Salmus 24 - BIBLIA - traduson antigu in Krioulo

Salmu di Davi.

¹ Tera i di SIÑOR, ku tudu ku sta nel, suma tambi mundu ku tudu kilis ku mora nel,

² pabia i el ku pui si alisersu riba di mar, i firmantal riba di korentis di yagu.

³ Kin ku pudi subi na monti di SIÑOR? Kin ku pudi sta na si kau sagradu?

⁴ I kil ku tene mon limpu ku korson puru, ku ka ta ntrega si vida pa deus falsu, nin i ka ta jurmenta ku nganu.

⁵ Ki algin na yangasa benson di SIÑOR. Deus si Salbadur na comal justu.

⁶ Jinti ku ta buska Deus, asin ke na sedu, kilis ku ta buska pursensa di Deus di Jakó. Sela

⁷ Abos portons, bo yabri di largu! Abos portas antigu, bo yabri, pa Rei di Gloria pudi yentra.

⁸ Kin ku sedu e Rei di Gloria? I SIÑOR forti, di puder, SIÑOR ku ten puder na gera.

⁹ Abos portons, bo yabri di largu! Abos portas antigu, bo yabri pa Rei di Gloria pudi yentra.

¹⁰ Kin ku sedu e Rei di Gloria? SIÑOR ku ten tudu puder, i el ki Rei di Gloria. Sela