Salmus 55 - BIBLIA - traduson antigu in Krioulo

Maskil di Davi pa ŝef di musika, ku instrumentus di korda.

¹ O Deus, para sintidu na ña orason; ka bu sukundi di ña pididu.

² Obin, bu kudin. N sinti kansadu na ña sintidu, N na yanda tarpajadu

³ pabia di gritus di inimigus, manera ku jinti mau na kalkan. E na pui mal pa i kai riba di mi; e ten garandi raiba ku odiu pa mi.

⁴ Ña korson na tirmi, i na bati; medu di mortu kai riba di mi.

⁵ N panta tok N tirmi ku forsa; medu meduñu toma konta di mi.

⁶ N fala: “Kin ku pudi dan asas suma pumba pa N bua, N oja diskansu!

⁷ N pudiba bua lunju, N fika na lala, Sela

⁸ o N na jantiba pa N kapli di forsa di bentu ku turbada!”

⁹ Kastiga elis, SIÑOR, bu kunfundi se lingua, pabia N oja gera ku violensia na prasa.

¹⁰ Di dia ku di noti e ta yanda, e da volta riba di muras; maldadi ku abusu sta dentru di prasa.

¹¹ Danu ten la; ameasas ku nganu ka ta falta na ruas.

¹² Si kontra i un inimigu ku na kobanba, N pudiba sufri; si i algin ku ka gosta di mi ku na njutinba, N pudiba sukundi del.

¹³ Ma i abo, omi suma mi, ña kumpañer, ña amigu di korson.

¹⁴ No ta yandaba juntu, no papia sabi, no baiba ku manga di jinti pa kasa di Deus.

¹⁵ Pa mortu ataka ña inimigus, pa e ria, bibu, na mundu di mortu! Pabia maldadi sta na se kasas ku se korson.

¹⁶ Ma ami, N na coma Deus; SIÑOR na salban.

¹⁷ Di tardi, di parmaña ku me-dia, N na jimi, N keŝa si dianti; el i na obi ña vos.

¹⁸ I libran ku pas di ki gera ku manga di jinti lantanda kontra mi.

¹⁹ Deus ku guberna disna di iternidadi i na obi, i na kastiga elis, Sela pabia i ka ten mudansa nelis, nin e ka ta rispita Deus.

²⁰ Ki ña kumpañer ataka kilis ku tenba pas ku el; i kebra si kontratu.

²¹ Si boka sabiba suma mantega, ma gera staba na si korson; si palabras dos ba suma azeiti, ma e seduba suma spada ku busidu.

²² Pui bu fadiga riba di SIÑOR; el i na nguentau; nunka i ka na disa pa justu bulbulidu.

²³ Ma abo, o Deus, bu na rianta ki jinti pa koba di pirdison. Omis nganadur ku ta darma sangi e ka na ciga na metadi di se vida. Ma ami, N na fiansa na bo.