Wikhikən 17 - Wĭkheegŭn 1870

¹ Yootŭl kŭlooswa’gŭnŭl Sāsoos etŭkŭb’ŭnĭl, ha spŭmŭk spŭmkeek ŭlaboopŭn, ha etŭmoopŭn: Me’takwe’ tĕbŭnaskooĭhak egĕhĕ k’chetŭmetŭhamâ’n kwŏŏs, wĕlamân kwŏŏs kechetŭmetŭhamŭkw kel.

² Stŭkā’ kel ĕlemĭltŭpŭn ootŭpĕltŭmŭn m’seu m’hŭk, wĕlamân oomeelân askŭmowsooagŭn m’seu tanĭhĭ mĭltŭbŭnĭhĭ.

³ Ha yoot net askŭmowsooagŭn, ŭknŭnagoon kel tĕpŏŏkt wĕlâmāwe‐Nŭkskam‐weŭn, ha neaga ookŭjejeha’nea Sāsoos‐Newĕskool tan pĕtŭkĭmtŭpŭn.

⁴ Nel kechetŭmetŭham‐ŭloopŭn k’takŭmeegook: n’kesātoon lookāwagŭn tan meleŭnpŭn n’tŭlooka’dŭmŭn.

⁵ Ha tŭkā’ch, Me’takwe’, oochĭkchetŭmetŭhamen kel ŭkhŭkĕk net k’chetŭmetŭhamkoosooa’gŭn ĭkŏŏk tan neseëyŭkwpŭn mĕskw kĕhtakŭmĭgwenook.

⁶ N’takĭnoowātooŏnāpŭn koocesooŭn nĭktŭk pŭmowsooenooŭk tanĭk wĕje‐meleŭnpŭnĭk ooskĭt’kŭmĭkw. Kel nĕhkĕtkŭk, ha kel k’melenŭk, ha oosaktŭm‐ŭneapŭn ŭkŭlooswagŭn.

⁷ Tŭkā’ch ookŭjejetoo’nea m’seu kĕkwsăl tanĭl kese meleŭnpŭnĭl oochehĕ ŭkhŭkĕk.

⁸ Eebŭchŭl kŭlcosooa’ gŭnŭl tanĭl meleŭnpŭnĭl, n’melanā’pŭnĭl, ha oomŭsŭnŭmŭneäbŭnĭl, ha ookŭjejetoonea oolamāwagŭn ĭkŏŏk noojĭhan kel ŭkhŭkĕk, ha oolămsŭtŭmooteneapŭn k’pĕtŭkemeepŭn.

⁹ N’pabatŭmooāwŏk. Skat n’pabatŭmooāootŭmooŭn ooskĭtkŭmĭkw; kānookŭloo n’pabatŭmooāwŏk tanĭk meleŭnpŭnĭk, eebŭchŭl kel nĭkt.

¹⁰ Ha m’seu kekwsăl tanĭl nel, kel na neetŭl; ha tanĭl kel, na neetŭl: ha nel wĕjĭkchetŭm‐metŭhâmkoose neetŭl.

¹¹ Ha nel skat agwŏmk n’tŭlmëeu ooskĭtkŭmĭkw; ha yooktŭk ëooltooŭk ooskĭt’kŭmĭkw, ha nel n’pŭkŭche āëŭn. Nŭkskamwe‐Me’takwe’, ankāooŏn yooktŭk kooesoo’ŭnŭk tanĭk meleŭnpŭnĭk, wĕlamân lepĕskoowewŭkch, stŭkā’ keloon ĕlepĕsoo’wëŭkw.

¹² Tan kwĕne‐wejehāmook, n’tŭtŭlankāooabŭnĭk kooesooŭnŭk. Tanĭk yŏŏkt meleŭnpŭnĭk n’tankāooa’bŭnĭk’ ha skatama wĕn skwŏŏskā’daseu’, tĕpŏŏkt skwŏŏskĕhlŭtooagŭn ookwŏŏsŭl, wĕlaman tan Nŭkskamāwā’ Wĭkheegŭn eetŭk n’kekakesātasoo.

¹³ Ha tŭkā’ch n’pŭkŭche tan āeŭn, ha yootŭl kĕkwsăl ĕtleëtŭmanĭl ooskĭt’kŭmĭkw, wĕlaman ooteë’nea nel nooledŭhaswagŭn n’kekapsŭnātasoo oohŭkāwŏk.

¹⁴ Melanāpŭn ŭkŭlooswagŭn, ha ooskĭt’kŭmĭkw ootakwedŭhamabŭnĭhĭ, eebŭchŭl skat tŭlāowoolte’weŭk ooskĭt’kŭmĭkw, stŭkā’ nel skat ĕle‐tŭlāyaweu’ ooskĭt’kŭmĭkw.

¹⁵ Skat wekoodŭmoolooŭn kooje‐wekw, wĕhlan ooskĭtkŭmĭkw; kānookŭloo koojeankāooanp mŭdooāooa’gŭnŭk.

¹⁶ Skat tŭlāowoolte’weŭk ooskĭt’kŭmĭk stŭkā’ nel skat ĕletŭlāyaweu’ ooskĭt’kŭmĭkw.

¹⁷ Ooche‐nŭkskâmāwāuĕhlân nāgŭmow koolâmāwa’gŭnŭm ĭkŏŏk; ŭkŭlooswagŭn oolâmāwagŭn net.

¹⁸ Stŭkā’ kel ĕleŭlgemeŭnpŭn ooskĭtkŭmĭkw nel, netna nāgŭmow’ ĕlehŭlgeemŏŏk ooskĭtkŭmĭkw.

¹⁹ Ha ooche nāgŭmow nŭkskamāwĕhlŭs, wĕlamân nāgŭmow ooche‐nŭkskamāwā‐tasoolte’nea oolâmāwagŭn ĭkŏŏk.

²⁰ Ha skat tĕpŏŏkt yookt n’pabatŭmooāwow’eŭk, kānookŭloo neaga ooche ’mseu tanĭk ooche‐oolâmsŭtŭmŭn’ea n’hŭkĕk ookŭlooswa’gŭnŭmooĭkooŏk.

²¹ Wĕlamân m’seu nā’gŭmow oopĕskooe’nea, stŭkā’ kel, Me’towkwe’, ĕleheeyŭn n’hŭkĕk, ha nel ŭkhŭkĕk n’tĭh, nā’gŭmow eooltooŭk’p ŭkhŭkāānook. Wĕlaman ooskĭtkŭmĭkw oolâmsŭt’ŭmŭn kel ŭkpĕtŭkemeepŭn.

²² Ha kechetŭmetŭhamkoosooagŭn tan meleŭnpŭn, nel ’nkesemelân, wĕlamân oopĕskooe’nea stŭkā’ keloon ĕlepĕskoo’eŭkw.

²³ Nel n’tĭh oohŭkāwŏk, ha kel ŭktĭh n’hŭkĕk, wĕlamân nāgŭmow ookekawŏŏlepĕskooĕhlan, wĕlamân ooskĭt’kŭmĭkw ookŭjejetoon’ch kel ŭkpĕtŭkemeepŭn, ha ŭktŭlemoosalân nāgŭmow’ stŭkā’ nel ĕlemoosa’leŭn.

²⁴ Me’takwe’, n’pawa’tŭmŭn tanĭk meleŭnpŭnĭk n’wejāagoon tan āe; wĕlaman otŭsagĭhtoo’nea n’kechetŭmetŭham‐koosooagŭn tan meleŭnpŭn; eebuchŭl kŭsĕlmeepŭn mĕskw ooskĭt’kŭmĭkw kesetasĭnook’.

²⁵ Uksŭsāuë‐me’takwe’, ooskĭt’kŭmĭkw skat k’nŭnagooŭnāweepŭn, kānookŭloo nel k’nŭnooloopŭn, ha yookt ookŭjejetooneapŭn kel pĕtŭkemeepŭn.

²⁶ Ha n’takenooātooŏnāpŭn kooesooŭn, ha n’takenooātoo’nch, wĕlamân ŭksĕlmŭkwsooagŭn tan wĕjĭksĕlmeeyŭnpŭn eoop’ oohŭkāwŏk, ha nel n’teŭp oohŭkāwŏk.