Salmus 16 - BIBLIA - traduson antigu in Krioulo

Salmu muitu bon di Davi.

¹ Guardan, o Deus, pabia N fiansa na bo.

² N fala SIÑOR: “Abo ki ña SIÑOR; fora di bo N ka tene nada ki bon.”

³ Pobu di Deus ku sta na tera e sedu gloriosu; tudu ña kontentamentu i pa sta ku elis.

⁴ Kilis ku bai tras di utru deusis e na buri tristesa riba di se kabesa. Ami, N ka na darma ofertas di sangi, nin ña boka ka na coma se nomis.

⁵ Abo, SIÑOR, ku sedu ña yardansa, bu dan alegria, bu fasi ña sorti suguru.

⁶ Liñas di frontera e kain sabi; sin, N tene yardansa bonitu.

⁷ N na ngaba SIÑOR ku ta konsijan; mesmu di noti ña korson ta nsinan.

⁸ N pui SIÑOR sempri ña dianti; manera ki sta na ña direita, N ka na bulbulidu.

⁹ E ku manda ña korson sta kontenti, ña lingua papia palabra di alegria, ña kurpu na diskansa suguru,

¹⁰ pabia bu ka na disa ña alma na kau di mortus, nin bu ka na disa kurpu di ki algin ku bu ama pa i podri.

¹¹ Bu na mostran kamiñu di vida. Na bu dianti i ten garandi kontentamentu; na bu mon direita i ten kusas sabi ku ka ta kaba.