Salmus 61 - BIBLIA - traduson antigu in Krioulo

Salmu di Davi pa ŝef di musika, ku instrumentus di korda.

¹ O Deus, obi; N na comau; sukuta ña orason.

² N na comau na utru ladu di mundu, pabia ña korson sta disanimadu. Leban pa ki roca ki mas altu di ki mi,

³ pabia bu sedu ña kau suguru, un tori forti kontra inimigu.

⁴ Disan mora na bu kau sagradu pa sempri, pa N fika suguru bas di bu asas. Sela

⁵ O Deus, bu obi ña purmesas; bu dan yardansa di kilis ku rispita bu nomi.

⁶ Buri dias di vida di rei; bu disal pa i vivi pa manga di anu.

⁷ O Deus, disal pa i sta bu dianti pa sempri, bu sedu fiel pa guardal ku bu bondadi.

⁸ Asin N na kanta salmus pa ngaba bu nomi sempri, pa N kumpri ña purmesas kada dia.