Salmus 31 - BIBLIA - traduson antigu in Krioulo

Salmu di Davi pa ŝef di musika.

¹ SIÑOR, N fiansa na bo; ka bu disan pasa borgoña; salban, manera ku bu sedu justu.

² Mpina bu oreja pa mi, bu libran kinti-kinti, bu sedu ña roca firmi, un kau forti pa salban.

³ Suma ku bu sedu ña roca ku ña kau forti, bu ta gian, bu leban na kamiñu sertu pa amor di bu nomi.

⁴ Tiran di ridia ke pui pa mi, pabia abo i ña forsa.

⁵ N ntrega ña spiritu na bu mon; SIÑOR, Deus fiel, libran.

⁶ N ka gosta di kilis ku ta adora idulus di nganu; N fiansa na SIÑOR.

⁷ N na ten kontentamentu ku alegria na bu bondadi, pabia bu oja pa ña sufrimentu, bu kunsi ña kasabi.

⁸ Bu ka ntregan na mon di ña inimigu, ma bu pui ña pe na un kau largu.

⁹ O SIÑOR, ten pena di mi, pabia N sta na foronta; tristesa na pui ña uju fraku, ku kurpu ku korson.

¹⁰ Ña vida na gasta pabia di tristesa; N na kaba ña anus sedu na jimi. Ña forsa na falia pabia di ña pekadu, ña os na fraksi.

¹¹ Ña visiñus ta njutin pabia di tudu ña inimigus. Ña amigus ta sinti medu; kilis ku ojan na rua e ta kuri di mi.

¹² N diskisidu suma algin ku muri; N sedu suma puti kebradu.

¹³ N obi ŋuniŋuni di manga di jinti; medu sta na tudu ladu. Tudu jinti na fasi planu kontra mi, e misti tira ña vida.

¹⁴ Ma N fiansa na bo, SIÑOR; N fala: “Abo i ña Deus.”

¹⁵ Ña tempu sta na bu mon; libran na mon di ña inimigus ku kilis ku na pirsigin.

¹⁶ Pui bu rostu pa i numia bu servu; salban pabia di bu amor.

¹⁷ Ka bu disan pa N pasa borgoña, SIÑOR, pabia N comau; ki jinti mau pa e fika ku borgoña, e kala janan na mundu di mortus.

¹⁸ Pui jinti munturus pa e kala boka, kilis ku ta papia mal ku orgulyu, e njuti jinti justu.

¹⁹ Ki bu bondadi ku bu guarda pa kilis ku rispitau, i garandi; el ku bu ta mostra, dianti di tudu jinti, pa kilis ku fiansa na bo.

²⁰ Na kau di suguransa, lungu di bo, bu na sukundi elis di tarpasa di omis. Na bu morada bu na sukundi elis di jus di boka di jinti.

²¹ N na ngaba SIÑOR, pabia i mostran si bondadi maravilyosu ocan na un prasa tajadu.

²² N fala na ña foronta kuma N serkadu bu dianti, ma bu obin oca ku N comau, N rogau pa bu judan.

²³ Abos tudu ku sedu si pobu, bo ama SIÑOR, pabia SIÑOR ta guarda kilis ku sedu fiel, ma i ta torna orgulyosus kil ke mersi.

²⁴ Bo sedu forti, bo ten koraẑen, abos tudu ku ten speransa na SIÑOR.