Salmus 91 - BIBLIA - traduson antigu in Krioulo

¹ Kil ku mora na kau suguru di Deus ku sta riba di tudu, i ta diskansa na sombra di kil ku ten tudu puder.

² N na fala di SIÑOR: “El i ña Deus, ña kau suguru, ña lugar forti; N na fiansa nel.”

³ I na librau di armadilia di kil ku misti pañau, ku duensa ku ta mata.

⁴ I na kubriu ku si asas; bas di si penas bu na sta suguru; si bardadi i sedu tajadera ku ta guardau.

⁵ Ka bu medi kusa ku ta pantanda di noti, nin fleŝa ku ta bua di dia,

⁶ nin duensa ku ta laga na sukuru, nin mortundadi ku ta dana di dia wan.

⁷ Mil na kai na bu ladu, des mil na bu direita, ma i ka na yangasau.

⁸ Son ku bu uju bu na jubi; bu na oja kastigu di jinti mau.

⁹ Bu fala kuma SIÑOR i bu kau suguru. Suma ku bu fasi Deus ku sta riba di tudu pa i sedu bu kau di mora,

¹⁰ nin un mal ka na ojau, nin praga ka na ciga na bu morada.

¹¹ I na da si anjus ordi aserka di bo, pa e guardau na tudu kau ku bu na bai.

¹² E na nguentau na se mon, pa ka bu pe maja na nin un pedra.

¹³ Bu na masa lion ku kobra; ku bu pe bu na kalka lion forti ku serpenti.

¹⁴ SIÑOR fala: “Suma ki aman ciu, ami N na libral; N na pul na un kau altu suguru, pabia i rikuñisi ña nomi.

¹⁵ I na coman, N na kudil. N na sta ku el na foronta, N na libral, N dal rispitu dianti di jinti.

¹⁶ N na fartandal ku vida kumpridu, N mostral ña salbason.”