Wikhikən 12 - Wĭkheegŭn 1870

¹ Toocheu, Sāsoos kamachĭn kesoogŭnŭk mĕskw nankŭmehagāwā’ wĭkhŭpalteemŏŏk, Bĕtanĭk pŭkŭchehĕ tan Lasa’l āĭt, tan wŏŏt kese mĕchenĕtpŭn, tanĭl Sāsoos kesepŭmowsooĕhlatpŭnĭl.

² Net tĕt ĕtlewĭkwhŭpalatĭt, ha Malt oonootŭmawŏ; kānookŭloo Lasa’l nĭkt pĕskw nāgŭmow tanĭk mowĭhpoomajĭk.

³ Toocheu’ Male wĭhkwĕhtoon n’koochĭtkeegŏŏn soonhŭkĕnsoo’t lewĭhtasoo speiknald, pooktŭkehĕ, ŭksa’oodoo, ha oosoonpĕgŭnŭmooanŭl Sāsoosŭl ooseetŭl, ha oochekasŭmooanŭl ooseetŭl oopeāsoom ĭkŏŏk; ha wĕnoochegwŏm p’sŭnŏkwhĕsoo soonhŭkĕnsoot’.

⁴ Toocheu’ nŭt pĕskw tanĭk wĕjekĕhkemoojĭk oohŭkĕk, Sooda Iscaleot lewesoo, Semoo ookwŏŏsŭl, tan kĕtekenooĕhlat Sāsoosŭl, eetŭm:

⁵ Kĕkw wāje skat ankooĕhtase’nookŭs’ yoot soonhŭkĕnsoot ooche n’satkwādool denāleŭl, (tamaha’l nāooĭnsk’ kesageesooŭk), ha ŭnŭpmelan tŭmaksŭsooenooŭk.

⁶ Skat yoot ooche‐etŭmooŭn ootŭmetŭhaman tŭmaksŭsooenoo, kānookŭloo ooche nāgŭm kŭmootŭnĕsks, ha ooteĭn manenoot’, ha pŭmĭptoon tan kĕkw pejātasĭk.

⁷ Toocheu’ Sāsoos eetŭm: Ehkwĭhan āpet: ooche‐eenĕs’ ookesajĭhtŭmŭn keesook pooskŭnĭmk.

⁸ Eebŭchŭl tŭmaksŭsooenooŭk k’mĕcheme‐uwawŏk ha mowāye’neak’; kānookŭloo nel skat k’mĕcheme‐ëuëpah’.

⁹ Netwāje ŭktanakwsooŭk Lĕsweesŭk kĕjejehatĭt Sāsoosŭl ooteëlĭn net, ha pedabasooŭk skat tĕpŏŏkt ooche nāgŭm, kānoo neaga ooche nŭmĭha’nea Lasalŭl tanĭl Sāsoos kese pĕmowsooĕhlatpŭnĭl.

¹⁰ Kānookŭloo k’chepatŭleasŭk mowăgŭnootŭmatooŭk neaga oonāpŭha’nea Lasalŭl.

¹¹ Eeebŭchŭl ooche nāgŭm ŭktanakwsoo’bŭnĭk Lĕsweesŭk majeaba’sĭtpŭnĭk, ha wĕlamsŭtŭmootoo’bŭnĭk Sāsoosŭl oohŭkĕk.

¹² Net apch ātau kesook ŭktanakwsooŭk pŭmowsooenooŭk tanĭk pĕdabasejĭk wĭkhŭpalteemŭk, noodŭmatĭt Sāsoosŭl oochkooëhalĭn Sāloosālĕmk’,

¹³ Wĭhkwĕhtoo’neal p’skĕtkoonool ŭpŭs’ lewesoo Penĭks, ha ootŭlabase’nea ootasĭkoonea, ha ootookāmooltooŭk, etŭmootoo’ŭk; Hosana! (netŭna, kekĕk’w tŭkā’ch!) oolĕhlŭkwsooŭl Islĕl ookĭnchāmŭsmŭl, tanĭl wĕchkooehalejĭl K’chesakŭm wesooŭn ĭkŏŏk.

¹⁴ Ha Sāsoos mĕskooŏt āwasesooëlejĭl jăkhasŭl, ootĕsagoopĕseenŭl, stŭkā ĕloowĭkhasĭk,

¹⁵ Moo sak sĕksekŭch Seŭn ootoosŭl! sagĭhtĕ ŭkĭnchāmŭsŭm wechooĭhat ootĕsakoope’toowŏl jăkhas oojăkhascesŭmŭl.

¹⁶ Netŭl kĕkwsāăl wĕdekĕhkemoojĭk skat oonŭstŭmoo‐teleunāweepŭn tŭmk. Kānookŭloo kesĭkchetŭmetŭhamkoosĭt Sāsoos oomĭkwetŭhadŭmŭn’eal netŭl kĕkwsăl āwĭkhaseegĭl; ha neaga Sāsoosŭl ookeselĕhtaganĕb’ŭnĭl netŭl kĕkwsāăl.

¹⁷ Netwāje nāgŭmow tanĭk wĭjāooatĭtpŭnĭk [Sāsoosŭl] tan toocheu wĕje‐nootĕg’emat Lasalŭl pooskŭnegŭna’lŭkŏŏk, ha pĕmowsooĕhlat’, n’speuwŏŏlămhŭt’ooŭk.

¹⁸ Ha netwāje mowehamŭk ootasekooawŏl, eebŭchŭl ookese‐noodŭma’nea nāgŭm ookeselĕhtagan yoot kenooŏskoodeegŭn.

¹⁹ Netwāje Pălooseŭk yŭhoodooltooŭk: Skat k’nŭmĭhtoonea skatŭkĕkw k’tŭlekesātoopa? Sagĭhtŏŏk, ooskĭtkŭmĭkw oonŭkanoosookagoon.

²⁰ Net ankwŏŏch Gŭlekāweŭk mawe‐eooltooŭk nā’gŭmow tanĭk kesĭch‐kooĭkwakweabasejĭk ootemehanea [Săloosalĕmk’] wĭkhŭpaltemŭk.

²¹ Nāgŭmow pĕdabasooŭk Pelĭpk, tan tŭlā’ Bĕtsādĭk, Goolelĕtk, ha oopabĕhche‐gĕse’neal, etŭmootooŭk: Sakŭm, n’pawatŭmŭnĕn nŭmĭhanĕn’ Sāsoos.

²² Pelĭp pĕgŭchehat ha ootagŭnoodŭmooŏl Atŭlāwŏŏl, ha agĭmtĕ Atŭlā ha Pelĭp pĕtkowootooŭk ha ootagŭnoodŭmooawŏl Sāsoosŭl.

²³ Ha Sāsoos ootasedāma, eetŭm: Tĕpŭnaskooĭhak egĕhe pŭmowsooĭn Ookwŏŏsŭl ookechetŭme‐tŭhamkoosĭn.

²⁴ Ulĭhĕ, ŭlĭhĕ, yŏŏhoolĕkw, tanŭch eaga n’koochemĭngŭt hĭglĭskalŭn skat ŭlebŭnāgwehanook kŭtakŭmeegook ha skat mĕchenāwenŏŏk, n’koodookahtĕk; kānookŭloo mĕchenāwĭk k’chāowwemĭn‐kasooch’.

²⁵ Tan wŏŏt moosajĭt oopŭmowsooagŭn, ookŭskatoo’nch. Kānookŭloo tan akwetŭhhadŭk oopŭmowsooagŭn yoot ooskĭtkŭmĭkw, ootankāoo’tŭmŭn askŭmowsooagŭn ĭkŏŏk.

²⁶ Wĕn loo’kāwĭt noosookooĭch; ha tan āe, nooskenoosŭm net tĕtŭch āetŭch’. Wen lookāwĭt N’mĭhtakws ookeche‐tŭmetŭhamâl’ch.

²⁷ Tŭkā’ch n’chŭcha’kw oonmăjedŭhasoo: ha kākooch’ n’teetŭm? N’metakwe’, oochekekehe’n yoot t’paskooteegŭn! Kānookŭloo ooche yoot n’pŭkŭche yoot t’paskooteegŭnŭk.

²⁸ N’me’takwe’, k’chetŭmetŭhadŭmoon kooesooŭn’. Toocheu [Nŭkskam] noodooŏh ĕtlāwĕstakw spŭmkeek, eetŭm: N’kesĭkchetŭmetŭhadŭmŭn, ha neaga apch n’kechetŭmetŭhadŭmŭn’ch.

²⁹ Netwāje mowehamŭk tanĭk sĕklŭteejĭk kwĭheu’, etŭmootooŭk: Pā’dageu’. Kŭtŭkĭk etŭmootooŭk: Asā’leŭl ookŭloo’lkool.

³⁰ Sāsoos asedāmat ha eetŭm: Yoot kŭloowagŭn skat oochehegahāoo ooche nel: kānookŭloo oocheëgĕhĕ ooche kelooow’.

³¹ Tŭkāch yoot ooskĭtkŭmĭkw ŭtploodasoo; tŭkā’ch yoot ooskĭtkŭmĭkw ookĭnchāmŭs’ŭmŭl noodeakânch’.

³² Ha nel ooche‐oonagĕhlĭmk’ ktakŭmeegŏŏk, noochkooĭphak’ch m’seu pŭmowsoooenooŭk tan āe.

³³ Yoot wĕje‐eetŭk ootahkenooĕhtoon tanŭch ĕlemĕchenĕt.

³⁴ Pŭmowsooenooŭk ootasedāmawŏl: Nooje‐noodŭm‐ŭnĕnoopŭn bootoosooagŭn ĭkŏŏk Newĕsk’ askŭmeheu. Ha kĕkwsā’ wĕje‐heetŭmŭn pŭmowsooĭn Ookwŏŏsŭl chooeoonagĕhlach? Wĕn ea’ nŭt pŭmowsooĭn Ookwŏŏsŭl?

³⁵ Toocheu’ Sāsoos ootĭha: Makeyāoo pŭshakwhĕk wĕjehĕmkoo’nea. Pŭmabasĭkw kwĕneheeyĕkw pŭsakwhĕk, wĕlaman pĭskahtĕk skat ktŭlŭmĭhkagoonea; eebŭchŭl tan pāmĭhat pĭskatādook skat ookŭjejetooŭn tan ĕlehat.

³⁶ Kwĕneheeyĕkw pŭsakwhĕk wŏŏlamsŭtŭmŏŏkw pŭsakwhāgĭkŏŏk, wĕlaman ookwŏŏsĭn pŭshakwhĕk ŭkhŭkāwŏ. Yootŭl kĕkwsăl Sāsoos eetŭkĭl, ha machĕhĕ ha neaga ookwasŏŏhtooŏh.

³⁷ Kānook kak ĕdoochĭktana’gŭtool kenooŏskoodeegŭnŭl kesātak’pŭnĭl wāoochŭskooweu, skat oolamsŭtŭmoo’nëawepŭn oohŭkĕk.

³⁸ Wĕlaman Esae nekanĭk‐chejetakawenoo’ ookŭlooswagŭn, ŭlāu tan eetŭkŭs: Ukchesakŭm, wĕn kese oolamsŭt’ŭkŭs n’tagŭnoodŭma’gŭnŭn? ha wĕn Ukchesakŭm oopetĭn ĕlĕmĕsooĕhtoowŏŏts’?

³⁹ Netwāje skat kese‐wŏŏlamsŭtŭmooteetekoopŭn, eebŭchŭl Esae apch eetŭkŭs:

⁴⁰ Ookesĭnkabooĕhtooanŭl ooseskooŏl, ha neaga ookesesaglĭhtooanŭl oomŭshoonooŏl; wĕlaman skat oochenŭmĭhtahteuneal ooseskooŏl, ha oochĭnsŭtŭmooteuneal oomŭshoon’ooŏl, ha ookwŏŏlpĕh‐lŭsoolteunea, ha nel n’kesepelawŭnp’.

⁴¹ Yootŭl kĕkwsăl Esae etŭkŭpŭnĭl, eebŭchŭl oonŭmĭhtooŏnāpŭn ookechetŭme‐tŭhamkoosoowagŭn, ha neaga oonŭstooha’bŭnĭl.

⁴² Kānookŭloo ŭktanakwsooŭk pootooŭsooenooŭk wĕlamsŭtŭmooteejĭk oohŭkĕk, kānookŭloo ooche Paloo’se skat oopabĕhkensŭtoomoonea, ooche skat oochenoodeh‐nawŭnp hemeāwĭgwamŭk.

⁴³ Eebŭchŭl oopeāme‐moosaje’nea pŭmowsooenooŭk ookechetŭme‐tŭham‐koosooagŭnoowŏ skatŭk Nŭkskam ookechetŭme‐tŭhamkoosooagŭn.

⁴⁴ Ha Sāsoos kĭntakwsoo, eetŭm: Tan wĕlamsŭtŭk n’hŭkĕk skat [tĕpŏŏkt] ’leoolamsŭtŭmoo nel n’hŭkĕk, kānookŭloo Nāgŭm oohŭkĕk tan pĕtŭkemĭtpŭn.

⁴⁵ Ha tan nĕmĭhat oonŭmĭhal Tanĭl pĕtŭkemĭtpŭnĭl.

⁴⁶ N’pŭkŭche ooskĭtkŭmĭkw n’pŭshakwhan, wĕlaman m’seu wĕn tan wĕlamsŭtŭk n’hŭkĕk, skatŭp pŭmehāoo pĭskatātŏŏk.

⁴⁷ Ha tan wĕn nootŭk n’kŭlooswa’gŭnŭl ha skat kŭlnŭmook, nel skat n’tŭbloomaoo; kānookŭloo skat nooche‐pŭkŭchehow n’tŭploo’tŭmŭn ooskĭt’kŭmĭkw, kānookŭloo wechepŭkŭchehae n’kekĕhtoon ooskĭtkŭmĭkw.

⁴⁸ Tan wĕn sāmahlĭt, ha skat wekwātŏŏkw n’kŭlooswa’gŭnŭl, ootewŏl tanĭl tĕbloomchĭl. Kŭlooswagŭn tan etŭmanpŭn, netŭch tĕbloomal m’chŭsŭlāwā keesŏŏk.

⁴⁹ Eebŭchŭl skat nooche‐kŭloosekoopŭn nel n’hŭkĕk, kānookŭloo N’mĭhtakws tan pĕtŭkemĭtpŭn, Nāgŭm n’mĭlkoonāpŭn hŭlgetŭmooagŭn tan ĕlāwĕstoo ha tan eetŭm.

⁵⁰ Ha n’kŭjejĭhtoon ootŭlgetŭmooagŭn askŭmowsooagŭneu’. Netwāje tanĭl kĕkwsăl nĕstoomanĭl N’mĭhtakws tan yehĭtpŭn net nĕstŏŏm’.