Salmus 36 - BIBLIA - traduson antigu in Krioulo

Salmu di Davi, servu di SIÑOR, pa ŝef di musika

¹ Pekadu ta papia ku omi mau na fundu di si korson; i ka ta rispita Deus, nin i ka ta mporta ku el.

² Na si propi pensamentu i ta ngaba si kabesa; i ka ta nota pa si pekadu, nin i ka ta nuju el.

³ Palabras ku sai na si boka i maldadi ku nganu; gosi i ka ta ntindi nin i ka ta fasi ben;

⁴ Na si kama i ta fasi planus di mal; i ta pega kamiñu ki ka bon; i ka ta nega kil ki mau.

⁵ SIÑOR, bu bondadi ciga te na seu; bu bardadi yangasa nuvens mas altu.

⁶ Bu retidon i suma garandi montañas; bu julgamentu i suma mar fundu. SIÑOR, bu ta guarda omis ku limarias.

⁷ Bu bondadi, o Deus, i di garandi balur; e ku manda jinti ta oja kau di suguransa na sombra di bu asas.

⁸ E ta farta rikesas di bu kasa; bu ta pui elis pa e bibi na riu di bu sabura,

⁹ pabia fonti di vida sta na bo; na bu lus no ta oja lus.

¹⁰ Kontinua mostra bu bondadi pa kilis ku kunsiu, ku bu justisa pa kilis ku tene korson retu.

¹¹ Ka bu disa omi orgulyosu dan ku pe, nin ka bu disa mon di omi mau pa i pincan.

¹² Jubi manera ku jinti mau kai, tok e dita, e ka pudi lanta!