Wikhikən 10 - Wĭkheegŭn 1870

¹ Ulāu, ŭlāu, yoohoolĕkw, tan wĕn skat wĕjĭksahakw kha’gŭnŭk ŭsepe‐wowe‐akaloosun‐hasĭk, kānookŭloo wĕjĭtkwa’tooĕt tama sĕkeu’, nŭt kŭmootŭnĕsks ha nooche‐kŭmootŭnĕsks.

² Kānookŭloo tan wĕjĭksŭhat kha’gŭnŭk, nŭt nāgŭm ŭseepe‐noojean‐kāootagāwĭn’.

³ Noojĭskagŭnāatŭch oopantĕhtooŏn khagŭn, ha ŭseepŭk oojĭksŭtooawŏl ĕlāwĭstoolĭt, ha ootŭseepŭm oonŭstooha, ha noodĕhnekanow‐tekāwŏ.

⁴ Ha toocheu’ kese nootĕphat ootŭseepŭm, oonekanowtekāwŏ, ha ŭseepŭk oonoosookooawŏl, eebŭchŭl oonŭstooawŏl.

⁵ Ha pelooāyăl skat oonoosookoowowwewŏl, kānookŭloo owoonĕhĕ oosemootooawŏl: eebŭchŭl skat oonŭstooowwewol pelooāyăl.

⁶ Yoot kwelooāwĕstooagŭn Sāsoos yahat: kānookŭloo skat oonŭstŭmoonea nĕstoomahgoohtĭt.

⁷ Netwāje Sāsoos apch ootĭha: Ulāu, ŭlāu, yŏŏhoolĕkw, nel ŭseepŭk ookŭhagŭnoo’mooŏ.

⁸ M’seu tanik pĕdabasĭtsŭbŭnĭk’ tŭmk mĕskw nel pĕgŭche’hawŏn, kŭmootŭnĕsksŭk, ha nooje‐kŭmootŭnĕsksŭk; kānookŭloo ŭseepŭk skat jĭksŭtooa‐wewŏbŭnĭhĭ.

⁹ Nel khagŭn. Wĕn oochĭksŭhat nel n’hŭkĕk, kekĕh’ch, ha ŭksĕhhĕhch’ ha noodŭhĕhch, ha oomŭskŭmŭnch’ mecheemŭk.

¹⁰ Kŭmootŭnĕsks wĕje‐pŭkŭchehat tĕpŏŏkt ookŭmoo’tŭnan, ha oonā’pateegan, ha wĕgŭlookan. Nel wĕje‐pŭkŭchehae ooteë’nea pŭmowsooagŭn, ha māch oomŭsĭhtoonea agwŏmk.

¹¹ Nel net kĕloowŏŏse‐ŭseepe‐ankāootakāwĭn. Kĕloowŏŏsĭt ooseepeankāootagāwĭn ootŭlepoonmŭn oopŭmowsooagŭn ooche ŭseep.

¹² Kānookŭloo tan mĕtŭmeemoot, ha skat oosepe‐ankāoo‐takāwenoowu’, ha tan wŏŏt skat tĕbĕlmakw ŭseep, nŭt nĕmĭhat malsŭmool wĕchkooehalĭt, ha oonŭkŭla ŭseep, ha oosemooka, ha malsŭm oomŭsŭna ha ooseesĕhtĕkooŏh ŭseep.

¹³ Tan mĕtŭmeemoot oosemooka eebŭchŭl tĕpŏŏkt mŭtŭmeema, ha skat ootŭmetŭhamawe ŭseep.

¹⁴ Nel n’kŭloowŏŏs ŭsepeankāootakāwĭn, ha nŭnoowŏk n’tŭseepŭmŭk, ha noojĭkchĭjegoos ntŭseepŭm ĭkŏŏk.

¹⁵ Elĭkchejĭhĭt N’mĭhtakws, net ĕlĭkchejĭhook N’mĭhtakws, ha n’pŭmowsooagŭn n’tŭlepoonmŭn ooche ŭseepŭk.

¹⁶ Ha kŭtŭkĭk ŭseepŭk n’teeuŏk, tanĭk skat tŭlāāyak yoot woweakŭloosŭnŭhasik. Nāgŭmow neaga n’tachooe‐pĕjĭphak, ha noodagook’ch ĕltakwsĭ, ha n’kwŭche‐mŭnĭheyŭk’ch, ha apeskooewŭch’ ŭsepe‐ankāoo‐takāwĭn.

¹⁷ Netwāje N’mĭhtakws moosaalĭt, eebŭchŭl n’pŭmowsooagŭn n’tŭlepoo’nmŭn wĕlaman apchŭp n’kwewātoonp.

¹⁸ Skat wĕn n’kwāhtagooŭn, kānookŭloo nelŭtā n’tŭlkĭmsĭn n’tŭlepoo’nŭmŭn. Utpĕltŭmooagŭn n’teĭn n’tŭlepoonmŭn, ha ŭtpeltŭmooagŭn ’nteĭn n’wekwāhtoon apch. Yoot ŭtploodŭmooagŭn noojĭmsŭnŭmŭn N’mĭhtakwsŭk.

¹⁹ Net apch chŭchāpĕhlŭtooagŭn egĕhĕ Lĕsweesŭk oohŭkāāwŏk ooche yootŭl kŭlooswa’gŭnŭl.

²⁰ Uktanakwsooŭk nĭkt eetŭmootoo’ŭk: Mŭchŭhantooŭl ootë’uwŏl, ha wŏŏnătŭmenā: kĕkw wāje jĭksĕtooĕk’w?

²¹ Kŭtŭkĭk eetŭmootooŭk: Skat yootŭl kŭlooswa’gŭnŭl tan mŭchuhantooŏl ā’ooŭt. Mŭchŭhantŭp’ kesepantĕhtooanŭl ooseeskool nĕhkabeleejĭl?

²² Ha wĭkŭpaltemŭk oolajĭmkāwā’ Sāloosălĕm’k, ha pooneu’.

²³ Ha Sāsoos pŭmowse k’chehemeāwĭgwamŭk Sŏlŭmŭn ootahtoosanŭk.

²⁴ Netwāje Lĕsweesŭk weunĭkwawŏl, ootehawŏl: Tan kŭte‐kwŏŏne‐āsookātŭhasĭkenĕn? Newĕskoo’eŭn pabĕhkegĕhenĕ.

²⁵ Sāsoos ootasedāma: Kes keseyŭhoolneapŭn, kānookŭloo skat koolamsŭtŭmootepa. Lookāwa’gŭnŭl tanĭl ĕlatakeanĭl N’mĭhtakws weso’o’ŭnŭk, netŭl nĕspuwŏŏlămāweegĭl.

²⁶ Kānookŭloo skat kelooow’ koolămsŭtŭmooteepa eebŭchŭl skat kelooow’ nootŭseepŭmeunŭk, stŭkā’ tan yŏŏhoolĕkwpŭn.

²⁷ N’tŭseepŭmŭk oojĭksŭtŭmŭn’eal n’kŭlooswa’gŭnŭl, ha nŭnagook, ha noosoakagook.

²⁸ Ha n’meelan askŭmowsooagŭn, ha skatŭch wŏŏnmăje‐mĕchĭnhŭte’weŭk; ha skatŭch wĕn n’tăpkwĭlchĕhlŭgooŭn.

²⁹ N’mĭhtakws tan melĭtpŭnĭhĭ pëĕmenŭgŭmkĭl skatŭk m’seu; ha skat wĕn keseăpkwĭlchĕhlŭgoo’ëŭl N’mĭhtakwsŭl.

³⁰ Nel ha n’mĭhtakws N’pĕskooeepŭn.

³¹ Netwāje Lĕsweesŭk apch wekwĕhtooneăl pŭnŏpskool oopŭnŏpskooha’nea.

³² Sāsoos ootasedāma, eetŭm: Kese‐mĕsooātoolnea’pŭnĭl ŭktana’gootool lookāwa’gŭnŭl kĕlooŏkĭl N’mĭhtakwsŭk. Tan yoot neetŭl lookāwa’gŭnŭl wĕje‐kŭte‐pŭnŏpskwa’heyĕkw?

³³ Lĕsweesŭk ootasedāmawŏl, eetŭmootooŭk: Skat koojepŭnŏpskoohoolŏŏhpŭn kĕlooŏk lookāwagŭn; kānookŭloo eebŭchŭl ŭktalmeema Nŭkskam, ha eebŭchŭl kel ĕleskedăpā’weŭn Nŭkskamwĕhlŭs.

³⁴ Sāsoos ootasedāma eetŭm: Skat ëa ŭloowĭkhaseu ŭktŭplootŭmooagŭn‐ĭkooŏk: N’teetŭmoopŭn kelooow’ Nŭkskamoolteepa.

³⁵ Lewehatsŭpŭn nāgŭmow Nŭkskamŭk tanĭk oohŭkāwĭk’ooŏk Nŭkskam ookŭlooswagŭn egĕhāhpŭn, ha Nŭkskamāwā’ Wĭkheegŭn skat keseskwŏŏskātaseu,

³⁶ Uktŭlemawŏ nāgŭm tan Wĕgwŏŏsĭt Nŭkskam Nŭkskamwĕhlat ha ĕlkeemat ooskĭt’kŭmĭkw, Kel ŭktalmema Nŭkskam, eebŭchŭl n’teetŭmoo’pŭn, Nel Nŭkskam Ookwŏŏsŭl?

³⁷ Skat ŭlookāwŏn N’mĭhtakws ootlookāwa’gŭnŭl, moo sak wŏŏlămsŭtoowe’wĕkw.

³⁸ Kānookŭloo ŭlookean’, chegaŏŏ skat wŏŏlămsŭtoowewĕkw’, lookāwa’gŭnŭl wŏŏlămsŭtŭmook’. Wĕlaman kŭje’jetooneap N’mĭhtakws ëu n’hŭkĕk, ha nel n’tĭh N’mĭhtakws oohŭkĕk.

³⁹ Netwāje ăpch ootŭkwāje‐ŭtkoonawŏl; kānookŭloo oochemachĕheŭl oopetenooowĭk’ooŏk.

⁴⁰ Ha ăpch ŭlĭhe kameu’ seepook Sooldĕnk’, tan tŭmk Sabadĭs ĕtlepapteisooĕhlooĕtpŭn, ha net āĭt.

⁴¹ Ha ŭktanakwsooŭk pedabase’neal, ha eetŭmootooŭk: Sabadĭs chŏŏdĕhloo skatama kesātoonāweepŭn kenooŏskoodeegŭn; kānookŭloo m’seu kĕkwsăl tanĭl Sabadĭs ĕlagŭnemătpŭn yootŭl ooskedăpeŭl, ŭlā’uŭl.

⁴² Ha ŭktanakwsooŭk wĕlamsŭtŭkĭk oohŭkĕk net.