Salmus 46 - BIBLIA - traduson antigu in Krioulo

Un kantiga konformi Alamot, di fijus di Koré, pa ŝef di musika na metadi di fijus di Koré.

¹ Deus i no kau di suguransa, i no forsa, sakur pruntu sempri na ora di foronta.

² Asin, no ka na medi, nin si con bulbuli; nin si montis kai na metadi di mar;

³ nin si yagu di mar fasi baruju, i sukuma; nin si montis tirmi pabia di turmenta di yagu. Sela

⁴ I ten un riu ku ta kontenta prasa di Deus, ki kau sagradu ku sedu morada di Deus ku sta riba di tudu.

⁵ Ki prasa ka na bulbulidu; Deus sta na si metadi, i na judal mandrugada.

⁶ Nasons torna brabu; renus bulbuli; Deus pui si vos pa i obidu; mundu bin ribi.

⁷ SIÑOR ku ten tudu puder sta ku nos; Deus di Jakó i no kau di suguransa. Sela

⁸ Bo bin pa jubi tarbaju di SIÑOR, ki kusas di dimira ki fasi na mundu.

⁹ I ta para gera na tudu ladu di mundu; i ta kebra mansasa, i sapa-sapa kañaku, i kema karus na fugu.

¹⁰ I fala: “Bo keta, bo sibi kuma ami i Deus; N na garandisidu na metadi di nasons; N na garandisidu riba di mundu.”

¹¹ SIÑOR ku ten tudu puder sta ku nos; Deus di Jakó i no kau di suguransa. Sela