Salmus 2 - BIBLIA - traduson antigu in Krioulo

¹ Ke ku manda nasons ta lanta ku baruju, pobu ta fasi se planus amonton?

² Reis di mundu ta lanta, ŝefis junta, e pui na un son kontra SIÑOR, kontra kil ki kuji pa i sedu unjidu suma rei; e fala:

³ “Bin no rumpi korenti ke maranu ku el, no sakudi se korda na nos!”

⁴ SIÑOR ku sinta na si tronu na seu i na ri, i fasi trosa delis.

⁵ Dipus i na raprindi elis na si raiba, i na pantanda elis, i fala:

⁶ “N unji ña rei riba di ña monti sagradu di Sion.”

⁷ Ami, ku sedu rei, N na ripiti ke ku SIÑOR fala. El i falan: “Abo i ña fiju; aos ku N padiu.

⁸ Pidin; ami N ta dau nasons, te na kabantada di mundu, pa bu tenel suma yardansa.

⁹ Bu na manda riba delis ku feru di renansa, bu na kebra-kebra elis suma ku puti ta bida padas padas.”

¹⁰ Asin, abos reis, bo sedu jiru; abos, ŝefis di mundu, bo prindi bo lison.

¹¹ Bo sirbi SIÑOR ku rispitu, bo kontenti ma bo tirmi tambi.

¹² Bo beẑa Fiju, pa ka i paña raiba; pa bo ka bin kabadu ku el na kamiñu, pabia si raiba ta rebenta kinti-kinti. Sortiadu tudu kilis ku fiansa nel.