Wikhikən 11 - Wĭkheegŭn 1870

¹ Naga ooskedape ŭksenookapŭnŏk, Lasa’l lewesoopŭnŏk, Bĕtanĭk tŭlāowewoopŭnŏk, Male ha wĭjegetetejĭl āpelejĭl Malt ootoodānĕseesooŏk.

² Nŭt Male tan soonpĕgŭnatpŭn Uksakŭmamenooŭl soonpĕgŭnŭsoot’, ha ookasŭmooanĕpŭnĭl ooseetŭl oopeāsoom ĭkŏŏk, tan wĭjegetetedŭŭ Lasal kĕsenookatpŭn.

³ Netwāje wĭjegemajehe āpe’lejehe, oopĕdapoohaneapŭn kŭloosooagŭn Sāsoosŭl, eetŭmoopŭnĭk: Sakŭm, sagĭh’t, tan moosalŭt ŭksenooka.

⁴ Net Sāsoos nootŭk, eetŭm: Yoot ŭksenookāwagŭn skat ooche ëu n’pooakun ĭkŏŏk; kānookŭloo wĕje ëĭk Nŭkskam ookechetŭmetŭhamkoosooagŭn ĭkŏŏk, wĕlaman Nŭkskam ookwŏŏsŭl ookeche‐tŭme‐tŭhamkoosĭn.

⁵ Net Sāsoos ookŭsĕlmal Malëtŭl ha wĭjegetetejĭl āpelejĭl, ha Lasalŭl.

⁶ Netwāje tan toocheu kese noo’tŭmat ookŭsenookalĭn māch ŭnkĕhsoo nesoogŭneu’ tan tĕt āĭt.

⁷ Toocheu agĭmtĕ ootĭha nootŭkĕhkemoojĭk: Labasenĕch apch Lĕsweesooŏkĭk.

⁸ Nootŭkĕhkemoojĭk ootĭhawŏl: N’sakŭmamŭn, kĕchhe’kaweu’ Lĕsweesŭk kŭtepŭnŏpskoohookoo’pŭnĭk, ha k’tŭlehan apch net?

⁹ Sāsoos ootasedāma: Skat ea’ nesankoo tŭpaskoodeegŭnŭl n’kāgeu’? Pŭmoosĕt’ wĕn spŭtā’oo skatŭch napĭskwamaoo, eebŭchŭl nŭmĭhtoon ooskĭtkŭmĭk oopŭsakwhāgŭm.

¹⁰ Kānookŭloo pŭmoosĕt wĕn nebaeu napĭskwamach’, eebŭchŭl skat pŭsakwhĕk ëeu’ oohŭkĕk.

¹¹ Yootŭl kĕkwsăl eetŭkĭl, toocheu’ agĭmtĕ ootĭha: Lasal ŭksewĕn koowak. Kānookŭloo n’tŭlĭhan wĕlaman n’tookĕhla.

¹² Netwāje nootŭkĕhkemoojĭk ootĭhawŏl: N’sakŭmamŭn, kooweet, woolāooch.

¹³ Kānookŭloo Sāsoos wĕskoowootŭmooŏt oonŭpooagŭn; kānookŭloo nāgŭmow ledŭhasooltooŭk ooskoowootŭmŭn atlasĭmwā’ kāweemŭk.

¹⁴ Netwāje toocheu Sāsoos opabĕhkeyaha: Lasal mĕhche’neak’.

¹⁵ Ha noole’dŭhas ooche kelooow’ skat n’teë’wŭn net; wĕlaman koolamsŭtŭmŭnea. Kānookŭloo la, base, nech āĭt.

¹⁶ Netwāje Tooma, tan eaga lewesoo Tŭkwĕhs, ootĭha tanĭhĭ mowkĕhkemajĭhĭ; Keloon na labasenĕch, wĕlaman kooweje‐mĕhchĭnhŭteebŭn.

¹⁷ Netwāje Sāsoos pĕgŭchehat net, oomŭskŭmŭn kesepooskŭnasooŭl kes nāoogŭnŭkŭt.

¹⁸ Net Bĕtăne kwĭheu’ Sāloosălĕmk, wĕjātagāmŭk tamahal toodŭn nanankoo stādëei, [netal tamahal neesoohsalkŏŏt.]

¹⁹ Ha ŭktanakwsooŭk Lĕsweesŭk pĕdabasejĭk Malt ha Male āeetĭt, ooltĕkooŏn’ea ooche wĭjekematetŭhŭ.

²⁰ Netwāje Malt ātoochenoo’dŭmat Sāsoosul oochkooehalĭn ootŭlĭhan oonăjeasĭkooŏl. Kānookŭloo Male māch hŭppoo wĕnoochĭgwamŭk.

²¹ Toocheu Malt ootĭhal Sāsoosŭl: N’sakŭmam, ëŭnsŭbŭn yoot tĕt, wejegeteĕk’ skatŭp mĕchenāweak’.

²² Kānoo n’kŭjejĭhtoon tŭkāch tan ĕlewĭh‐koodŭm‐ooŭt Nŭkskam, kŭmĭlkoonch’ Nŭkskam.

²³ Sāsoos ootĭhal: Wejege’teĕkw nŭmchĕsoo’ch.

²⁴ Malt ootĭhal: N’kŭjejĭhtoon nŭmchĕsooch tan toocheu menooowsooltĭmk m’chŭsŭlāwā’ keesook.

²⁵ Sāsoos ootĭhal: Nel net abĭjebāwa’gŭnĭ, ha pĕmowsoowa’gŭnĭ. Tan wĕlamsŭtŭk n’hŭkĕk chegow mĕchenĕt pŭmowsooch’.

²⁶ Ha tan pĕmowsĭt ha wĕlamsŭtŭk n’hŭkĕk, skatŭch mĕhchenāoo askŭmeu. Koolamsŭtŭmŭn yoot?

²⁷ Ootĭhal: Aha, ’nsa’kŭmam, noolamsŭt’ŭmŭn kel Newĕskooĭn, Nŭkskam Ookwŏŏsŭl, tan pĕkŭche’hat ooskĭtkŭmĭkw.

²⁸ Ha kese eetŭk net n’noomachŭhan, ha wĭhkwemal wejegetetejĭl Malewŏŏl kegemeu’, ootĭhal: Nootŭkĕhkekāmĭt pŭkŭchehĕ, ha kooĭhkweemŭkw.

²⁹ Ha Male ātoochenootŭk nŭkŭsaoonagĕsoo ha oopŭkŭchehanŭl.

³⁰ Net Sāsoos māch mĕskw pŭkŭchehāwe oodānĕseesŭk; kānookŭloo māch ëu tan tĕt Malt ĕtle‐asegooŏtpŭn.

³¹ Netwāje Lĕsweesŭk tanĭk wejāooŏtpŭnĭk lămĭgwŏm, tanĭk ĕtle‐wŏŏlĭkooŏtpŭnĭk, nĕmehatĭt Malewŏŏl oonŭkŭsaoonagĕselĭn ha oonoodŭhalĭn, oonoosookooawŏl, yŭhoodooltooŭk: Pooskŭnegŭnalŭkŏŏk ŭlehĕ năje‐oosegĕltŭm net.

³² Netwāje Male pĕkŭchehat Sāsoosŭl āeelĭt, m’sakŭnahtĕssĭn ooseetŭk, ootĭhal: N’sa’kŭmam, ëŭnsŭbŭn yoot tĕt, wejegeteĕk skatŭp mĕhchenāwea’k.

³³ Sāsoos netwāje nĕmĭhat oosasŭtĕmeelĭn ha oonŭmĭha Lĕswees tanĭhĭ wejāoowajĭk, sasŭtĕmooltŏŏh’, mākwĕ, oochŭchakwemākwĕ, ha oosegetŭhasoo,

³⁴ Ha eetŭm: Tama k’poonawŏh? Ootehawŏl: N’sakŭmamŭn, ch’kooe, ha sagĭht!

³⁵ Sāsoos sasŭtāmoo.

³⁶ Netwāje Lĕsweesŭk etŭmootooŭk: Sagĭhtook! ātoochemŏŏsalats!

³⁷ Ha ankwŏŏch etŭmootoo’ŭk: Wŏŏt ooskedap tan pantĕhtooŏtpŭn nĕkabelĕjĭl ooseeskool, skatŭpa’l keselĕhlow’eŭl wŏŏt ooskedăpeŭl skat oomĕhchenaleewŭn?

³⁸ Netwāje Sāsoos apch mākwĕ lameu pĕkŭchehat pooskŭnegŭnalŭkŏŏk. Ulmalkŭtŏŏs’ pŭnŏpskŏŏk nŭ, ha pŭnŏpskw wĕskĭtĕk.

³⁹ Sāsoos eetŭm: Sĕmahtŏŏk pŭnapskw. Malt, n’pool’n wejegetetejĭl, ootĭhal: N’sakŭmam, tŭkā’ch kes pelooemĕhĕ, eebŭchŭl kes oomĕhchenan nāoo‐wookŭnŭkŭt.

⁴⁰ Sāsoos ootĭhal: Skat ea kŭtehoolookpŭs, wŏŏlamsŭtŭmŭn’, kŭnŭmĭhtoo’nch Nŭkskam ookeche‐tŭme‐tŭhadŭmooagun?

⁴¹ Toocheu’ oochesāmahtoo’nea pŭnŏpskw [tan tĕt n’pooenooŭl ĕlŭsĭnlĭt]. Ha Sāsoos spŭmŭk lĭkchĕsooŭl ooseeskool, labĕsoo, ha eetŭm: N’metakwe’, wĭhwenooamŭl eebŭchŭl ŭkjĭksŭtooeepŭn!

⁴² Ha n’kŭjejĭhtoonāpŭn kel mājemeu’ k’jĭksŭtooe; eebŭchŭl ooche yoot mowehamŭk tanĭk weunekabooehajĭk, n’teetŭm: wĕlaman nāgŭmow oolamsŭtŭmŭn’ea kel ŭktŭlkeemĭn.

⁴³ Ha kese edŭk yoot, kĭntakwsoo, eetŭm: Lasa’l! chkooe‐nootaha!

⁴⁴ Ha tan mĕchenĕtpŭn wĕchkooe‐nootahat, tŭbakwĕknasooŭl oopeteenŭl ha ooseetŭl n’pooenooāyal hŭlgootāwa’gŭnŭl. Sāsoos ootĭha: Apkwĕhlŏŏk, ha kesĕltŭmoowŏŏk’ oomachŭhan.

⁴⁵ Netwāje ŭktanakwsooŭk Lĕsweesŭk tanĭk pĕdabasenëa’bŭnĭl Malewŏŏl, ha oonŭmetoonea ĕlookālĭt, oolamsŭtŭmootooŭk oohŭkĕk.

⁴⁶ Kānookŭloo ankwŏŏch labasooŭk Paloose‐eekŏŏk ha ootagŭnoodŭmooawa Sāsoosŭl ĕlookālĭt.

⁴⁷ Netwāje k’chepatŭleasŭk ha Palooseŭk oomawĕhlawa bootooŭsooenoo’ ha etŭmootoo’ŭk: Tanŭch tŭlātakhŭtenān? eebŭchŭl wŏŏt ooskedap ookesātoonŭl ŭktana’gŏŏtool kenooŏskoodeegŭnŭl.

⁴⁸ Chegetooŭkw ootŭlāĭn yŏŏt, Lomkā’weŭk pĕdabasooŭkch ha kooekwātagoonānŭch kŭmŭtkĭn’ ha neaga kooëkwĕhlŭkoonwŏŏk’ch nĕkwtakŭmĭkseŭkw.

⁴⁹ Nŭt pĕskw nā’gŭmow lewesoo Keiep, tan ĕlĭkche‐patŭleaswĭt net pĕme’kŭtŭk, ootĭha: Skatama kĕkw kŭjeje’toote’pa.

⁵⁰ Ha skat ŭktŭlĭtpedŭhadŭmoo’nea kooche‐kaneāwooltenĕn’ pĕskw ooskedăp oochemĕchenan ooche‐pŭmowsooenooŭk, wĕlaman m’seu’ nĕkwtŏŏkŭmĭksejĭk skat ooche‐skwŏŏskĕseuneea.

⁵¹ Kānookŭloo skat ooche eetŭmoo’ŭnŭl yootŭl kĕlooswa’gŭnŭl nāgŭm oohŭkĕk; kānookŭloo ĕlĭkche‐patŭleaswĭt net pĕmeekŭtŭk, nĭkaneuhŭla’jŭmoo Neewĕskw oochemĕchenĕch’ nĭhĭht n’kŏŏtookŭmĭksoo.

⁵² Ha skat tĕpŏŏkt nĭhĭh’t n’kŏŏtookŭmĭksoo, kānookŭloo neaga mowĕhlan oopĕskooeelĭn Nŭkskam ooneja’n tanĭk sesĕhtĕkoojĭk.

⁵³ Netwāje wĕchā’tagā’mŭk net kesŏŏk mowagŭnoodŭmak oonā’paha’nea.

⁵⁴ Netwāje Sāsoos skat agwa’mk ŭlemĕsoowepŭmehāu Lĕswesooĭkŏŏk, kānookŭloo machĕhĕ, ha ŭlĭhe kŭta’kŭmĭkw, oodānĕk tan lewesooweu’ Eplŭm, ha net ĕtlemow‐āyĭt tanĭhĭ ĕgĕhkemajĭhĭ.

⁵⁵ Net Lĕsweesŭk nankŭmehagāwā’ wĭkwhŭpaltĭmkāwāamooŏh kŭtëegĕhe, ha ŭktanakwsooŭk pŭleu‐ootabasooŭk, ha ĕlĭtkwakweabasooŭk Sāloosălĕmk, oopĕhkehoosoolte’nea, mĕskw wĭkhŭpalteemŏŏk.

⁵⁶ Nookwelooŭha’nea Sāsoosŭl, ha yŭhoodooltooŭk sĕklŭteetĭt k’chehemeāwĭgwamŭk: Kĕkw ledŭhasoolteeba? skatŭcha’l pŭkŭchehāoo wĭkhŭpalteemŭk?

⁵⁷ Net k’chepatŭleasŭk ha neaga Palooseŭk ĕlekeslootŭmootĭt wĕn ŭkche’jeha’t tan āeelĭt ootăgŭnemal’p, wĕlaman ootakwoonawŏlp.