Salmus 93 - BIBLIA - traduson antigu in Krioulo

¹ SIÑOR na rena. I bisti puder di renansa. SIÑOR bisti di puder, i mara sintu di forsa. Mundu i firmantadu, i ka pudi bulbuli.

² Bu tronu sta firmi disna di tempu antigu; abo bu sedu antis di mundu kumpudu.

³ Mar ta lanta, o Deus; mar ta lantanda si baruju; i ta lantanda si maron,

⁴ ma SIÑOR, la riba, i mas forti di ki baruju di mar garandi; mas forti di ki turmenta di maron.

⁵ Bu leis fika firmi. Puresa i fajamentu di bu kasa, SIÑOR, pa tudu sempri.