sŭmŭl ha oomŭntĕhmooŏn enakatooā oochâlgŭs. Yootŭl ooskenoo’sŭmŭl lewe’sooŭl Malkŭs.

¹¹ Netwāje Sāsoos ootĭhal Peālŭl: Pesĕht apch petŭlow’ŭnŭk ŭktŭmkwĕhtŭheegŭn: tooŭsmoo’teŭl tanĭl N’mĭhtakws melĭtpŭnĭl, skatŭcha’l nŭkahlow’?

¹² Toocheu’ noopāusāwĭn ha neaga kĕpteenŭk ha ootăpŭsĕsŭmooŏ Lĕsweesŭk ootakoonawŏl Sāsoosŭl, ha ookŭlpelawŏl.

¹³ Ha tŭmk oopĕje‐kŭlatŭkŭnawŏl Anŭsk eebŭchŭl Anŭs Keieep oosĭlhoosŭl, ha Keieep tŭlĭkche‐patŭleasŭweu’ net peme’gŭtŭk.

¹⁴ Ha Keieep nŭt nāgŭm tan yŭhatpŭn Lĕswees mowăgŭnootŭmatĭt ooche‐kanewĭnp’ pĕskw ooskedap oochemĕchenĕn ooche pŭmowsooenoo.

¹⁵ Ha Semoo Peāl ha neaga kŭtŭk nootŭkĕhkemoot, oonoosookooawŏl Sāsoosŭl. Nŭt nootŭkĕhkemoot oochĭkchĭjekwŏŏsoo k’chepatŭleasooĭkŏŏk, ha ŭkŭsāwĭjāwŏl Sāsoosŭl k’chepatŭleas weekŭk.

¹⁶ Kānookŭloo Peāl skĕh khagŭnŭk kwŏŏchŭmeu’. Netwāje net nootŭkĕhkemoot tan oochĭk‐chĭjekwŏŏsoo k’chepatŭleasooĭkŏŏk nootĕhĕ ha ookŭloolâl pĭlskwĕseesŭl noojĭskhagŭnĕleejĭl, ha ookŭsāgeemâl Peālŭl.

¹⁷ Toocheu’ pĭlskwĕses noojĭskhagŭnĕt ootĭhal Peālŭl: Skatea’kel pĕskw tanĭk nootŭkĕhkemajĭhĭ woot ooskedap? Eetŭm: Nel skat.

¹⁸ Ha nootlookhŭteejĭk ha neaga ŏpŭsāāsŭk net tet skŭltooŭk; kesŭtootooŭsoowŏŏk mŭgŭseŭl, eebŭchŭl ŭtkāoo, ha tŭle‐oosooltooŭk, ha Peāl oomowegabooĭn’ ha tŭloo‐oosoo.

¹⁹ Netwāje k’chepatŭleas pabĕhchemâl Sāsoosŭl ooche ĕkĕhkemajĭhĭ ha neaga ooche ootŭkĕhketooagŭn.

²⁰ Sāsoos ootasedāmâl: N’mĕsooe‐ooskoooodŭmŭnāpŭn ooskĭt’kŭmĭkw; mājemeu’ n’tŭtlŭkĕhkegĕmeepŭn hemeāwĭgwamŭk, ha neaga k’chehemeāwĭgwamŭk, tan tet ’mseu Lesweesŭk ĕtlemowehatĭt. Ha mĕskw kĕkw kegemeu’ n’teetŭmookoopŭn.

²¹ Kĕkwsā’ nel wĕjepabĕhche’meŭn? pabĕhchemân’ nĭkt noodooĭtpŭnĭk. Sagĭht, nā’gŭmow ookŭjejetoo’nea tan yŏŏhookpŭn.

²² Yoot keseheetŭk, pĕskw noojĭtkwŏŏnkĕt tan kwĭheu’ sĕhkĕt, oosŭkskātooŏl Sāsoosŭl ooseeskŏŏk, ootĭhal: Net tĕleasedāmŭt k’chepatŭleas?

²³ Sāsoos ootasedāmâl: Wŏbŭlāwĕstooŏnsŭpŭn oochĭnspeuwŏŏlăm’ āwŏbŭlĭhâk; kānookŭloo woolāwĕstooŏnsŭpŭn, kĕkw wāje tŭkŭmeŭn?

²⁴ Anŭs ootŭlĭpchetakânŭl kŭlpe’sooŭl Keie’pk.

²⁵ Ha Semoo Peāl skĕh ha oo‐oosoo. Netwāje ootehawŏl: Skat ëa kel pĕskw nāgŭm nootŭkĕhkemajĭhĭ? Nāgŭm eegŭnāwĕ, ha eetŭm: Nel skat.

²⁶ Pĕskooŭk nĭkt k’chepatŭl’eas ooskenoosŭm, ootŭlnăbāmŭl nāgŭm tan oochalgŭs Peāl mĕntĕhmooŏtpŭn, ootĭhal: Skat ktŭtlenŭme‐hoo’loopŭs kel n’pesoon‐kekanŭk neseu’ nāgŭm?

²⁷ Apch netwāje Peāl eegŭnāwĕ, ha woolëutĕ nabaha [ahām] mŭtĕhtaksoo.

²⁸ Toocheu ooche‐majĕp‐ha’nea Sāsoosŭl Keiepk, ha ootŭlĭphawŏl k’chesakŭmweegŭk. Ha oospasake’u: ha nāgŭmow skat ŭkseabase’weŭk k’chesakŭmowĭgwamŭk, wĕlamân skat ootoogwŏgwĕh‐tasool‐teunea; kānookŭloo wĕlamân ookesemeje’nea nânkŭmehagāwā’ wĭkhŭpaltemŭk.

²⁹ Peloot netwāje ŭlenoodŭhat āoolteelĭt ha eetŭm: Kĕkwsā’ m’setooagŭn pĕjĭptooĕkw woot ooskedap?

³⁰ Asetĕgŭl‐oosool‐tooŭk ha ootehawŏl: Skat wŏbŭlookāwenooweekoosŭbŭn’, skatŭp ŭkmeloonāwĭn kel.

³¹ Peloot netwāje ootĭha: Kelooow’ wekwĕhlook ha t’ploomook, lĭtploomook tan ĕlkŭm’awĭk ŭkbootoosooagŭnoowŏ. Netwāje Lĕsweesŭk ootehawŏl: Neloon skat n’kesĕltŭmagāoon’āwĭn’ n’nāpahanĕn’ wĕn.

³² Wĕlamân Sāsoos ookŭlooswagŭn ŭlĭhĕ tan eetŭkŭpŭn tanŭp ŭleegŭn n’pooagŭn napoohooht.

³³ Peloot netwāje apch ŭksahat k’chesakŭmow‐ĭgwamŭk’ ha nooĭhkweman Sāsoosŭl, ha ootĭhal: Kel net Lĕsweesŭk ookĭnchāmŭsmoowŏl?

³⁴ Sāsoos asedāmât: Koojewĭh’tŭmun tā yoot kel ŭkhŭkĕk? kŭsŭna kŭtŭkĭk k’tehoo’goon ooche nel?

³⁵ Peloot asedāmat: Nel ea’ Lŭswees? kel nĕktŏŏkŭmĭkseeĕkw ha neaga k’chepadŭleasŭk n’mĭlkānāāpŭnĭl kel. Kĕkw keseŭlookĕps’?

³⁶ Sāsoos asedāmat: Nel n’kĭnchāmŭswakĭm skat yoot ooskĭtkŭmĭkw tŭlāaweu’. N’kinchāmŭswakĭm tŭlāawĭk yoot ooskĭtkŭmĭkw, nooskenoo’sŭmŭk ooche‐megakhŭtenea’p nel skat n’poonĕhlŭgāwŭn Lĕsweesŭk oopetenoo‐ow‐ĭkooŏk Kānookŭloo tŭkā’ch n’kĭnchāmŭswakĭm skat tŭlāaweu’ tĕt.

³⁷ Peloot netwāje ootĭhal: Kĭnchamŭsoo ea’ kel? Sāsoos asedāmat: Kel kese‐eetŭmŭn, eebŭchŭl n’kĭnchāmŭsoo. Ooche yootŭl wĕjenŭmeekwŏŏseanpŭn, ha ooche yootŭl wĕjepŭkŭche‐ayânpŭn ooskĭt’kŭmĭkw, nŭspeuwŏŏlâmădŭmŭn oolămāwagŭn. M’seu wĕn tan ĕtlāowĭt oolămāwa’gŭnŭk, jĭksŭt’ŭmŭn ĕl’āwĕstoo.

³⁸ Peloot ootĭhal: Kĕkwsā’ ea’ oolămāwagŭn? Ha kese eetŭk yoot apch ootŭle‐noodŭha’n Lĕswees āooltelĭt, ha ootĭha: Skadama n’mŭskŭmooawŭn āwŏbŭlāta’kw oohŭk.

³⁹ Kānookŭloo k’tŭlmahtooba n’poonĕhlan ooche kelooow’ pĕskw nânkŭmehagāwā’ wĭkhŭpaltemŭk. Koole‐dŭhadŭmŭn’ca netwāje nel n’poonĕhlăn ooche kelooow’ Lĕsweesŭk ookĭnchāmŭs‐ŭmooŏl?

⁴⁰ M’seu’ netwāje apch kĭntakwsooltooŭk, etŭmootooŭk: Skat woot, kānookŭloo Balaba’s. Net Balaba’s kŭmootŭnĕsks.