Salmus 26 - BIBLIA - traduson antigu in Krioulo

Salmu di Davi.

¹ SIÑOR, tenen suma justu, pabia N yanda na bardadi, N fiansaba na bo sin balansa.

² Jubin, SIÑOR, bu spurmentan, jubi diritu na ña korson ku pensamentus,

³ pabia bu bondadi sta sempri ña dianti; N ta yanda na bu bardadi.

⁴ N ka ta sinta ku jinti ku ka para na kamiñu, nin N ka ta yanda juntu ku jinti finjidu.

⁵ N ka gosta di sta na metadi di kilis ku ta fasi mal, N nega sinta ku jinti mau.

⁶ N laba mon pa mostra kuma N ka ten kulpa; asin N na yanda na roda di bu altar, SIÑOR,

⁷ pa kanta ku vos altu pa ngabau, pa konta tudu kusa maravilyosu ku bu fasi.

⁸ SIÑOR, N ama kasa nunde ku bu mora, ki kau nunde ku bu gloria sta.

⁹ Ka bu tira ña vida ku kilis ku ta fasi pekadu, nin ku kilis ku ta darma sangi,

¹⁰ ku se mon ta fasi mal, se mon direita inci ku suku di bas.

¹¹ Ma ami, N ta yanda na ña bardadi; libran, bu ten pena di mi.

¹² Ña pe sta firmi na con niveladu. N na ngaba SIÑOR na juntamentu.