Salmus 137 - BIBLIA - traduson antigu in Krioulo

¹ Lungu di rius di Babilonia no sinta, no cora, oca ku no lembra di Sion.

² No pindra no arpas na ramus di salgerus ku staba la.

³ Kilis ku lebanuba katibu e pidinu un kantiga; kilis ku na kastiganuba e pidi pa no divirti ku elis, e fala: “Bo kantanu un kantiga di Sion.”

⁴ Ma kuma ku no pudi kanta kantiga di SIÑOR na tera strañu?

⁵ O Jerusalen, si N diskisi di bo, ña mon direita pa i pirdi si jitu!

⁶ Ña lingua pa i kola na boka si N ka lembra di bo, si N ka pensa na Jerusalen suma ña alegria mas garandi!

⁷ SIÑOR, lembra ke ku edomeus fasi na dia ku Jerusalen kai. E fala: “Batil! Batil te na con!”

⁸ O prasa di Babilonia, bu na kabadu ku el! Sortiadu kil ku pagau pa mal ku bu fasinu!

⁹ Sortiadu i kil ku pega na bu fijus pikininu, i bati elis kontra pedra!