Salmus 148 - BIBLIA - traduson antigu in Krioulo

¹ Bo ngaba SIÑOR! Bo ngaba SIÑOR la na seu; bo ngabal la riba.

² Abos, tudu si anjus, bo ngabal, tudu si tropas di seu, bo ngabal.

³ Sol ku lua, bo ngabal; tudu strelas ku ta numia, bo ngabal.

⁴ Seu ku sta riba di seu, ku yagu ku sta riba di seu, bo ngabal.

⁵ Pa tudu e kusas ngaba nomi di SIÑOR, pabia el i da ordi; logu e sedu.

⁶ I firmanta elis pa tudu sempri, i da elis un lei ku ka na pasa.

⁷ Abos di tera, bo ngaba SIÑOR, abos baleias, ku tudu kau fundu;

⁸ fugu, cuba di pedra, nevi, serenu, bentu forti ku ta obdisi si palabra;

⁹ montañas ku tudu montisiñus, arvuris di fruta ku tudu sedrus;

¹⁰ limarias brabu, ku bakas, limarias ku ta rasta ku kacus ku ta bua;

¹¹ reis di mundu ku tudu se pobu, ŝefis ku tudu juisis di mundu;

¹² rapasis ku bajudas, bejus ku mininus,

¹³ pa e ngaba nomi di SIÑOR, pabia si nomi sta riba, el son; si gloria sta riba di tera ku seu.

¹⁴ I lantanda un rei pa si pobu, ku elis tudu e na ngaba; Israel, un nason pertu di si korson, i na ngabal. Bo ngaba SIÑOR!