Salmus 43 - BIBLIA - traduson antigu in Krioulo

(Kontinuason di Salmu 42)

¹ O Deus, diklaran justu; difindi ña kasu kontra jinti ku ka ta mporta ku bo; libran di omi mau ku ta konta mintida.

² Abo i Deus, ña kau forti; ke ku manda bu negan? Pabia di ke ku N na yanda ku miskiñu manera ku ña inimigu na kalkan?

³ Manda bu lus ku bu bardadi pa e gian, e leban pa bu monti sagradu, pa kau ku bu mora.

⁴ Asin N na bai pa altar di Deus, ki Deus ku sedu ña garandi kontentamentu; N na ngabau ku arpa, o Deus, ku sedu ña Deus.

⁵ Ña alma, ke ku manda bu sta disanimadu? Pabia di ke ku bu sta tarpajadu dentru di mi? Pui bu speransa na Deus, pabia N na torna ngabal, kil ku sedu ña Salbadur, ña Deus.