Salmus 146 - BIBLIA - traduson antigu in Krioulo

¹ Bo ngaba SIÑOR! Ña alma, ngaba SIÑOR!

² N na ngaba SIÑOR tudu ña vida; N na kanta pa ngaba ña Deus nkuantu N sta bibu.

³ Ka bu fiansa na reis, nin na omis, pabia e ka pudi salba.

⁴ Si e para da folgu, e ta riba pa con; na ki mesmu dia se pensamentus kaba.

⁵ Sortiadu i kil ku tene Deus di Jakó suma si Judadur, ku si speransa sta na SIÑOR si Deus,

⁶ ku kumpu seu ku tera ku mar ku tudu ku sta nel, ku manti fiel pa sempri.

⁷ I ta fasi justisa pa kilis ku kalkadu, i ta da kumida pa kilis ku tene fomi. SIÑOR ta liberta kilis ku sta na kalabus.

⁸ SIÑOR ta yabri uju di jinti segu, i ta lantanda kilis ku batidu; i ta ama justus.

⁹ SIÑOR ta guarda stranjerus, i ta kuida di orfan ku viuva, ma i ta tarpaja kamiñu di jinti mau.

¹⁰ SIÑOR na rena pa sempri. O Sion, bu Deus na rena pa tudu tempu. Bo ngaba SIÑOR!