Salmus 149 - BIBLIA - traduson antigu in Krioulo

¹ Bo ngaba SIÑOR! Bo kanta un kantiga nobu pa SIÑOR; bo kanta pa ngabal na juntamentu di si pobu.

² Israelitas pa e kontenti na kil ku kumpu elis; pobu di Sion pa e kontenti ku se Rei,

³ pa e ngaba si nomi ku flauta, pa e kanta salmus pa el ku tambriña ku arpa.

⁴ Pabia SIÑOR ta kontenti ku si pobu; i ta faja umildis ku salbason.

⁵ Pobu di Deus pa e kontenti na vitoria; pa e kanta na se kama ku alegria;

⁶ pa e yalsa vos altu pa ngaba Deus. Na se mon pa e tene spada di dus boka

⁷ pa e torna vingansa pa nasons, pa kastiga rasas,

⁸ pa mara se reis ku korentis, se garandis ku korentis di feru,

⁹ pa kumpri riba delis ki julgamentu ku sta skritu. Es na sedu vitoria pa tudu pobu di Deus. Bo ngaba SIÑOR!