Wikhikən 13 - Wĭkheegŭn 1870

¹ Net mĕskw nankŭmehanook wĭkhŭpalteemŭk Sāsoos ookoojejĭhtoonĕs’ ootĕbŭnaskooehaagŭm egĕhĕ oochenoodahan ooskĭtkŭmĭkw ha ootŭlĭhan Oomĭh’takwsŭk, kes ookesĭksĕlmabŭnĭhĭ oosewĕs tanĭhĭ ooskĭt’kŭmĭkw āooltelejĭhe, oomoosalabŭnehe malŭmŭtā māchehak.

² Ha oolagwĭhpooagŭn e’gŭhĕs, ha mŭchŭhant ookese‐pejĕhtooŏts Sooda Iskăleo’t Semoo ookwŏŏsŭl oomŭshoonŭk ootahkenooĕhlan;

³ Sāsoos ookŭjejĭhtoonĕs’ Oomĭhtakwsŭl oopoonĕhtagoon m’seu kĕkwsal oopeteenŭk, ha nāgŭm ookesuchĭhan Nŭkskamooĭkŏŏk, ha ootŭlĭhan Nŭkskamooĭkŏŏk;

⁴ Ooche‐oonagĕhsoopŭn oolagwĭhpooa’gŭnŭk, ha oopoonĕhtoonāpŭnĭl ootŭlkwŏŏtawagŭnŭl, ha wekwĕhtoonāpŭn kasegŏŏhoosoot’ ha ootŭlĕgŭpĭlsenāpŭn.

⁵ Agĭmtĕ oosooka’toonāpŭn sâmagwŏn tooegŭsegwĕnsootĭk, toocheu’ oomachĕksŭspatooŏnāpŭnĭl ooseetoowŏl’ tanĭhĭ ĕgĕhkemăjĭhĭ, ha oochekashŭmooanāpŭnĭl kasegŏŏhoosootĭk tan ĕlĕgŭpĭlsĭtpŭn.

⁶ Toocheu’ oopŭkŭchehanŭl Semoo Peālŭl, ha Peāl ootĭhal: Nsa’kŭmâm, kŭsŭspatoonŭl ’nseetŭl?

⁷ Sāsoos asedāmat ha ootĭhal: Tan ĕlŏŏkĭ tŭkā’ch skat ŭkŭjejetooŭn; kānookŭloo ĕlmĭhak kŭjejetoo’nch.

⁸ Peāl ootĭhal: Kel skattĕhch kŭsŭspatooweunŭl ’nseetŭl. Sāsoos ootasedāmâl: Skat ŭksŭspahlŭl’ooân’ kel skadama k’teëwŭn tŭpĕltŭmooagŭn ’nhŭkĕk.

⁹ Semoo Peāl ootĭhal: N’sakŭmâm, skat tĕpŏŏkt ’nseetŭl, kānookŭloo neaga ’npeteenŭl ha neaga nŭneagŭn.

¹⁰ Sāsoos ootĭhal: Tan wŏŏt kesĭksŭspatasĭt tĕpŏŏk’t wĕtŭmĕtŭhadŭk ookoosŭspahtoon ooseetŭl, ha toocheu’ ’nkĭhkapabâtŭmepĕhkeegoo. Ha kelooow’ ŭkpabâtŭmepĕhkeegoolteba, kānookŭloo skat m’seu.

¹¹ Kānookŭloo Sasoos ookŭjejĭhal tanŭl kĕtooekenooĕhlĭhjĭl, netwāje eetŭk: Skat ’mseu’ ŭkpabâtŭme‐pĕhkeegoolteeba.

¹² Net kesĭksŭspatoo’ŏt ooseetooŏl, ha kesewĭhkwāātâkw ootŭlkwŏŏtāwa’gŭnŭl, ha kesŭpĕssĭt, ootĭha: Kŭjejetoo’nea keselĕhlŭlĕkw?

¹³ Tŭleweheepa Noodŭkĕhkegāmĭt ha’Nsâkŭmamŭn, ha koolâmhŭteeba, eebŭchŭl nel nŭt.

¹⁴ Netwāje nel tan koosakŭmamoolte’nea ’nhŭk, ha neaga kŭnootŭkĕhkemlŭpa, ŭksĭspahtoolĕkw ŭkseetooŏl, kelooow’‐ŭpŭna kŭsŭspa‐taootool‐te’neal ŭkseetooŏl.

¹⁵ Eebŭchŭl kesemĭlŭn’ea kĕhkĭmsoot k’tŭlookhŭte’nea tan lĕhlŭlĕkw.

¹⁶ Ulĭhĕ, ŭlĭhĕ, yŏŏhoolĕkw, tan wŏŏt tĕbĕlŭmŭkwsĭt, skat ăjĭspāu skatŭk oosâkŭmamŭl; kŭsŭna tan wŏŏt ĕlkeemoo’t skat peāme‐spāu skatŭk tanĭl ĕlkemajĭl.

¹⁷ Net kŭjejetooĕkw yootŭl kĕkwsăl, koolāoolteeba hŭlŏŏkhŭteĕkw’.

¹⁸ Skat noochekŭlooseu ’mseu kĕs’eĕkw: ’nkŭjejĭhâk tanĭk mĕgŭnookpŭnĭk: eebŭchŭl wĕlamân tan ĕloowĭkhasĭk ŭlĭhĕ: Tan wŏŏt mowĭhpoolteeĕk hŭpanŭl, ĕleoonagĕhtak’ws wookwŭn nel ŭlgweu.

¹⁹ Net nekanagŭn‐ootŭmoolpa mĕskw egŭhanŏŏk, wĕlamân eegŭhâk koolâmsŭtŭmŭnea’ch nel nŭt.

²⁰ Ulĭhĕ, ulĭhĕ, tan yŏŏhoolĕkw, tan wĕn wekwĕhlat tanĭl nel ĕlkeemook, neaga nel noowĭhkwĕhlŭkw. Ha tan wĕn wekwĕhlĭt nel, wekwĕhlal tanĭl pĕtŭkemĭtpŭn.

²¹ Net Sāsoos kese eetŭk neetŭl, wŏŏnmăje‐dŭhasoo oomŭshoonŭk, ha ootăgŭnoodŭmooha, eetŭk: Ulĭhĕ, ŭlĭhĕ, tan yŏŏhoolĕkw, pĕskw kelooow’ ’ntakenooĕhlŭkwch.

²² Toocheu’ nootŭhkĕhkemoojĭk esagehootooltooŭk, skat ookŭjejĭhaweuwŏl tanĭl wĕnĭl eetŭkĭl.

²³ Net pĕskw tanĭhĭ Sāsoos ĕgĕhkemajĭhĭ, tanĭl Sāsoos kĕsĕlmajĭl, sĭtkwĕhsoonool Sasoosŭl oopŭskoonŭk.

²⁴ Netwāje Seemoo Peāl oomătkwĕhtoowŏl oopabĕhchemân tanĭl wĕnĭl eetŭkĭl.

²⁵ Toocheu’ nāgŭm tan ĕsĭtkwĕssĭkpŭn Sāsoosŭl oopŭskoonŭk, ootĭhal: N’sakŭmâm wĕn nŭt?

²⁶ Sāsoos asedāmat’ eetŭm: Nŭt ĕhtŭ tanŭch meelook ăpsŭgĭkwsŭsŭk keseskwĭhhegeân’. Ha kese skwĭh‐heegĕk ăpsŭgĭkwsŭsŭk, oomeelân Sooda Iskăleotŭl.

²⁷ Kesĭmsŭnŭk ăpsŭgĭkwsŭsŭk muchŭhant’ ookŭsahaanŭl. Toocheu’ Sāsoos ootĭhal: Tan kĕkw kĕdelĕhta’geŭn, nŭkŭsalātâk’.

²⁸ Net skat wĕn nāgŭmow tanĭk mowepoomajĭk ookŭjejetoonea kĕkwsā’ wĕjeyŭhat net.

²⁹ Kānookŭloo ankwŏŏch ledŭhasooltooŭk eebŭchŭl Sooda ooteĭn manenoot’, Sāsoos ookeseyŭhân mŭnŏŏhmoo’n tanĭl kĕkwsăl pawa’tŭmŭkw ooche wĭkhŭpalteemŭk, kŭsŭna oomeelan kĕkwsā tŭmaksŭsoowenoo.

³⁰ Net kesĭmsŭnŭk ăpsŭgĭkwsŭsŭk nŭkŭsa‐noodĕhĕ: ha kes pĭskehĕ.

³¹ Ha netwāje kese noodŭhat Sāsoos eetŭm: Tukāch’ pŭmowsooĭn Ookwŏŏsŭl k’chetŭmetŭhâmkoo’sooŭl.

³² Ha Nŭkskam wĕjĭk‐chetŭme‐tŭhâmkoosĭt oohŭkĕk. Nŭkskam neaga ookechetŭmetŭhamâl’ch oohŭkĕk, ha oonŭkŭsak‐chetŭme‐tŭhamâlch’.

³³ Wasestŏŏk, ’mchŭsŭl makeāwŏŏs kooejāyoolpa. Kweloohepâch’, ha stŭkā’ yŭhŏŏkpŭn Lĕsweesŭk tan tĕt ā’lehae skat pĕdabasun’ea, net na kelooow’ yŭhoolĕkw.

³⁴ Pelā’ hŭlgetŭmooagŭn melĕkw, wĕlamân kŭsĕltoolte’nea. Stŭkā’ net ĕlĭksĕlmŭlĕkw, net na ŭktŭlĭksĕltoolte’nea kelooow’.

³⁵ Netŭch ’mseu wĕnĭk ookŭjejetoo’nea kelooow’ koodŭkĕhkĭmkoosoolte’nea nel ’nhŭkĕk ŭksĕltoolteĕkw’.

³⁶ Semoo Peāl ootĭhal: N’sakŭmâm, tama k’tŭle? Sāsoos ootasedāmal: Tan ā’lehae skat kese noosookŭweu’ tŭkāch’; kānookŭloo ĕlmĭhak noosookooĭch’.

³⁷ Peāl ootĭhal: Nsa’kŭmâm, (kĕkwsā’ wāje,) kĕkwāje skat kese noosookooloo tŭkāch? ’npŭmowsooagŭn ’ntŭlepoonmŭnch ooche kel.

³⁸ Sāsoos ootasedāmal: K’tŭlepoonmŭnch k’pŭmowsooagŭn ooche nel? Ulĭhĕ, ŭlĭhĕ, yŏŏhool, nabaha’ch skat mŭtĕhtakseu agĭmtĕ ŭktĭgŭnāwalĭch’ nĭhĭ.