Salmus 54 - BIBLIA - traduson antigu in Krioulo

Maskil di Davi pa ŝef di musika, ku instrumentus di korda, oca ku zifeus bai konta Saul kuma Davi staba sukundidu na se metadi (1 Sam 23.19; 26.1).

¹ O Deus, salban pabia di bu nomi; fasin justisa pa bu puder.

² O Deus, sukuta ña orason; para sintidu na palabras di ña boka.

³ Jinti orgulyosu lanta kontra mi; omis kruel na buska matan — jinti ku ka ta mporta ku Deus. Sela

⁴ Ma jubi, Deus i ña Judadur; SIÑOR i kil ku ta nguenta ña vida.

⁵ Pa Deus pui maldadi di ña inimigus kai riba di se kabesa! Kaba ku elis, pabia abo i fiel.

⁶ N na tisiu sakrifisiu di bon vontadi; N na ngaba bu nomi, SIÑOR, pabia i bon.

⁷ Bu libran di tudu ña foronta. N oja ku ña uju kaida di ña inimigus.