Salmus 15 - BIBLIA - traduson antigu in Krioulo

Salmu di Davi.

¹ SIÑOR, kin ku pudi mora na bu kasa? Kin ku pudi mora na bu monti sagradu?

² I kil ku ta yanda sin kulpa, i ta fasi kusas ki justu, i ta papia bardadi di si korson;

³ i ka ta disfama ku si boka; i ka ta fasi mal pa si kumpañer, nin i ka ta pasanta kombersa kontra si kumpañer;

⁴ i ta dispreza kil ku Deus raproba, ma i ta rispita kilis ku rispita Deus; i ta kumpri si purmesa, mesmu ki kustal;

⁵ i ta pista si diñeru sin kobra juru; i ka ta seta suku di bas pa julga kontra kil ku ka ten kulpa. Kil ku ta fasi e kusas, nunka i ka na bulbulidu.