Salmus 87 - BIBLIA - traduson antigu in Krioulo

Salmu, kantiga pa fijus di Koré.

¹ SIÑOR pui si alisersus na monti sagradu;

² i ama portons di Sion mas di ki tudu morada di Israel.

³ O prasa di Deus, kusas gloriosu ta faladu aserka di bo. Sela

⁴ “Na metadi di kilis ku kunsin, N na coma nomi di Ejitu ku Babilonia. I na faladu di jinti di Filistia, Tiru ku Etiopia: ‘Es i padidu la.’ ”

⁵ I na faladu aserka di Sion: “Es ku ki utru padidu la; Deus ku sta riba di tudu, i el propi ku na firmantal.”

⁶ Ora ku SIÑOR fasi reẑistu di pobu, i na skirbi i fala: “Es algin i padidu la.” Sela

⁷ Kantaduris ku tokaduris di instrumentus e na kanta: “Tudu ña fontis sta na bo.”