Salmus 53 - BIBLIA - traduson antigu in Krioulo

¹ Tulus ta fala na se sintidu: “Deus ka ten.” E sta kuruptu, e ta fasi kusas nujenti. I ka ten kin ku ta fasi diritu.

² La na seu, Deus jubi pa tudu jinti na tera, pa sibi si i ten algin ku ten ntindimentu, ku ta buska Deus.

³ Elis tudu e disvia, e bida kuruptu; i ka ten kin ku ta fasi ben, nin un son.

⁴ Nta kilis ku ta fasi pekadu e ka ntindi? E ta kume ña pobu suma ku jinti ta kume pon; e ka ta coma nomi di Deus.

⁵ E staba ku garandi medu nunde ku medu ka tenba, pabia Deus pajiga os di kilis ku atakau. Bu pui elis na borgoña pabia Deus nega elis.

⁶ I ta bon ba pa salbason bin di Sion pa Israel! Ora ku SIÑOR torna sorti pa si pobu, Jakó, ku sedu Israel, i na kontenti.