Salmus 70 - BIBLIA - traduson antigu in Krioulo( Sal 40.13-17 ) 1 O Deus, bin salban dipresa; SIÑOR, janti pa sakuran! 2 Kilis ku buska kaba ku ña vida, pa e kubridu ku borgoña ku kunfuson. Kilis ku misti mal pa mi, pa e ribantadu tras, na kunfuson. 3 Kilis ku fala: “Yo! Yo!” pa e riba tras, kubridu ku borgoña! 4 Kilis ku buskau, pa e kontenti ku alegria na bo; kilis ku ama bu salbason, pa e fala sempri: “SIÑOR pa i garandisidu!” 5 Ma ami, N sta ku kasabi, N ten falta. O SIÑOR, janti pa bin judan. Abo i ña ajuda, ña libertadur. SIÑOR, ka bu tarda. |
© 1993-2020, Instituto de Tradução e Alfabetização
Wycliffe Global Alliance