Wikhikən 16 - Wĭkheegŭn 1870

¹ Net wĕjeyŏŏhoolĕkw yootŭl kĕkwsāăl wĕlaman skat kŭnăbĭskwŏhmateepa.

² Kooche‐noodĕh‐lŭkoowŏk’ch emehāwĭgwamŭk. Choodĕhchŭloo tĕbŭnaskooĭhak’ egĕhĕch’ tan toocheu’ tan wĕn napŭhoo’lakch ledŭhasoo’ch ootŭlookāwŏn Nŭkskamŭl.

³ Ha netŭl kĕkwsăl tŭlĕhlŭkooneălch eebŭchŭl skat ookŭjejehawewŏl N’mĭhtakwsŭl, kŭsŭna nel.

⁴ Kānookŭloo wĕjeyŏŏhoolĕkwpŭn yootŭl kĕkwsăl wĕlaman tan toocheu tĕbŭnaskooĭhak egĕhĕch’, mĭkwedŭhadŭmŭnea’ch kese yŏŏhoolneas’. Kānookŭloo yootŭl kĕkwsăl skat yŏŏhoolooĕkkoobŭnĭl wĕjātagāmŭk ŭmskooŏs’ ma’chahak, eebŭchŭl koowej‐āyooloopapŭn.

⁵ Ha tŭkā’ch n’tŭlĭh’ Tan āĭt tan pĕtŭkĭmĭtpŭn, ha skat wĕn kelooow’ n’tŭlepabĕh’chĭmkoo’, Tama’ k’tŭlĭh?

⁶ Kānookŭloo eebŭchŭl yŏŏhoolĕkwpŭn yootŭl kĕkwsăl, wŏŏnmăje‐dŭhasooagŭn psŭnĕsooŭl k’mŭshoonooŏl’.

⁷ Kānookŭloo oolămāwagŭn yŏŏhoolĕkw, koochekaneāwoolte’nea ĕlemachŭhae. Eebŭchŭl skat machŭhawa’n Noojewŏŏĕhlooĕt skatŭch pŭkŭchehāoo: kānookŭloo machŭhayan’ n’pĕtŭkĭmach’ āoolteĕkw.

⁸ Ha tan toocheu pŭkŭcheha’t, ookŭlhŭma’nch ooskĭtkŭmĭkw ooche lakŭmĭksooagŭn, ha neaga ooche këakwehāwagŭn, ha neaga ooche ŭtploodŭmooagŭn.

⁹ Ooche lakŭmĭksooagŭn, eebŭchŭl skat oolămsŭtŭmoonea n’hŭkĕk:

¹⁰ Ooche këakwehāwa’gŭn, eebŭchŭl N’mĭhtakwsŭk n’tŭlĭh’ ha kelooow’ skatŭch k’nŭmeheepa agwŏmk.

¹¹ Ooche ŭtploodŭmooagŭn, eebŭchŭ ooskĭtkŭmĭkw ookĭnchāmŭs’ŭmŭl kesĭtplooda’sooŭl.

¹² Uktana’gwŏŏtool kĕkwsăl māch āëanĭl yŏŏhoolāgwĭl; kānookŭloo skat kese‐pŭmĭptoonëal tŭkāch’.

¹³ Kānookŭloo tan toocheu Wŏŏlamāwagŭnā’ M’chŭchâkw pŭkŭcheha’t, k’nĭkanowtekāookoowŏch’ ’mseu’ wŏŏlămāwagŭn ĭkŏŏk. Eebŭchŭl skatŭch ooche‐kŭloo’seu oohŭkĕk, kānookŭloo tan kĕkw noo’tŭk ootăgŭnoodŭmŭn’ch, ha k’mooskĕhtagoonea’leh tanĭl kādeëgŭhagĭl.

¹⁴ Nāgŭmŭch’ n’kechetŭmetŭhammŭk’wch; eebŭchŭl wekwātoon’ch nel n’mŭchĕsoom ha k’mĕssooĕhtagoonea’ch kelooow’.

¹⁵ M’seu kĕkwsăl tanĭl N’mĭhtakws āejĭl, nel netŭl n’mŭchĕsoo’mŭl. Netwāje yŏŏhoolĕkwpŭn wĕkwātoonch nel n’mŭchĕsoom ha k’mĕsooĕh‐tagoonea’ch kelooow’.

¹⁶ Makeāwoos ha skatŭch k’nŭmeheepa, ha apch makeāwoos ha k’nŭmehepach’.

¹⁷ Netwāje ankwŏŏch tanĭhĭ ĕgĕhkemajĭhĭ yŏŏhoodooltoo’: Kĕkwsāea’ yoot yŭhoolŭkw? makweāwoos ha skatŭch k’nŭmeheepa, ha apch makeāwoos ha k’nŭmehepach’? ha, Eebŭchŭl n’tŭlĭh’ N’mĭhtakwsŭk?

¹⁸ Netwāje yŏŏhootooltooŭk: Kĕkwsā’ ea’ yoot tan wĕskoooo’tŭk? Makeāwoos? skat k’chejetoonāwĭn tan eetŭk.

¹⁹ Sāsoos ookŭjĕjĭhtoon ookŭtepabĕhjĭmkoon; ha ootĭha: Kooje‐pabĕh‐chedool‐te’nea eebŭchŭl n’tetŭmoopŭn, Makeāwoos ha skatŭch k’nŭmeheepa, ha apch makeāwoos ha k’nŭmchepa’ch?

²⁰ Ulĭhĕ’ ŭlĭhĕ’ yŏŏhoolĕkw’ kelooow’ ŭksasātĕmooltepa’ch, ha koonmatĕhmooltepa’ch, kānookŭloo ooskĭtkŭmĭkw wŏŏledŭhasoo’ch: ha koonmăje‐dŭhasooltebach; kānookŭloo koonmăjedŭhaswa’gŭnoowŏl lekwoolpĕhtasooŏŏlch’ wŏŏledŭhaswa’gŭnŭk.

²¹ Apet tan toocheu kĕte nĕmekwŏŏseelĭt waseesŭl, sĕspādŭhasoo eebŭchŭl ootĕbŭnaskooehagŭm egĕhĕ; kānookŭloo kese nĕmekwŏŏseelĭt waseesŭl, māch skat mekwedŭhadŭmooŭn oosĕspādŭhasooagŭn edoocheooledŭhasĭt pŭmowsooenooŭl oonŭmekwŏŏselĭn ooskĭtkŭmĭkw.

²² Ha tŭhaloo kelooow’ tŭkā’ch ĕleheyĕkw oonmăje’dŭhasooagŭn; kānookŭloo apch k’nŭmehoolpa’ch, ha k’mŭshoonooŏl ooledŭhasoowewŭl’ch, ha kooledŭhasooagŭnoowŏl skatŭch wĕn wekwĕhtagooneăl.

²³ Ha net na keesook skatŭch kĕkw kweloodŭmooepa’ch. Ulĭhĕ, ŭlĭhĕ, yŏŏhoolĕkw, tan kĕkwsā wĕje‐kweloodŭmĕkw N’mĭhtakwsŭk nooesooŭnŭk, k’mĭlkoonea’ch.

²⁴ Tŭkā’ch tŭkkeu’ mĕskw kĕkw kweloodŭmootepa nooesoonŭk. Kwelootŭmootĭkw ha k’mŭsŭnŭmŭnea’ch, wĕlaman kooledŭhasooagŭnooŏh p’sŭntātasoo.

²⁵ Yootŭl kĕkwsāăl yoohoolākwĭl kwelooāwĕstooa’gŭnŭk. Tĕbŭnaskooĭhak ch’kooĭhĕ tan toocheu skatŭch kŭlooloopa kwelooāwĕstooa’gŭnŭk, kānookŭloo pabĕk‐agŭnootŭmoolnea’ch N’mĭhtakws.

²⁶ Neet keesook wekoodŭmânea’ch nooesoo’ŭnŭk; ha skat ŭktĭhooloopa pabatŭmooāoolŭpach N’mĭhtakwsŭk.

²⁷ Eebŭchŭl N’mĭhtakws Nāgŭm kŭsĕlmŭgooŏh, eebŭchŭl kŭmoosalepapŭn, ha neaga koolâmsŭtŭm‐ootene‐apŭn noojĭhan Nukskamoo ĭkŏŏk.

²⁸ Noochehapŭn N’mĭhtakwsŭk ha pŭkŭchehapŭn ooskĭtkŭmĭkw. Apch nŭkŭtŭmŭn ooskĭtkŭmĭkw ha n’tŭlĭh’ N’mĭhtakwsŭk.

²⁹ Tanĭk wĕjekĕhkemoojĭk oohŭkĕk ootehawŏl: Tŭkā’ch ŭkpabĕkāwĕst’, ha skat kwelooāwĕstoo.

³⁰ Tŭkā’ch n’kŭjeje’toonā’n k’nŭkakchejetoon m’seu kĕkwsăl; ha skat kootŭmetŭhatŭmooŭn wĕn k’pabĕhchĭmkoon. Ooche yoot wĕje‐wŏŏlam‐sŭtŭm‐ooteĕk kel koojĭhapŭn Nŭkskamoo ĭkŏŏk.

³¹ Sāsoos ootasedāma: Tŭkā’ch koolâmsŭtŭmooteeba?

³² Sagĭhtŏŏk, tĕbŭnaskooĭhak chkooĭhĕ, ha neaga egĕhĕ, tan toocheu ŭksesĕhlŭgaba’ch m’seu wĕn weekŭk, ha k’nŭkanŭkkŭleba’ch n’pĕskoodĕch. Ha skat n’pĕskooweu’, eebŭchŭl N’mĭhtakws n’wejāakw.

³³ Yootŭl kekwsāăl yŏŏhoolĕkwpŭnĭl wĕlaman nel n’hŭkĕk wŏntŭkāooagŭn ŭkteënea. Ooskĭtkŭmĭkw ŭkteënea wŏŏnmăje’dŭhasooagŭn; kānookŭloo wŏŏledŭhasooltĭkw: nel n’kesepeĕmsŭnootŭmŭn ooskĭtkŭmĭkw.