Salmus 136 - BIBLIA - traduson antigu in Krioulo

¹ Bo ngaba SIÑOR, pabia el i bon. Si bondadi i pa sempri.

² Bo ngaba Deus ku sta riba di utru deusis. Si bondadi i pa sempri.

³ Bo ngaba SIÑOR ku sta riba di tudu siñoris. Si bondadi i pa sempri.

⁴ El son ku ta fasi garandi milagris. Si bondadi i pa sempri.

⁵ Ku ntindimentu i kumpu seu, Si bondadi i pa sempri.

⁶ i distindi tera riba di yagu. Si bondadi i pa sempri.

⁷ I kumpu lusis garandi, Si bondadi i pa sempri.

⁸ ku sedu sol pa guberna di dia, Si bondadi i pa sempri.

⁹ ku lua ku strelas pa guberna di noti. Si bondadi i pa sempri.

¹⁰ I mata purmeru fijus di Ejitu, Si bondadi i pa sempri.

¹¹ i tira Israel na se metadi Si bondadi i pa sempri.

¹² ku mon forti ku brasu distindidu. Si bondadi i pa sempri.

¹³ I dividi Mar Burmeju na dus parti, Si bondadi i pa sempri.

¹⁴ i leba Israel na metadi delis, Si bondadi i pa sempri.

¹⁵ ma i foganta Faraó ku si tropas na Mar Burmeju. Si bondadi i pa sempri.

¹⁶ I gia si pobu na lala, Si bondadi i pa sempri.

¹⁷ i mata reis garandi, Si bondadi i pa sempri.

¹⁸ i tira vida di reis ku ten fama: Si bondadi i pa sempri.

¹⁹ Sion, rei di amoreus, Si bondadi i pa sempri.

²⁰ ku Og, rei di Basan; Si bondadi i pa sempri.

²¹ i da se tera suma yardansa, Si bondadi i pa sempri.

²² sin, suma yardansa pa Israel, si servu. Si bondadi i pa sempri.

²³ I lembra di nos oca no umilyadu, Si bondadi i pa sempri.

²⁴ i kaplintinu na mon di no inimigus. Si bondadi i pa sempri.

²⁵ I ta da kumida pa tudu kriatura. Si bondadi i pa sempri.

²⁶ Bo ngaba Deus di seu. Si bondadi i pa sempri.