Salmus 20 - BIBLIA - traduson antigu in Krioulo

Salmu di Davi pa ŝef di musika.

¹ SIÑOR pa i kudiu na dia di foronta; nomi di Deus di Jakó pa i guardau suguru.

² Pa SIÑOR manda sakurau di si kasa sagradu; i ta nguentau desdi Sion.

³ Pa i lembra di tudu bu sakrifisius, i seta bu ofertas kemadu. Sela

⁴ Pa i dau ke ku bu dija na bu korson, i pui tudu bu planus bai dianti.

⁵ No na kanta altu ku kontentamentu pa bu vitoria; no na yalsa bandera na nomi di no Deus. SIÑOR pa i dau tudu ku bu pidi.

⁶ Gosi N sibi kuma SIÑOR ta salba si rei unjidu; desdi si seu sagradu i na kudil, ku forsa di si mon direita i na dal vitoria.

⁷ Utrus ta fiansa na karus, utrus na kabalus, ma anos, no na fiansa na nomi di SIÑOR no Deus.

⁸ Elis e ta dobra, e kai, ma anos no ta lanta, no fika firmi.

⁹ O SIÑOR, da vitoria pa rei; kudinu ora ku no comau.