Salmus 3 - BIBLIA - traduson antigu in Krioulo

Salmu di Davi, oca ki kuri di si fiju Absalon (2 Sam 15.13—17.22).

¹ SIÑOR, jubi kuma ku ña inimigus buri! Kilis ku lanta kontra mi e ciu dimas!

² Manga delis na papia aserka di mi, e fala: “Deus ka na salbal.” Sela

³ Ma abo, SIÑOR, bu sedu ña tajadera, abo i ña gloria, kil ku ta yalsa ña kabesa.

⁴ Ku vos altu N ta coma SIÑOR; el, na si monti sagradu, i ta kudin. Sela

⁵ N ta dita, N durmi; N ta korda, pabia SIÑOR ta suguran.

⁶ N ka na medi ki des milyaris di jinti ku lanta na tudu ladu kontra mi.

⁷ SIÑOR ña Deus, lanta, bu salban! Pabia bu sukia tudu ña inimigus, bu kebra dintis di jinti mau.

⁸ Salbason ta bin di SIÑOR. Bu benson pa i sta riba di bu pobu.