Salmus 147 - BIBLIA - traduson antigu in Krioulo

¹ Bo ngaba SIÑOR! I bon pa kanta pa ngaba no Deus; i un kusa sabi, i bonitu.

² SIÑOR na kumpu Jerusalen, i na junta kilis di Israel ku pajigadu.

³ I ta kura kebrantadus di korson, i ta liga elis cagas.

⁴ I ta konta numeru di strelas, i ta coma kada un ku si nomi.

⁵ No SIÑOR i garandi, i ten garandi puder; si ntindimentu ka ten limiti.

⁶ SIÑOR ta yalsa umildis, ma i ta bati jinti mau te na con.

⁷ Bo kanta pa SIÑOR, bo gardisil; bo kanta pa ngaba no Deus ku arpa,

⁸ I ta kubri seu ku nuvens, i ta manda cuba pa tera, i ta pui paja pa i kirsi na montis.

⁹ I ta da kumida pa limarias, ku fijus di korvu, ora ke comal.

¹⁰ I ka forsa di kabalu ku ta dal kontentamentu, nin pernas di omi ku sibi kuri,

¹¹ ma SIÑOR ta ten si kontentamentu na kilis ku rispital, ku ta pui se speransa na si bondadi.

¹² O Jerusalen, ngaba SIÑOR; ngaba bu Deus, o Sion,

¹³ pabia i ta fortifika trinkus di bu portons; i ta bensua bu pobu dentru di bo.

¹⁴ I ta pui pas na bu fronteras, i fartanda bos ku foriña finu.

¹⁵ I ta manda si ordi pa mundu; si palabra ta bai rapidu.

¹⁶ I ta manda nevi, branku suma algadon; i ta waga jeada suma sinsa.

¹⁷ I ta ferca si jelu suma kaskaju; kin ku pudi nguenta si friu?

¹⁸ I ta manda si palabra; jelu ta ribi; i ta pui bentu pa i supra; yagu ta kuri.

¹⁹ I mostra si palabra pa Jakó, si regras ku leis pa Israel.

²⁰ I ka fasi asin pa kualker utru nason; elis tudu e ka kunsi si leis. Bo ngaba SIÑOR!